Jọnụ 8:44 - Ika

⁴⁴ “Ụnụ wụ nke Ekwensụ nẹdi ụnụ. Ihiẹn nẹdi ụnụ chọ kẹ ụnụ chọ nwan nị ụnụ mẹ. Izighẹ k'ọ wụ gha isi mbidọn lala; ọ kwadọntuni ezioku — makẹni ezioku arị imẹ ẹ. Ọ gha a tụ ntụ, onwọnni ihiẹn ọ kpọ a, makẹni onyẹ ntụ lẹ nẹdi ntụ k'ọ wụ.

Jọnụ 8:44 Iomraidhean Croise

Jẹnẹsisi 3:15

“M k'e mẹ ịyụ lẹ okpohoni wụrụ eṅẹnrẹn, mẹzikwọ nwa ị lẹ nwa a wụrụ eṅẹnrẹn. Nwa a k'a zọkpọ ị isi; yụ nwẹn k'a ta nwa a atụ-ụkụ azụụn.”

Ndị-nze Nke Ibuzọ 22:22

Ya mmọn nwẹn nọ sị, ‘M k'e jẹn d'e họnrin mmọn-ntụ ọnụ ndị-amụma a ile.’ “Osolobuẹ nọ sị a, ‘Ijẹn i k'a gha; jẹn d'e m'ẹ.’

Ihiẹn Mẹni Nke Ibuzọ 21:1

Ekwensụ chọkọ ni eje-ihiẹn mẹ Izrẹlụ, ọ nọ nu Defidi d'a gụn ndị Izrẹlụ.

Jobu 1:11

Tịnpụ nwan ẹka mẹtụ ihiẹnni ile o nwọn — omẹni ọ kpọkọ ị iyi ihun i.”

Matiu 12:34

Igunrun agwọ! Nanị ụnụ a dọn ku ihiẹn rị mma ebe ụnụ wụ ndị-njọ? Ihiẹn jun ịhịan obi ya kẹ ọnụ a e ku.

Matiu 13:15

makẹni ndịnị ara ghọha, ntịn wẹ a kpọkingụọ, a nyụnmagụọ wẹ ẹnya, amamgbe w'e gi ẹnya wẹ legha ụzọ, gi ntịn wẹ nụ ihiẹn, gi obi wẹ ghọha, e rogharị wẹ d'e kunrun m, a zụọ m wẹ. Ya kẹ Osolobuẹ ku.’

Matiu 13:38

Ugbo hụ wụ ụwa; mkpụrụ hụ hụn rị mma wụ ụmụ Alị-eze; ata hụ wụ ụmụ Eje-onyẹ hụ.

Jọnụ 6:70

Jizọsị nọ sị wẹ, “Ẹlẹ mmẹ họrị ụnụ mmẹbụọ? Kanị onyẹ ohu imẹ ụnụ wụ Ekwensụ!”

Jọnụ 7:17

Onyẹ kwademẹ obi ẹ n'o k'e mẹ uche Osolobuẹ ọ marịn kẹ nkuzi m gha ẹka Osolobuẹ bịa ra uche m kẹ m rị e ku.

Jọnụ 8:38

M rị e ku ihiẹn m hụn ẹka Nẹdi m; kanị ụnụ nwẹn rị e mẹ ihiẹn ụnụ nụ ọnụ nẹdi ụnụ.”

Jọnụ 8:41

Ihiẹn nẹdi ụnụ e mẹ kẹ ụnụ rịhụ e mẹ.” Ya wẹ nọ sị a, “Ẹnyi ẹlẹ ụmụ ọwụ, Osolobuẹ sụọ wụ Nẹdi ẹnyi.”

Jọnụ 8:55

bụ ụnụ amarịn a; kalẹ mmẹ nwẹn a marịnghọ a. M sị amarịn m'a, a wụrụ m onyẹ ntụ kẹ ụnụ; kanị a marịnghọ m'a, ihiẹn ọ sị m mẹ kẹ m'e mẹ.

