Jọnụ 9:5 - Ika

⁵ Hụnnị m rị imẹ ụwa, mmẹ wụ ukpẹ ụwa.”

Jọnụ 9:5 Iomraidhean Croise

Azaya 49:6

ọ sị: “Onwọnni ihiẹn ọ wụ n'ị wụhụ odibo m hụn k'e wekinhẹn ebọn Jekọpụ ọnọdị wẹ, hụn k'e wekinhẹn ndị Izrẹlụ m dọnmẹ ndụn; m k'e mẹzi i wụrụnị alị ndị ọzọ ile ukpẹ, kẹni i we nzụọpụha m ru ebe ile ụwa ru.”

Malakaị 4:2

“Kanị, anwụn ihiẹn gi a rị mma sikọ d'a wanị ụnụ ile hụn a gbayeni m; o k'e bu nzụọrị ẹka-nku fehẹ, ụnụ a pụha, tụshimẹ elu nọkẹ ụmụ-efin wẹ kpọpụnị ụzọ!

Matiu 4:16

Ndị bi imẹ ishi a hụnọlẹ okẹn ukpẹ; ukpẹ e nwunmẹgụọnị ndị bi ebe ọnwụn nọ a kpọ wẹ ihun.”

Matiu 5:14

“Ụnụ wụ ukpẹ ụwa. Obodo wẹ tụnye elu òke asakọ ẹka zueri.

Luku 2:32

Ukpẹ hụn jẹnkọ d'a ghọsị alị ndị ọzọ uche i, wẹhẹni ndị nke i wụ Izrẹlụ ọghọ.”

Jọnụ 12:46

M bịa imẹ ụwa d'a wụ ukpẹ kẹni, onyẹ kwerinini m, ọ rịkọ imẹ ishi.

Jọnụ 8:12

Ya kẹ Jizọsị nọ sịzị ndị ahụn o te rị a kuzi, “Mmẹ wụ ukpẹ ụwa. Onyẹ rị e sọnni m aghakọ imẹ ishi, kama, o sikọ d'e nwọn ukpẹ ahụn e ye ndụn.”

Ọrụn Ndị-ozi 13:47

Makẹni ya kẹ Di-nwọnni-ẹnyi sị ẹnyi mẹ: ọ sị, ‘E tumẹgụọ m ụnụ nị ụnụ wụrụ ukpẹ ndị alị ọzọ, kẹni ụnụ wẹhẹ nzụọpụha ebe ile rị elu ụwa.’ ”

Ọrụn Ndị-ozi 26:18

M zikọ ị d'a shịapụ wẹ ẹnya, kẹni wẹ pụha imẹ ishi shi imẹ ukpẹ, pụha okpuru Ekwensụ buru Osolobuẹ, kẹni Osolobuẹ gbagharị wẹ njọ, ye wẹ ọnọdị imẹ ndị wẹ gi okweri wẹ kwerini m dọn nsọ.’

Ọrụn Ndị-ozi 26:23

nị Kraịstị k'a tarịrị afụnfụn; n'o k'a wụrụ onyẹ ibuzọ gha ọnwụn lihi; n'o k'e wẹhẹni kẹ ndị alị ẹnyi kẹ alị ndị ọzọ ozi ukpẹ.”

Ndị Ẹfẹsọsụ 5:14

makẹni ukpẹ nwunkpuhụ ihiẹn, o họnrin ukpẹ. Ya haịn Ẹkụkwọ-nsọ gi sị, “Onyẹ-ụran, tẹnhin! Gha ọnwụn lihi, kẹni Kraịstị nwunkpu i.”

Rẹvẹleshọnụ 21:23

Obodo hụ achọnị ukpẹ ẹnyanwụn mọbụ ifọn, makẹni ọghọ Osolobuẹ wụ ukpẹ ẹ, Nwa-ebulu ahụn wụ ukpẹ-ẹka a.