Jọnụ 9:16 - Ika

¹⁶ Ụfọdụ ndị Itu-Farisi nọ sị, “Ẹlẹ Osolobuẹ zi okẹnnyẹni makẹni ara dọnmẹ iwu Ezumikẹn.” Ndị ọzọ sị, “Nanị onyẹ-njọ dọn nwan a saẹka a rụn ọrụn-atụmẹnya ndịnị?” Wẹ nọ kebe.

Jọnụ 9:16 Iomraidhean Croise

Matiu 12:10

O nwọn okẹnnyẹ ohu rị ebẹhụ ẹka ohu nwụnhụn. Ụfọdụ ndị Itu-Farisi chọkọ ihiẹn w'e gi ma Jesu ikpe nọ sị a, “Iwu e kwerighọ nị wẹ zụọ ndị emu rị a kụ Ụhụọhịn Ezumikẹn?”

Matiu 12:2

Ndị Itu-Farisi a hụn ihiẹnni, wẹ nọ sị a, “Y'a hụn a, ndị nsọnmazụụn ị rị e mẹ ihiẹn iwu sị w'e mẹlẹ Ụhụọhịn Ezumikẹn.”

Luku 13:14

Kanị iwe nọ we onyẹ-isi ụlọ-ofufe nị Jizọsị zụọ ịhịan Ụhụọhịn Ezumikẹn. Ọ nọ gwama ndị rị ebẹhụ oku, “Akpọhịn isin rị a hụn furu ẹnyi e gi rụn ọrụn. Bịa nị ogẹn hụ d'a zụọ isi, ẹlẹ Ụhụọhịn Ezumikẹn!”

Jọnụ 10:19

Ya kẹ ndị-ndu ndị Ju nọ kebezi yeni ihiẹn ndịnị ọ rị e ku.

Jọnụ 14:11

“Kweri ni ihiẹn m ku nị m rị imẹ Chuku-Nẹdi lẹni Chuku-Nẹdi nkẹ rị imẹ m. Kanị, omẹni ụnụ egikọ oku-ọnụ m kweri, gi ni nwan ihiẹn m rị a rụn kweri.

Jọnụ 15:24

Omẹni ete rụnnị m ihiẹn wẹ rụntulẹni imẹ igunrun wẹ, ikpe eke ma wẹ; kanị, a hụnchanrịngụọ wẹ nwan ọrụn-atụmẹnya ndị m rụn — bụ ize mmẹ lẹ Nẹdi m hụ e ze wẹ.

Jọnụ 2:11

Imẹ Kana rị Galili kẹ Jesu nọ rụn ọrụn-atụmẹnya ibuzọnị o gi ghọsị onyẹ ọ wụ, ndị nsọnmazụụn a nọ kwerin'ẹ.

Jọnụ 3:2

Okẹnnyẹni gi uhinhin chọha Jizọsị, sị a, “Onyẹ-nkuzi, ẹnyi a marịnghọ n'ị wụ onyẹ-nkuzi gha ebe Osolobuẹ rị bịa, makẹlẹ onwọnni onyẹ k'a s'ẹka rụn ọrụn-atụmẹnya ndịnị ị rị a rụn mmanị Osolobuẹ nọyen'ẹ.”

Jọnụ 5:10

Ya kẹ ndị-ndu ndị Ju nọ sị okẹnnyẹ hụ Jizọsị zụọ, “Tannị wụ Ụhụọhịn Ezumikẹn, o furuni nị y'e bu ute i. Iwu gi i.”

Jọnụ 5:36

“Kanị m nwọn ẹri hụn ka hụn Jọnụ shịanị m. Ọrụn ndị hụn Nẹdi m ye m rụn, ya wụ ọrụn ndịnị m rị a rụn, wẹ rị a shịanị m ẹri nị Chuku-Nẹdi zihẹ m.

Jọnụ 6:52

Ya kẹ ndị Ju ahụn lẹ ibe wẹ nọ dọma, “Nanị okẹnnyẹni e dọn ye ẹnyi ẹhụ a ri?”

Jọnụ 7:12

Ndị bịa mmẹmmẹ hụ a ka murinmurin ọda-ọda banyen'ẹ: ụfọdụ sị, “Ezigbo ịhịan rọ,” ụfọdụ sị, “Mba, ọ rịhụ e dufie ndị alị.”

Jọnụ 7:23

Omẹni wẹ hụ a kwa okẹnnyẹ ugun mmaka Ụhụọhịn Ezumikẹn amamgbe w'a dan Iwu Mozizi, kị haịn ụnụ gi e weni m iwe nị m zụọchanrịn ẹhụ okẹnnyẹni Ụhụọhịn Ezumikẹn?

Jọnụ 7:43

Oku onyẹ Jizọsị wụ nọ kebe igunrun ahụn.

Jọnụ 9:24

Ya wẹ nọ kpọ okẹnnyẹ hụ ẹnya te kpu ishi nke mgbe ẹbụọ, sị a, “Ku ezioku gi ye Osolobuẹ ọghọ! Ẹnyi a marịnghọ nị okẹnnyẹni wụ onyẹ-njọ.”

Ọrụn Ndị-ozi 14:4

Kanị ndị obodo hụ kebe ekebe: ndịnị a nọyeni ndị Ju, ndịnị a nọyeni ndị-ozi hụ pụ-ichẹn wụ Banabasị lẹ Pọlụ.