Joshụa 14:11 - Ika

¹¹ “M zekwọ nwan tannị kẹ m zehan ogẹn ahụn Mozizi gi zi m ozi hụ; kẹ m nwọnhan ndụn ogẹn ahụn kẹ m nwọnhan kikẹnni — kẹ hụn m'e gi jẹn agha kẹ hụn m'e gi jẹnhunmẹ.

Joshụa 14:11 Iomraidhean Croise

Ẹbụ-ọma 103:5

O gi ihiẹn rị mma e yejun i ẹfọ, hụn ndụn gi a rịsọnmẹ ị nọkẹ ugọn.

Ẹbụ-ọma 90:10

Ahụa iri-kwasị-ọgụn ẹtọ sụọ kẹ ẹnyi a tọhụ; onyẹ nwọnkẹ ndụn, ọ tọ ahụa ọgụn ẹnọ; kanị elu ẹnyi wụ ọrụn-ọrụn lẹ nsọngbu-nsọngbu, o gini e mẹ emẹ, ogẹn ẹnyi e zu, ẹnyi e fepụ kẹ nnụnụ.

Azaya 40:31

kanị nke ndị gi Osolobuẹ e dọn ẹnya, ndụn k'a banzị wẹ. Wẹ k'e fe imẹ-elu kẹ ugọn; wẹ k'a gba ọsọ, ndụn agụkọ wẹ; wẹ k'e jẹn ijẹn, asọhịkọ wẹ.

Ditrọnọmi 31:2

ọ sị wẹ, “M rị nwan nwa ahụa ọgụn-isin, asazị m ẹka du ụnụ. Osolobuẹ a sịgụọ m, ‘Y'e fetukọ Iyi-Jọdanị.’

Ditrọnọmi 33:25

Igwe-igwe kẹ w'e gi fidọn ọnụ-mgbọn i, kẹ igwe mmaka kẹ igwe-bronzu; ndụn k'a rịferi i y'e we nwụn.

Ditrọnọmi 34:7

Mozizi rị nwa ahụa ọgụn isin k'ọ nwụn, kanị ọ kayeni ẹnya, ndụn agụn'a.

Joshụa 14:10

“Lee ẹ nwan nị Osolobuẹ e dọnmẹgụọ m ndụn k'o dọn ku ọrọgbọ ahụa isẹn kwasị ọgụnnaịnị, kete mgbẹ hụ Osolobuẹ gwa Mozizi okuni, ogẹn hụ ẹnyi ndị Izrẹlụ gi rị ụzọ imẹ atụ; e lee m ebeni tannị, m rị nwan nwa ahụa isẹn kwasị ọgụn-ẹnọ!