Jọnụ 8:47 - Ika

⁴⁷ Onyẹ wụ nke Osolobuẹ e gi oku Osolobuẹ e dọn. Ụnụ ẹlẹ nke Osolobuẹ haịn ụnụ gilẹni e gi oku Osolobuẹ e dọn.”

Jọnụ 8:47 Iomraidhean Croise

Daniẹlụ 12:10

Ndị bu ọda jẹnkọ d'a chanchan enwẹn wẹ, a wụrụ wẹ ndị nwọnlẹni nkọrịanị, a chanchan wẹ wẹ kẹ w'a chanchan goru, kanị ndị eje-ịhịan k'e mẹsọnmẹ eje-ihiẹn. Onwọnni onyẹ e mẹ eje-ihiẹn k'a ghọtanị, kanị ndị marịn ihiẹn k'a ghọta.

Jọnụ 12:48

Onyẹ hụn jụ mmẹ lẹ oku m nwọn onyẹ k'a ma a ikpe: ihiẹn m ku, ịya jẹnkọ d'a ma a ikpe Ụhụọhịn ikpanzụụn.

Jọnụ 18:37

Ya Paịleti nọ jụ a, “Eze k'ị wụ nwan?” Jizọsị nọ sị a, “Ọ ghagụọ ọnụ ị pụha ni m wụ eze. M bịa d'a shịanị ezioku ẹri: ufiri ẹ kẹ wẹ gi mụ m; ịya haịn m gi bịa imẹ ụwa. Onyẹ wụ nke ezioku e gọn ntịn oku m.”

Jọnụ 5:25

“Ezioku kẹ m rị a gwa ụnụ, ogẹn lala — o rụgụọdẹ nwan — ogẹn ndị nwụnnị k'e gi nụ olu Nwa Osolobuẹ, ndị nụn'a a rị ndụn.

Jọnụ 6:65

Ọ nọ sịzị, “Ọnwan haịn m gi sị ụnụ n'o nwọnni onyẹ jẹnkọ d'a saẹka bịa d'e kunrun m mmanị Chuku-Nẹdi mẹ ẹ bịa.”

Jọnụ 8:37

A marịnghọ m nị ụnụ wụ ụmụ Ebraham, kanị ụnụ rị nwan a chọ nị ụnụ gbu m, makẹni oku m arị a ban ụnụ obi.

Jọnụ 8:43

Kị haịn ụnụ gilẹni a ghọta ihiẹn m rị e ku? Ụnụ arị a ghọta makẹni ụnụ ara s'ẹka gọn ntịn oku m.

Jọnụ 8:45

M rị e ku ezioku haịn ụnụ gilẹni nwan kweri ihiẹn m rị e ku.

Jọnụ Ibuzọ 3:10

Ọnwan kẹ wẹ gi a marịn ndị wụ ụmụ Osolobuẹ lẹ ndị wụ ụmụ Ekwensụ: onyẹ ọwụlẹ ghalẹni e mẹ ihiẹn rị mma mọbụ onyẹ ihiẹn ibe ẹ ghalẹni a sụọ ẹlẹ nwa Osolobuẹ.

Jọnụ Ibuzọ 5:1

Onyẹ kweri nị Jisọzị wụ Kraịstị, hụnyẹ wụ nwa Osolobuẹ; onyẹ ọwụlẹ nwọn ihiẹn-ọsụsụọ nẹdi, nwọnzikwọ ihiẹn-ọsụsụọ onyẹ hụn ọ mụ.

Jọnụ Nke Ẹbụọ 1:9

Onyẹ fe mgbọn, hụn nke o gi nọdị ebe nkuzi Kraịstị dọnmẹ ẹ, hụnyẹ enwọn Osolobuẹ. Kanị onyẹ hụn sọnsọnmẹ nkuzi Kraịstị k'o dọn rị e nwọnghọ kẹ Chuku-Nẹdi kẹ Nwa Chuku.

Jọnụ Nke Ẹtọ 1:11

Nwẹnẹ-onyẹ, elerikwọlẹ eje-ihiẹn, ka leri ihiẹn rị mma. Onyẹ e mẹ ihiẹn rị mma wụ nke Osolobuẹ, kanị onyẹ e mẹ eje-ihiẹn eke marịndẹ Osolobuẹ.