Joshụa 1:4 - Ika

⁴ alị ụnụ k'a gha alị ọkpọ-nkụn rị ẹbamịn ndịdan-mirin d'e ru Lẹbanọnụ rị ẹbamịn-ugu; o k'e jẹnruzi Iyi-uku Yufretisi ẹbamịn ọwụwa-ẹnyanwụn, ya wụ nị alị Siria ile hụn ndị Hẹti bi sikọ d'a rị imẹ ẹ; ẹbamịn ndịdan ẹnyanwụn rịn'a sikọ d'e ru Ohimin-uku Mẹditerenia.

Joshụa 1:4 Iomraidhean Croise

Ndị-nze Nke Ibuzọ 10:29

Akpụrụ siliva ọgụn-iri kwasị nnụ kẹ ndị-afịa eze gi e ṅọn ụgbọ-ẹshin ohu imẹ Ijiptu, ẹshin ohu akpụrụ siliva iri-kwasị ọgụn-ẹsa. Wẹ e reyezi ndị-nze alị Hẹti lẹ alị Aram ụgbọ-ẹshin lẹ ẹshin.

Ndị-nze Nke Ibuzọ 4:21

Solomọnụ kịchanrịn alị-eze ile rị gha Iyi-Yufretisi d'e ru alị ndị Filistia gbegbegbe, d'e rukwọrị okẹn alị Izrẹlụ lẹ alị Ijiptu. Wẹ tụhasọnmẹni Solomọnụ ụtụ, rịsọnmẹ okpuru ẹ, o we nwụn.

Ihiẹn Mẹni Nke Ibuzọ 18:3

O rukwọrị Hamatị d'a lụsọn Hadadeza wụ eze Zoba agha, ogẹn Hadadeza gi jẹnmẹ n'o d'e weri mkpẹnrẹn Iyi-Yufretisi cheni ebe ọ rị a kị.

Ihiẹn Mẹni Nke Ibuzọ 5:9

Ẹbamịn ọwụwa-ẹnyanwụn, alị wẹ bi ruzidẹ mkpẹnrẹn alị-ọkpọnkụn hụn ya lẹ Iyi Yufretisi nọ okẹn nkọnị, makẹni anụ wẹ a barahịgụọ imẹ Gilẹdị ebe wẹ rị.

Ẹzra 4:20

Jerusalẹm e nwọnọlẹ ndị-nze hụn kpa ikẹn, ndị nze hụn kị alị ile rị Nfetu Iyi-Yufretisi, wẹ hụ a kụhanị wẹ ụgwọ-isi, a tụhanị wẹ ụtụ alị lẹ ụtụ ibu-afịa.

Ọpụpụ 23:31

“M k'e mẹ alị ụnụ gha ohimin-ufie d'e ru ohimin ndị Filistia, gha atụ d'e ru Iyi-Yufretisi. M k'e bu ndị bi alị hụ che ụnụ ẹka, ọnụ a chụpụ wẹ.

Ditrọnọmi 1:7

Buli ni nwan, nị ụnụ shi alị ndị Amọ rị elu ugu d'e mẹri ẹ, ịya lẹ alị ndịnị nọkunmẹn'ẹ: atụ Araba lẹ ọdanmgbugbu Iyi Jọdanị rịn'a, alị ugu ndị nọkunmẹ Araba, alị ndị rị nkpọtu ugu ndịnị ẹbamịn ọdịdan ẹnyanwụn wẹ, alị ndị rị alị ọkpọ-nkụn Nẹgẹvụ ẹbamịn ndịdan-mirin, lẹzi alị ndị rịsọnmẹ mkpẹnrẹn Ohimin uku Mẹditerenia: d'e mẹri nị alị ndị Kenaanị ile lẹ alị Lẹbanọnụ d'e rukwọrị Iyi uku Yufretisi.

Ditrọnọmi 11:24

Ebe ọwụlẹ ụnụ zọye ụkụ k'a wụrụ nke ụnụ; alị ụnụ k'a gha atụ rị ẹbamịn ndịdan-mirin ru Lẹbanọnụ rị ẹbamịn-ugu, gha Iyi-Yufretisi rị ẹbamịn ọwụwa-ẹnyanwụn d'e ru Ohimin-uku Mẹditerenia rị ẹbamịn ọdịdan ẹnyanwụn.

Ditrọnọmi 3:25

Dodo, nị m nwan fetu d'a hụn alị ọma ahụn hụn rị nfetu Jọdanị, alị ọma ahụn rị elu òke lẹ ẹgbẹrẹ Lẹbanọnụ.”

Rẹvẹleshọnụ 9:14

Olu hụ nọ sị mmọn-ozi nke isin hụn gi opi, “Tọpụ mmọn-ozi ẹnọ hụ wẹ kẹnmẹtọ okẹn iyi Yufretisi!”