Joshụa 11:6 - Ika

⁶ Osolobuẹ nọ sị Joshụa, “Atụlẹ egun wẹ, makẹni mgbeni ekile, m sikọ d'e bu wẹ ile che ụnụ ndị Izrẹlụ ẹka, ụnụ e gbu wẹ. Tụbepụchanrịn nị ẹshin wẹ akwanran rị wẹ azụụn mkpụkụ; kpọ nị ụgbọ-ẹshin wẹ ọkụn.”

Joshụa 11:6 Iomraidhean Croise

Samuẹlụ Nke Ẹbụọ 8:4

Defidi nọ nọ imẹ agha hụ narịn Hadadeza ụgbọ-ẹshin agha ọgụn-iri kwasị nnụ-uku ohu-lẹ-mkpikpi (1,700), lẹ ndị-agha e nyinni wẹ, ọ narịnzị a madụ nnụ-uku ọgụn (20,000) hụn gi ụkụ e jẹn agha. Ọ nọ tụbepụchanrịn ẹshin ile a dọkpụn ụgbọ-ẹshin ndị hụ akwanran mkpụkụ ibe azụụn, latọ ọgụn-isẹn sụọ.

Ndị-nze Nke Ẹbụọ 6:16

Ẹlaịsha nọ sị a, “Atụlẹ egun. Ndị rị azụụn nke ẹnyi ka ndị rị azụụn nke wẹ.”

Ihiẹn Mẹni Nke Ẹbụọ 20:16

Eki ụnụ e buli d'a lụsọn wẹ agha. Ụnụ sikọ d'e kunrun wẹ ebe ọdanmgbugbu Iyi udu-mirin rị Alị ọkpọ-nkụn Jeruẹlụ jẹndemẹ, ebe wẹ rị e nyin Ugu-Zizi.

Ẹbụ-ọma 46:10

Ọ sị, “Kụsị nị! Gi n'ẹ dọn nị mmẹ wụ Chuku! Alị ile sikọ d'a gbaye m; Elu-ụwa ile k'a gbaye m!”

Ẹbụ-ọma 46:11

Osolobuẹ ihiẹn ile rị okpuru ẹ nọyeni ẹnyi anọyeni; Chuku Jekọpụ rị e che ẹnyi nche! Sẹla

Ẹbụ-ọma 46:9

Ọ mẹ wẹ a lụbehi agha imẹ ụwa ile; ọ kpagisọnmẹ ụta, e gungwọnpụ obo, a dụn akpaịn ọkụn.

Itẹn 20:7

Onyẹ ezi-omumẹ e bi obibi nwọnlẹni nkọrịanị; o k'a rịnị mmụ a lalanị mma.

Azaya 30:16

Ebe ụnụ sị, ‘Ẹshin kẹ ẹnyi k'e gi gba ọsọ, wanahịn!’ Ọsọ hụ kẹ ụnụ jẹnkọ nwan d'a gba! Ebe ụnụ sị, ‘Ẹshin ma gba ọsọ kẹ ẹnyi k'e gi gbapụ.’ Ndị chụkọnị ụnụ k'a gbakarị ụnụ!

Azaya 31:1

Nsọngbu rị e che ndị rị e jẹn Ijiptu d'a chọ eyemẹka, e gi ẹshin-agha wẹ e dọn ẹnya; wẹ rị e gi ụgbọ-ẹshin Ijiptu bugbu enwẹn ẹ ọda e dọn ẹnya, e gi ndị-agha wẹ e nyin ẹshin e dọn ẹnya makẹni wẹ bu ọda, hụn nkẹ wẹ e gi tụkwasị Onyẹ-nsọ Izrẹlụ obi, hụn nkẹ w'e gi jụ Osolobuẹ ihiẹn wẹ k'e mẹ.

Izikẹlụ 39:9

“ ‘Ogẹn ahụn, ndị bi obodo ndị rị Izrẹlụ k'e gi ihiẹn-ọgụn ndị agha Gọgụ latọsọnmẹ a fiye ọkụn — kẹ akpaịn uku kẹ ndị nta, kẹ ụta kẹ ọbara-ụta, kẹ ẹgbe-agha wẹ kẹ obo. Wẹ k'e gi wẹ fiye ọkụn ọrọgbọ ahụa ẹsa.

