Joshụa 1:9 - Ika

⁹ Agwagụọnị m'ị? Kakẹnmẹ; rikin obi; atụkwọlẹ egun; anịlẹ ndụn gụ ị, makẹni Osolobuẹ wụ Chuku i k'a nọyen'i ebe ọwụlẹ i jẹnkọ.”

Joshụa 1:9 Iomraidhean Croise

Jẹnẹsisi 28:15

Lee ẹnya, mmẹ lẹ yụ wị! M k'e chemẹ i ebe ọwụlẹ i k'e jẹn; m k'e wekinhẹnzi i alịnị. Onwọnni ogẹn m'e gi la ị tọ d'e ru n'e mẹzuchanrịn m ihiẹn m kwe i nkwa a.”

Jẹnẹsisi 39:2

Osolobuẹ nọyeni Josẹfụ anọyeni, ihiẹn ile a masị a ẹka ọda-ọda; iwe onyẹ Ijiptu ahụn nwọnn'ẹ k'o bi.

Jẹnẹsisi 39:3

Ogẹn Pọtifa di-nwọnn'ẹ gi hụn a nị Osolobuẹ nọyeni Josẹfụ, lẹ ni Osolobuẹ rị e mẹ ihiẹn ile a masị a ẹka,

Samuẹlụ Nke Ẹbụọ 13:28

Absalọm nọ sị idibo ẹ, “Gọn ni ntịn! Hụn manya gi nwunyemẹ Amnọnụ ẹnya, m sịhụ ụnụ, ‘Gbu ni Amnọnụ,’ ụnụ e gbu ẹ. Atụkwọlẹ ni egun. Mmẹ gwa ụnụ — ẹlẹ ya? Atụlẹ ni egun; mẹn'ẹ.”

Ihiẹn Mẹni Nke Ibuzọ 28:20

Defidi nọ nwan sị Solomọnụ nwa a, “Kakẹnmẹ. Kwọndọn obi i, n'ị rụn ọrụn ahụn. Atụkwọlẹ egun mọbụ nị ndụn gụ ị, makẹni Osolobuẹ hụn wụ Chuku — hụn wụ Chuku m — nọyen'i anọyeni. Ọ nịkọ ụya ri i mọbụ la i tọ y'e we rụngụ ọrụn ile rị ụlọ-nsọ Osolobuẹ.

Ihiẹn Mẹni Nke Ẹbụọ 15:7

Kanị ụnụ nwẹn, kakẹnmẹni nwan. Anịkwọlẹ ni ndụn gụ ụnụ, makẹni ụnụ k'a narịn ụgwọ-ọrụn.”

Ẹbụ-ọma 46:7

Osolobuẹ ihiẹn ile rị okpuru ẹ nọyeni ẹnyi anọyeni; Chuku Jekọpụ rị e che ẹnyi nche. Sẹla

Azaya 41:10

Atụlẹ nwan egun, nị mmẹ lẹ yụ wị; anịlẹ obi nahịn ị, nị mmẹ wụ Chuku i. M jẹnkọ d'a gba ị umẹ, yeni i ẹka; m k'e gi ẹka-nni m rị ọchan kwọndọn i.

Azaya 43:1

Ka lee nwan ihiẹn Osolobuẹ ku — Osolobuẹ hụn ke ịyụ wụ Jekọpụ, Osolobuẹ hụn kpụ ịyụ wụ Izrẹlụ: “Atụlẹ egun, a gbarịgụọ m'ị; a kpọgụọ m'ị ẹfan, họrị ị; nke m kẹ ị wụ.

Azaya 43:5

Atụlẹ egun, mmẹ lẹ yụ wị; m k'a gha ẹbamịn ọwụwa-ẹnyanwụn welụa ụmụ ị, m k'a ghazị ẹbamịn ọdịdan-ẹnyanwụn welụa ụnụ.

Azaya 8:12

“Ẹlẹkwọ ihiẹn ile mẹni k'i k'a sị ‘ezugụọ wẹ umẹ ẹ’ kẹ ndịnị dọn e ku; atụkwọlẹ egun ihiẹn wẹ rị a tụ egun ẹ; amalẹ piripiri.

Daniẹlụ 10:19

Ọ nọ sị, “Atụlẹ egun, ịyụ hụn wụ okẹn-ịhịan ẹnya Osolobuẹ. Udọn ya rịn'ị! Ndụn ya ban ị; ndụn ya ban i.” Ogẹn o gi gwa m oku, ya ndụn nọ ban m. M nọ sị, “Di ọkpa kumẹ, makẹni y'e mẹọlẹ ndụn ban m.”

Hagaị 2:4

Ka turu kwem, Zerubabẹlụ; ya kẹ Osolobuẹ ku. Onyẹ isi nchụn-ẹjan wụ Joshụa nwa Jehozadakị, turu kwem; ndị alị Juda ile, turu ni kwem. Ya kẹ Osolobuẹ ku. A rụn nị ọrụn hụ, nị m hụ ụnụ azụụn. Ya kẹ Osolobuẹ ihiẹn ile rị okpuru ẹ ku.

