Joshụa 10:40 - Ika

⁴⁰ Ẹrịra kẹ Joshụa dọn mẹri ndị ile rị ẹgbẹrẹ hụ, kẹ ndị rị elu ugu kẹ ndị rị ẹgbẹrẹ Nẹgẹvụ kẹ ndị rị alị-aradan kẹ ndị rị ukun ugu azụụn shi ọdịdan-ẹnyanwụn — uwẹ lẹ ndị nze wẹ ile. Onwọnni onyẹ o gbuhọdụ. O gbuchanrịn ihiẹn ile e kwọnni, nọkẹ kẹ Osolobuẹ wụ Chuku Izrẹlụ dọn gwa wẹ.

Joshụa 10:40 Iomraidhean Croise

Ndị-nze Nke Ibuzọ 15:29

Ọ kịmahụ, ọ nọ gbuchanrịn ikpụlọ Jerobụam ile, ọ latọnịnị Jerobụam kaka akpụ onyẹ ohu rị e kwọnni; o gbuchanrịn wẹ ile, ihiẹn nwẹn Osolobuẹ gi odibo Osolobuẹ wụ Ahija onyẹ Shilo ku nọ mẹ —

Nehemiah 9:24

Ụmụ wẹ nọ nwan banye, weri alị hụ; i nọ mẹrini wẹ ndị bi alị hụ, ndị Kenaanị; y'e bu ndị Kenaanị hụ lẹ ndị-nze wẹ lẹ ndị alị ichẹn-ichẹn rị alị hụ che wẹ ẹka nị wẹ mẹ wẹ ihiẹn sụọnị wẹ.

Ẹbụ-ọma 9:17

Ọnwụn wụ nke ndị-njọ — alị ile hụn zọ Osolobuẹ.

Ọpụpụ 34:12

Kpachanpụkwọ nị ẹnya, makẹ ụnụ lẹ ndị bi alị ụnụ shikọ gha kwerigbama, amamgbe w'a wụrụnị ụnụ ọnyan.

Ọgụngụn 13:17

Ogẹn Mozizi gi zi wẹ d'e lele alị Kenaanị, ọ sị, “Ghashi ni atụ Nẹgẹvụ, ụnụ e dọn ihun ẹbamịn-ugu, gha ebẹhụ shi ẹgbẹrẹ oke —

Ditrọnọmi 1:7

Buli ni nwan, nị ụnụ shi alị ndị Amọ rị elu ugu d'e mẹri ẹ, ịya lẹ alị ndịnị nọkunmẹn'ẹ: atụ Araba lẹ ọdanmgbugbu Iyi Jọdanị rịn'a, alị ugu ndị nọkunmẹ Araba, alị ndị rị nkpọtu ugu ndịnị ẹbamịn ọdịdan ẹnyanwụn wẹ, alị ndị rị alị ọkpọ-nkụn Nẹgẹvụ ẹbamịn ndịdan-mirin, lẹzi alị ndị rịsọnmẹ mkpẹnrẹn Ohimin uku Mẹditerenia: d'e mẹri nị alị ndị Kenaanị ile lẹ alị Lẹbanọnụ d'e rukwọrị Iyi uku Yufretisi.

Ditrọnọmi 2:34

Ogẹn ahụn kẹ ẹnyi gi weri obodo ẹ ile, gbuchanrịn ndị alị a: kẹ ikẹnnyẹ kẹ ikpoho kẹ ụmụ-ẹka. Onwọnni onyẹ ẹnyi latọ.

Ditrọnọmi 7:24

O k'e bu ndị-nze wẹ che ụnụ ẹka, ụnụ e finchanpụ ẹfan wẹ elu-ụwa. Onwọnni onyẹ k'a s'ẹka wuzo che ụnụ ọgụn ụnụ e we tikpọgụ wẹ.

Joshụa 10:35

ụhụọhịn ohu hụ kẹ wẹ mẹri ẹ, weri ẹ, gi ọpịa-agha sọn ẹ, gbuchanrịn onyẹ ọwụlẹ rị imẹ ẹ, kẹ wẹ dọn mẹ Lakishi.

