Jọnụ 9:34 - Ika

³⁴ Wẹ nọ sị a, “Imẹ njọ kẹ wẹ nọchanrịn mụ ị; yụ k'a kuzimẹzi ẹnyi?!” Ya wẹ nọ chụpụ a imẹ ụlọ-ofufe.

Jọnụ 9:34 Iomraidhean Croise

Jẹnẹsisi 19:9

Kanị, wẹ nọ sị, “Pụnị ẹnyi ụzọ! Ledẹ ni abịamabịa nwẹn k'ọ rị nwan a gwa ẹnyi ihiẹn ẹnyi k'e mẹ! Ẹnyi mẹ i ihiẹn ẹnyi k'e mẹ i kikẹnni, nke i a ka nke wẹ njọ!” Ya wẹ nọ numẹ Lọtụ ikẹn-ikẹn, kẹ ya kẹ ẹkwe, a chọ nị wẹ nukpọpụ a.

Ihiẹn Mẹni Nke Ẹbụọ 25:16

Kanị eze e gbu oku ye ẹ ọnụ, sị, “Onyẹ tumẹ i onyẹ-ndụnmọdụn eze? Gba nkịtịn! Ra ị chọ nị wẹ gbu i?” Ya onyẹ-amụma nọ kubehi, kanị ọ sị, “Makẹ ihiẹnni i mẹ lẹ ndụnmọdụn m ị jụ, a marịnọlẹ m nị Osolobuẹ chọ n'o gbu i.”

Jobu 14:4

Onyẹ k'a s'ẹka nọ ihiẹn rụnị wepụha ihiẹn rụlẹni? Onwọnni!

Jobu 25:4

Nanị kẹ ịhịan e dọn nwan s'ẹka rị ọchan ẹnya Chuku? Nanị kẹ ịhịan okpoho mụ a dọn nwan s'ẹka rị ọchan?

Ẹbụ-ọma 51:5

Onyẹ-njọ kẹ m wụ kete w'a mụlẹ m — kete nnẹ m a tụlẹ imẹ m!

Ọpụpụ 2:14

Okẹnnyẹ hụ nọ za a sị, “Onyẹ tumẹ i n'ị kịma ẹnyi, n'ị hanmanị ẹnyi eṅẹn? Ị chọ n'i gbu m kẹ i dọn gbu onyẹ Ijiptu hụ?” Ya kẹ egun nọ tụma Mozizi; ọ nọ sị enwẹn ẹ, “Ya wụ nị ihiẹn m mẹ a wagụọ!”

Itẹn 22:10

Chụpụ onyẹ-nlelịa, ikpe a pụ, ndọndọ lẹ mkpari a kụsị.

Itẹn 26:12

Y'a hụnghọ onyẹ a sị enwẹn ẹ n'ọ marịnka ihiẹn? O k'a rịnị onyẹ-nzuzu mma karị hụnyẹ.

Itẹn 29:1

Onyẹ w'a jụgbọ ọjụgbọ-ọjụgbọ, ọ tọ a gba isi-akwanran, jẹnkọ d'e tikpọ idẹnmizi — hụn wẹ ghalẹni e dọnzi.

Azaya 65:5

Ndịnị hụn a sị, ‘Nọzụka! Anọkunmẹkwọlẹ m, nị mmẹ k'a ị nsọ a rị!’ Ndịnị wụ ẹnwụnrụn ọkụn rị e kunye m imi hụn ọkụn a ghalẹni a dụnbehi.

Azaya 66:5

Nụ nị nwan oku Osolobuẹ, ụnụ ndị a nụ oku ẹ, e mẹhunmẹ! Umunẹ ụnụ hụn rị e ze ize ụnụ, e nu ụnụ e ye ụsụọ makẹ ufiri ẹfan m, a sịgụọ, “Osolobuẹ ya ghọsịkwọ ikẹn ẹ, kẹni ẹnyi hụn ịghọghọ ụnụ!” Kanị, uwẹ kẹ ifẹnrẹn jẹnkọ d'e mẹ.

Luku 11:45

Onyẹ ohu imẹ ndị-nkuzi Iwu nọ sị a, “Onyẹ-nkuzi, ị gha e ku ihiẹn ndịnị wẹ, ị rị a kparizikwọ ẹnyi nwẹn!”

Luku 14:11

“Makẹni onyẹ weshi enwẹn ẹ elu, e welụa w'ẹ alị; onyẹ welụa enwẹn ẹ alị, e weshi w'ẹ elu.”

