Joshụa 14:12 - Ika

¹² Ye m nwan alịnị rị elu ugu hụn Osolobuẹ kwe m nkwa ụhụọhịn ahụn. Y'a nụghọ a ụhụọhịn ahụn nị ndị adụn-aran Anakị rị ebẹhụ, uwẹ lẹ obodo uku, obodo uku wẹ tụnhunmẹ mgbọn; kanị, omẹni Osolobuẹ a nọyeghọnị m, m sikọ d'a chụpụ wẹ kẹ Osolobuẹ dọn ku.”

Joshụa 14:12 Iomraidhean Croise

Ndị-nze Nke Ẹbụọ 19:4

Ikẹnkwọ Osolobuẹ wụ Chuku i a nụghọ oku-ọnụ onyẹ-isi-aghanị di-nwọnn'ẹ wụ eze Asiria zihẹ d'a kpari Chuku rị ndụn; ikẹnkwọ Osolobuẹ wụ Chuku i a jụgbọ a banyeni oku ndị ahụn Osolobuẹ nụ ọnụ a. Mẹni nwan ẹnyi ndị họdụ imẹ alị Juda ekpere.”

Ihiẹn Mẹni Nke Ẹbụọ 14:11

Ya kẹ Asa nọ kpọku Osolobuẹ wụ Chuku, sị, “Osolobuẹ, onwọnni onyẹ nọ kẹ yụ hụn k'e yeni onyẹ nwọnlẹni ndụn ẹka lụsọn dikẹn ọgụn. Osolobuẹ wụ Chuku ẹnyi, dodo yeni ẹnyi ẹka, makẹni ịyụ kẹ ẹnyi gi dọn ẹnya; ẹfan ị kẹ ẹnyi gi bịa d'a lụsọn igunrun-aghanị ọgụn. Osolobuẹ dodo, ịyụ wụ Chuku ẹnyi; anịkwọlẹ ịhịan mẹri i.”

Ẹbụ-ọma 44:3

Ẹlẹkwọ ọpịa-agha wẹ kẹ ndị nke i gi weri alị ahụn; ẹlẹ ikẹn wẹ kẹ wẹ gi mẹri! Ikẹn i lẹ akwanran ị lẹ ẹnya rị mma i gi e lee wẹ haịn, makẹni ị chọ nị i mẹni wẹ ọhụnma.

Ẹbụ-ọma 60:12

Ebe Osolobuẹ nọyeni ẹnyi, ẹnyi k'e mẹ okẹn ihiẹn, makẹni ịya k'a zọgbu ndị-iṅẹnrẹn ẹnyi.

Ọgụngụn 13:28

K'osilẹrị, ndị bi ebahụn e nwọnkẹ ndụn; wẹ tụnhunmẹ obodo ndị rị n'a mgbọn; obodo ndị rịn'a a shịakẹnmẹkẹ. Ẹnyi a hụnzịghọ ndị ebọn adụn-aran, ụmụ Anakị, bi ebahụn.

Ọgụngụn 13:33

Ẹnyi a hụnghọ ndị adụn-aran ebahụn (ụmụ Anakị wụ ebọn ndị adụn-aran). Kẹ ẹnyi hụn wẹ, ẹnyi nọhụ kẹ kpamkpam ẹnya wẹ, ẹnya hụ kẹ wẹ nwẹn gizi e lee ẹnyi.”

Ọgụngụn 21:34

Osolobuẹ nọ sị Mozizi, “Atụlẹ ni egun ẹ, makẹni e wegụọ m'a ye ụnụ mẹri, ịya lẹ ndị-agha a ile lẹ alị a. Mẹn'ẹ ihiẹn ụnụ mẹ Sihọnụ eze Amọ, hụn te nọ Hẹsh'bọnụ a kị ndị Amọ.”

Ndị Rom 8:31

Kị ẹnyi k'e ku nwan? O mẹ nwan nị Osolobuẹ rị ẹnyi azụụn, onyẹ k'a saẹka mẹ ẹnyi ihiẹn ọwụlẹ?

Ditrọnọmi 1:28

Jẹnmẹ elebe?! Umunẹ ẹnyi e kugụọ ihiẹn ndụn gi gụ ẹnyi. Wẹ sị, ‘Ndị ahụn ka ẹnyi e ze, ka ẹnyi usue; obodo ndị ahụn shịa ashịa, mgbọn wẹ rusọnmẹdẹ elu-igwere! Ẹnyi a hụngụọdẹ ndị adụn-aran ebahụn!’ ”

Ditrọnọmi 9:1

Izrẹlụ, gọn ni ntịn! Ụnụ e d'e fetu nwan Iyi Jọdanị d'a narịn ndị ọzọ ka ụnụ ọda, ka ụnụ ikẹn, alị wẹ hụn nwọnsọnmẹ obodo shịagbu enwẹn wẹ, wẹ tụnhunmẹ mgbọn sụntụsọnmẹ elu-igwere.

Ditrọnọmi 9:3

Ka marịn nị nwan nị Osolobuẹ wụ Chuku ụnụ wụ onyẹ k'e buruni ụnụ ụzọ nọkẹ ọkụn rị a dụnnị. O k'e tikpọ wẹ; o k'e mẹrini ụnụ wẹ, ụnụ a chụpụ wẹ, gbupụ wẹ ozigbo, nọkẹ kẹ Osolobuẹ dọn kwe ụnụ nkwa.

Ndị Filipi 4:13

M'a saẹka e mẹ ihiẹn ile ghahanị Onyẹ hụn e ye m ikẹn.

Hibru 11:33

ndịnị ile gi okukwe mẹri alị rị ichẹn-ichẹn, gi ẹ kị ọkịkị rị mma; gi ẹ nwọnhẹn ihiẹn Osolobuẹ kwe wẹ nkwa a, gi okukwe kpukinsọnmẹ ọnụ ẹwọrọ;

Joshụa 15:14

Ya Kalẹbụ nọ gha imẹ Hibrọnụ chụpụ adụn-aran Anakị ẹtọ: Shẹshaị, Ahimanị lẹ Tal'maị, ndị ẹbozo Anakị.

Ndị Han Eṅẹn 1:20

O ru, wẹ nọ we obodo Hibrọnụ ye Kalẹbụ nọkẹ kẹ Mozizi dọn ku; ịya chụpụ adụn-aran ẹtọ hụ, ndị ebọn Anakị.

Samuẹlụ Nke Ibuzọ 14:6

Jonatanị nọ nwan sị okorọbịa hụ e bun'ẹ ihiẹn ọgụn, “Bịa nị ẹnyi fetu d'e kunrun ndị Filistia ndịnị kwalẹni ugun ghalẹni e fe Osolobuẹ. Ikẹnkwọ Osolobuẹ e mẹyeni ẹnyi. Makẹni, onwọnni hụn Osolobuẹ ghalẹni e gi a zụọpụha, kẹ ndị bu ọda kẹ ndị bulẹni ọda!”