Hosia 14:3

Ndị Asiria azụọpụhakọ ẹnyi; ẹnyi e gikọ ẹshin-agha dọn ẹnya. Ẹnyi akpọkọzị mmọn ẹka ẹnyi kpụ ‘Chuku ẹnyi’. Euu Osolobuẹ, ẹka ị kẹ ndị nwọnlẹni nẹdi lẹ nnẹ nọ a hụn omikẹn!”

Nahum 2:13

Mmẹ lẹ ịyụ rọ, Ninivẹ! Ya kẹ Osolobuẹ ihiẹn ile rị okpuru ẹ ku. M k'a dụn ụgbọ-anyịnyan ndị ahụn Ninivẹ nwọn ọkụn, e họnrin wẹ ẹnwụnrụn; ọpịa-agha k'e gbuchanrịn ndị nke i hụn wụ ụmụ ẹwọrọ ị, a napụ m'ị alị ndịnị ị rị e gbu a kwarị ihiẹn wẹ; anụkọzị wẹ olu ndị ụkọ ị!

Ditrọnọmi 7:16

Gbuchanrịn nị ndị ile Osolobuẹ wụ Chuku ụnụ k'e buche ụnụ ẹka mẹri. Emẹlẹ ni omikẹn wẹ mọbụ femẹ mmọn-lẹ-iyi wẹ, makẹni ọhụn k'a wụrụnị ụnụ ọnyan.

Joshụa 10:8

Osolobuẹ nọ sị Joshụa, “Atụlẹ egun wẹ; e wegụọ m wẹ che i ẹka n'i mẹri wẹ; onwọnni onyẹ jẹnkọ d'a s'ẹka che i ọgụn imẹ wẹ ile.”

Joshụa 11:5

Ndị-nzeni ile nọ kịgbama ndị agha wẹ ile, jẹn d'a nọdị ẹhụ Mirin-Mẹrọm, nị wẹ hụn ụzọ lụsọn Izrẹlụ agha.

Joshụa 11:7

Ya Joshụa lẹ ndị agha a ile nọ bịa ẹhụ Mirin-Mẹrọm d'e kunrun wẹ idẹnmizi, maye wẹ ọgụn.

Joshụa 11:9

Joshụa nọ mẹ wẹ ihiẹn Osolobuẹ gwa a, ọ tụbepụchanrịn ẹshin wẹ akwanran rịsọnmẹ wẹ azụụn mkpụkụ, kpọ ụgbọ-ẹshin wẹ ọkụn.

Joshụa 3:5

Ya Joshụa nọ sị ndị Izrẹlụ, “Dọn ni enwẹn ụnụ nsọ, makẹni ekile, Osolobuẹ k'e mẹ okẹn-ihiẹn a tụ ẹnya imẹ igunrun ụnụ.”

Ndị Han Eṅẹn 20:28

Onyẹ-isi nchụn-ẹjan hụn rị ọrụn ebe Ẹkpẹti hụ rị e lepụ ọrụn Osolobuẹ ẹnya wụ Finẹhasị nwa Ẹliẹza nwa Ẹrọnụ. Ndị Izrẹlụ nọ sị, “Nị ẹnyi jẹnzi d'a lụsọn umunẹ ẹnyi ndị Bẹnjamini agha ra nị ẹnyi gharị?” Osolobuẹ nọ sị wẹ, “Jẹn ni; makẹni ekile kẹ m'e bu wẹ che ọnụ ẹka mẹri.”

Ndị Han Eṅẹn 7:9

Imẹ uhinhin hụ, Osolobuẹ nọ sị Gidiọnụ, “Lihi ọtọ, hidan shi ebe ndị Midianị rị d'a maye wẹ, makẹni e wegụọ m wẹ che i ẹka n'i mẹri wẹ.

Samuẹlụ Nke Ibuzọ 11:9

Ya Sọlụ nọ nwan sị ndị hụ ndị Jabẹshi-Gilẹdị zihẹ, “Sị nị ndị Jabẹshi-Gilẹdị, ‘Anwụn gini d'e kẹnrẹn eki, a gbapụhagụọ wẹ ụnụ.’ ” Mgbe ndị hụ gi zi ndị Jabẹshi ozi hụ, ịghọghọ nọ jun wẹ obi.