Joshụa 10:37

Wẹ nọ weri obodo hụ, gi ọpịa-agha sọn ẹ, ịya lẹ eze ẹ lẹ ụmụ-alị rịsọnmẹ okpuru ẹ lẹ ndị ile rị imẹ ẹ; onwọnni onyẹ wẹ gbuhọdụ. Ihiẹn o mẹ Ẹglọnụ k'o mẹ nwan Hibrọnụ, tikpọchanrịn kẹ obodo kẹ ndị ile rị imẹ ẹ.

Joshụa 10:39

Wẹ nọ weri obodo hụ lẹ eze ẹ lẹ ụmụ-alị ndị rịsọnmẹ okpuru ẹ, gi ọpịa-agha sọn wẹ, gbuchanrịn ndị ile rị imẹ ẹ. Onwọnni onyẹ wẹ gbuhọdụ; ihiẹn hụ o mẹ Hibrọnụ, Libna lẹ eze Libna, k'o mẹ nwan Debẹ.

Joshụa 11:16

Ya Joshụa nọ weri alị hụ ile: kẹ elu ugu kẹ Nẹgẹvụ ile kẹ ẹgbẹrẹ Goshẹni ile kẹ ukun ugu rịsọnmẹ nkọ ọdịdan ẹnyanwụn; kẹ Araba kẹ ugu ichẹn-ichẹn rị alị Izrẹlụ lẹ alị ndị rịsọnmẹ ukun ugu ndị ahụn:

Joshụa 12:8

kẹ alị wẹ rị elu ugu kẹ hụn rịsọnmẹ ukun ugu ndị ahụn rị ibẹka ọdịdan-ẹnyanwụn kẹ Araba rị mkpẹnrẹn Iyi-Jọdanị kẹ ndị rị nkpọtu ugu ichẹn-ichẹn kẹ imẹ atụ kẹ imẹ Nẹgẹvụ. Alị ndịnị wụ alị ndị Hẹti, ndị Amọ, ndị Kenaanị, ndị Pẹrẹzi, ndị Hivu lẹ ndị Jebusu.) Ndịnị wụ ndị-nze hụ:

Joshụa 18:21

Obodo ndịnị wụ nke ebọn Bẹnjamini lẹ ikpụlọ ndị rịn'a: Jẹriko, Bẹt-Họg'la lẹ Ẹmẹki-Kẹzizi;

Joshụa 6:17

Wẹ k'e gikwọ obodo Jẹriko lẹ ihiẹn ile rịn'a kwanị Osolobuẹ ghahanị itikpọchanrịnnị wẹ. Rehabụ ịgbaraja sụọ k'a họdụ, ya lẹ ndị ile ya lẹ wẹ rị iwe ẹ, makẹni o zuemẹ ndị ẹnyi zi d'e lele obodo hụ.

Joshụa 8:2

I sikọ d'e mẹ Aị lẹ eze ẹ ihiẹn i mẹ Jẹriko lẹ eze ẹ: kanị ụnụ nwọn ikẹn kwarị ihiẹn ndị Aị lẹ ihiẹn-uriri wẹ. Zi ni ndị-agha d'a warị ọfịa azụụn obodo hụ, cheri.”

Joshụa 8:27

Anụ wẹ lẹ ihiẹn wẹ sụọ kẹ ndị Izrẹlụ kwarị, makẹni ẹrịra kẹ Osolobuẹ gwa Joshụa.

Joshụa 9:24

Wẹ nọ sị Joshụa, “Wẹ gwachanrịn ẹnyi ndị idibo i kẹ Osolobuẹ wụ Chuku ụnụ dọn gwa odibo ẹ wụ Mozizi we alị ile ye ụnụ; ya gbupụchanrịnnị ụnụ ndị ile bi imẹ ẹ. Ya okẹn egun nọ tụma ẹnyi nị ụnụ k'e gbu tan ẹnyi. Ya haịn ẹnyi gi mẹ ihiẹnni ẹnyi mẹ.