Hagaị 2:5

Nọkẹ kẹ m dọn kwe ụnụ nkwa ogẹn ụnụ gi gha alị Ijiptu pụha, echẹn kẹ Mmọn m rịkwọ imẹ igunrun ụnụ. A tụlẹ ni nwan egun.’

Ọrụn Ndị-ozi 4:19

Kanị Pita lẹ Jọnụ nọ shịarị wẹ, sị, “Ku ni nwan o mẹni ọ hụghọ mma ẹnya Osolobuẹ nị ẹnyi gọn ụnụ ntịn karị Osolobuẹ;

Ditrọnọmi 1:21

Lee n'ẹ, Osolobuẹ wụ Chuku ụnụ e bugụọ alị hụ tọnị ụnụ. Jẹn ni nwan d'e weri ẹ kẹ Osolobuẹ wụ Chuku ndị nẹdi ụnụ dọn gwa ụnụ. Atụlẹ ni egun; elelẹ ni ẹnya azụụn.”

Ditrọnọmi 20:1

Ụnụ jẹn d'a lụsọn ndị-iṅẹnrẹn ụnụ agha, nị ụnụ a hụn ẹshin lẹ ụgbọ-anyịnyan wẹ kpọnhẹn lẹ ndị-agha ka ndị-agha ụnụ ọda, atụlẹ ni egun wẹ, makẹni, Osolobuẹ wụ Chuku ụnụ hụn gha alị Ijiptu wepụha ụnụ jẹnkọ d'a nọyeni ụnụ.

Ditrọnọmi 31:23

Osolobuẹ nọ tumẹ Joshụa nwa Nọnụ, sị a, “Kakẹnmẹ; rikin obi; makẹni ịyụ sikọ d'e weban ndị Izrẹlụ alị ahụn m kun enwẹn m kwe wẹ nkwa a; mmẹ lẹ enwẹn m k'a nọyeni i.”

Ditrọnọmi 31:28

“Kpọkikomẹ ni ni m ndị-ichẹn lẹ ndị gi ọkwa ebọn ụnụ rị ichẹn-ichẹn, nị m hụn ụzọ ku oku ndịnị nị wẹ nụ, a kpọ m igwere lẹ ụwa ọshẹri, nị wẹ hụn ụzọ shịagbu wẹ ẹri o ru ogẹn ahụn.

Joshụa 1:10

Ya Joshụa nọ sị ndị-isi ndị Izrẹlụ,

Joshụa 1:17

Kẹ ẹnyi dọn humẹchanrịnnị Mozizi isi kẹ ẹnyi k'a dọn humẹni i isi. Osolobuẹ wụ Chuku i ya nọyen'i hụ k'o dọn nọyeni Mozizi.

Joshụa 1:18

Onyẹ ọwụlẹ pa oku i, mẹlẹni ihiẹn i ku — ihiẹn ọwụlẹ i ku, wẹ sikọ d'e gbu hụnyẹ. Ka kakẹnmẹ; rikin obi.”

Joshụa 10:25

Joshụa nọ sị wẹ, “Atụlẹ ni egun; anịlẹ ni obi nahịn ụnụ; kakẹnmẹ ni; rikin ni obi; ẹnịna kẹ Osolobuẹ jẹnkọ d'e mẹ ndị iṅẹnrẹn ile ụnụ jẹnkọ d'a lụsọn ọgụn.”

Joshụa 10:8

Osolobuẹ nọ sị Joshụa, “Atụlẹ egun wẹ; e wegụọ m wẹ che i ẹka n'i mẹri wẹ; onwọnni onyẹ jẹnkọ d'a s'ẹka che i ọgụn imẹ wẹ ile.”

Joshụa 3:7

Osolobuẹ nọ sị Joshụa, “Tannị kẹ m k'e bushimẹ i elu idẹnya ndị Izrẹlụ ile, kẹni wẹ marịn nị m nọyen'i kẹ m dọn nọyeni Mozizi.

Joshụa 6:27

Osolobuẹ nọyeni Joshụa, ẹfan a hụ a kpọ alị ile.

Joshụa 8:1

Ya Osolobuẹ nọ sị Joshụa, “Atụlẹ egun; anịlẹ ndụn gụ ị. Weri ndị-agha Izrẹlụ ile jẹnmẹ d'a maye obodo Aị ọgụn, n'e wegụọ m eze Aị lẹ ndị nke ẹ lẹ obodo ẹ lẹ alị ye i mẹri.

Ndị Han Eṅẹn 6:14

Ya Osolobuẹ nọ bu ihun zinmẹ ẹ, sị a, “Gi ikẹn hụn i nwọn jẹn d'a zụọpụha ndị Izrẹlụ ẹka ndị Midianị; mmẹ rị nwan e zi i — ẹlẹ ya?”

Samuẹlụ Nke Ibuzọ 10:7

Ihiẹn ahịma ndịnị ile mẹgụ, ihiẹn ọwụlẹ obi i gwa ị, y'e mẹ ẹ, makẹni Osolobuẹ nọyeni i anọyeni.