Joshụa 13:13 - Ika

¹³ Kanị, ndị Izrẹlụ achụpụnị ndị Gẹshọ lẹ ndị Maaka, wẹ bi imẹ igunrun ndị Izrẹlụ d'e rukwọ tannị.

Joshụa 13:13 Iomraidhean Croise

Jẹnẹsisi 35:22

Ogẹn Izrẹlụ gi rị Mig'dalụ-Ẹda kẹ Rubẹni nwa a gi bankunrun mgba Izrẹlụ nẹdi ẹ wụ Bil'ha, okpoho ahụn rị iwe wẹ — Izrẹlụ nọ nụ ihiẹn o mẹ. Ikẹnnyẹ Jekọpụ mụ rị mmẹbụọ:

Samuẹlụ Nke Ẹbụọ 10:6

Ogẹn o gi we ndị Amọnụ ẹnya nị a kpasugụọ wẹ Defidi iwe ọda-ọda, wẹ nọ jẹn d'e weri ndị-agha alị Aram imẹ Bẹt-Rehobu lẹ Zoba — madụ nnụ-uku ọgụn (20,000) kpọzịkwọ eze ndị Maaka lẹ ndị-agha a nnụ-uku lẹzi ndị Tobu nnụ-uku mmẹbụọ (12,000).

Samuẹlụ Nke Ẹbụọ 3:3

nke ẹbụọ wụ Kilịabụ nwa Abigẹlụ hụn te wụ nwunyẹ Nabalụ onyẹ Kamẹlụ nị Nabalụ d'a nwụn; nke ube ẹtọ wụ Absalọm nwa Maaka nwa-okpoho Tal'maị eze Gẹshọ.

Ọgụngụn 33:55

“Kanị, omẹni ụnụ achụpụnị ndị alị ahụn, ndị ụnụ latọ k'a wụrụ ntu k'a dụnsọnmẹ ụnụ ẹnya lẹ ogun k'a dụnsọnmẹ ụnụ ẹkụnkụn; wẹ k'e ye ụnụ nsọngbu imẹ alị ahụn ụnụ sikọ d'e bi —

Ditrọnọmi 3:14

Jaịrị onyẹ ẹbozo Manasẹ gi agha weri ẹgbẹrẹ Agobu ile d'e rukwọrị okẹn ndị Gẹshọ lẹ ndị Maaka. Ọ nọ gụn a ẹfan ya lẹ enwẹn ẹ, ịya kẹ wẹ gi a kpọ ẹgbẹrẹ Bashanị Ụmụ-alị Jaịrị d'e rukwọ tannị.)

Joshụa 12:5

Ịya kị kẹ Ugu Hẹmọnụ kẹ alị Salẹka kẹ ẹgbẹrẹ Bashanị ile d'e ru okẹn ndị Gẹshọ lẹ ndị Maaka kẹ ahanmahan Gilẹdị hụn gha okẹn wẹ lẹ eze Hẹsh'bọnụ wụ Sihọnụ.

Joshụa 13:11

ẹgbẹrẹ Gilẹdị lẹ nke ndị Gẹshọ lẹ ndị Maaka rịzị imẹ ẹ, ya lẹ Ugu Hẹmọnụ ile lẹ ẹgbẹrẹ Bashanị ile d'e ru Salẹka;

Joshụa 13:12

ya wụ alị ile Ọgụ te kị ẹgbẹrẹ Bashanị. Ash'tarọtụ lẹ Ẹdrẹi kẹ Ọgụ nọsọnmẹ kị. Ọgụ te rị ndị họdụnị imẹ ndị adụn-aran Rẹfa. Ndịnị ile kẹ Mozizi mẹri, napụ wẹ alị.

Joshụa 13:14

Mozizi ekeyeni ndị Livaị alị. Makẹni ẹjan ndị Izrẹlụ gi ọkụn a chụnyeni Osolobuẹ wụ Chuku Izrẹlụ wụ ukuu wẹ k'o dọn gwa wẹ.

Samuẹlụ Nke Ibuzọ 27:8

Defidi lẹ itu ẹ hụ e jẹn d'a lụsọn ndị Gẹshọ, ndị Gẹza lẹ ndị Amalẹki agha. (Gha ogẹn elu-mbụ lala ndịnị te bisọnmẹ ghakwọrị alị Shuru d'e ru alị Ijiptu.)