Luku 18:17

M rị a gwa ụnụ ezioku, onyẹ nabanhanlẹni Alị-eze Osolobuẹ kẹ nwata abanyekọ a.”

Luku 6:22

Ngọzi wụ nke ụnụ wẹ gha e gi ufiri Nwa nke ịhịan e ze ize ụnụ, e nu ụnụ e ye ụsụọ, a kpari ụnụ, e ye ụnụ ẹjan ẹfan!

Jọnụ 6:37

“Ndị ile Nẹdi m ye m sikọ d'a bịa d'e kunrun m; achụpụkọ m onyẹ ọwụlẹ bịa d'e kunrunni m

Jọnụ 8:41

Ihiẹn nẹdi ụnụ e mẹ kẹ ụnụ rịhụ e mẹ.” Ya wẹ nọ sị a, “Ẹnyi ẹlẹ ụmụ ọwụ, Osolobuẹ sụọ wụ Nẹdi ẹnyi.”

Jọnụ 9:2

Ndị nsọnmazụụn a nọ jụ a, “Onyẹ-nkuzi, onyẹ mẹ njọ wẹ gi mụ okẹnnyẹni ẹnya-ishi, ịya ra ndị mụn'a?”

Jọnụ 9:22

(Ndị mụn'a ku ẹrịra makẹlẹ egun ndị-ndu ndị Ju rị a tụ wẹ. Makẹni, ndị-ndu ndị Ju e kwerigbamaọlẹ nị onyẹ sị nị Jizọsị wụ Kraịstị, a chụpụ w'a imẹ ụlọ-ofufe.

Jọnụ 9:35

Jizọsị nụ nị a chụpụgụọ w'a. Ọ hụn a, ọ nọ sị a, “Y'e kwerighọ nị Nwa nke Ịhịan?”

Jọnụ 9:40

Ndị Itu-Farisi nọkunmẹn'ẹ a nụ ihiẹnni o ku, wẹ nọ jụ a, sị, “Ẹnyi nwẹn wụzịdẹ ndị ẹnya-ishi ra?”

Ndị Kọrẹntị Ibuzọ 5:13

Osolobuẹ ya nwọn kin ikpe ndị rị ogbe: “Chụpụ nị nwan eje-ịhịan hụ imẹ igunrun ụnụ.”

Ndị Galeshịa 2:15

M nọzị sị Pita, “Ndị Ju mụ ẹnyi nwẹn; ẹnyi ẹlẹ ndị w'a kpọ ‘ndị wụlẹni ndị Ju, ndị omẹ-njọ.’

Ndị Ẹfẹsọsụ 2:3

Eziẹ, ẹnyi ile e te bi k'ọ sụọ ẹnyi nọkẹ wẹ, e mẹ kẹ ẹhụ ẹnyi lẹ obi ẹnyi chọ. Iwe-lẹ-ọnụma Osolobuẹ te hụ e che ẹnyi nọkẹ ndị ọzọ ile.

Pita Ibuzọ 5:5

Ẹrịrazịkwọ, ụnụ ndị rị ibe alị, e humẹni ni ndị-isi ụnụ isi. Ụnụ ile, e welụanị enwẹn ụnụ alị ebe ibe ụnụ rị. Makẹni, Ẹkụkwọ-nsọ sị, “Osolobuẹ a nọkin onyẹ mpache ụzọ, kanị, o yeni onyẹ e welụa enwẹn ẹ alị ẹka.”

Jọnụ Nke Ẹtọ 1:10

M bịa nwan, m k'e wepụha ihiẹn ile ọ rị e mẹ lẹ ọnụ ọ rị e buokinsọnmẹ ẹnyi! Ọhụn ehidẹn'ẹ, ọ jụ n'ọ nabanhankọ ụmụ Osolobuẹ ndị hụ; ọ nịdẹni ndị ọzọ nabanhan wẹ, ọ chụpụ ndị rị imẹ ụka chọ nị wẹ nabanhan wẹ.

Jọnụ Nke Ẹtọ 1:9

E dejẹngụọnị m ụka ẹhụhụọ; kanị Diọtrẹfẹsị hụn a chọ n'ọ kị egọnni ẹnyi ntịn.

Rẹvẹleshọnụ 13:17

nke wụnị onwọnni onyẹ a s'ẹka ṅọn mọbụ re ihiẹn, mmanị o bu ahịma hụ. Ahịma hụ wụ ẹfan eje-anụ ibuzọ hụ mọbụ ole ẹfan a gba.