Ọrụn Ndị-ozi 13:10

sị a, “Onyẹ hụn ẹro lẹ eje-ihiẹn ile jun imẹ ẹ! Nwa Ekwensụ! Eṅẹnrẹn ihiẹn ile rị ọchan! Y'a fịbehikọ ezioku Di-nwọnni-ẹnyi?!

Ọrụn Ndị-ozi 24:9

Ndị Ju ya lẹ wẹ wị nọ kwadọn Tẹtulọsụ, a sị ihiẹn ile o ku wụ ezioku.

Ọrụn Ndị-ozi 5:3

Kanị Pita nọ sị, “Ananayasị, kị Ekwensụ nun'i tụ Mmọn-nsọ ntụ, mẹ i bu mgbube egho i re alị hụ tọ?

Ndị Kọrẹntị Nke Ẹbụọ 11:3

Kanị, egun rị a tụ m amamgbe w'e dufie ụnụ kẹ Ekwensụ dọn gi ẹro dufie Ivu, e mẹ wẹ ụnụ febehi Kraịstị ofufe ezioku lẹ ofufe rụlẹni:

Pita Ibuzọ 5:8

E dọnrin ni ẹnya; e che ni nche. Makẹni eṅẹnrẹn ụnụ wụ Ekwensụ rị a ghahunmẹ nọkẹ ẹwọrọ rị e dẹnni, a chọ onyẹ o k'a nwụn ri.

Pita Nke Ẹbụọ 2:4

Ebe o mẹ ni Osolobuẹ ahatuni ndị mmọn-ozi ahụn ogẹn wẹ gi mẹ njọ, kama, ọ tụ wẹ ye ọkụn-mmọn, kpọma wẹ tọ mgbugbu rịsọnmẹ imẹ ishi ka ishi d'e ru Ụhụọhịn okinkin-ikpe;

Jọnụ Ibuzọ 1:8

Ẹnyi sị nị ẹnyi emẹni njọ, ẹnyi rị a tụ enwẹn ẹnyi ntụ, ezioku arị imẹ ẹnyi.

Jọnụ Ibuzọ 2:21

Ẹlẹ ni ụnụ amarịn ezioku haịn m gi e deni ụnụ, kanị, makẹni ụnụ a marịngụọ a — ụnụ a marịnghọ n'o nwọnni ntụ a gha imẹ ezioku a pụha.

Jọnụ Ibuzọ 2:4

Onyẹ sị ọ marịnghọ Osolobuẹ bụ ara mẹ ihiẹn Osolobuẹ ku, hụnyẹ wụ onyẹ-ntụ, ezioku arị imẹ onyẹ hụ.

Jọnụ Ibuzọ 3:12

Ẹnyi anọkọkwọ kẹ Keni hụn rị azụụn nke Eje-onyẹ hụ, o gbu nwẹnẹ ẹ. K'o gbuni nwan nwẹnẹ ẹ? Makẹni ya nwẹn mẹ eje-ihiẹn, nwẹnẹ ẹ mẹ ihiẹn rị mma.

Jọnụ Ibuzọ 3:15

Onyẹ ọwụlẹ ize ibe ẹ e ze wụ izighẹ, bụ ụnụ a marịnghọ n'o nwọnni izighẹ ndụn itẹbitẹ rị imẹ ẹ.

Judu 1:6

nị ndị mmọn-ozi hụ te rị nsọ hụn nọdịlẹni ebe wẹ sị wẹ nọdị, la ọnọdị wẹ tọ, rị nwan ẹgbụn itẹbitẹ imẹ eje-ishi, e che okinkin-ikpe hụn jẹnkọ d'a rị okẹn Ụhụọhịn ahụn.

Rẹvẹleshọnụ 12:9

Wẹ nọ tụtu Dragọnụ uku hụ ye elu-ụwa, agwọ mbụ-mbụ hụ w'a kpọ Ekwensụ, a kpọzị a Setanị, hụn e dufie ụwa ile; a tụtu wẹ kẹ ịya kẹ ndị mmọn-ozi ẹ.

Rẹvẹleshọnụ 13:14

O gi ọrụn-atụmẹnya ndịnị wẹ ye ẹ ikẹn rụndọnni eje-anụ ibuzọ hụ dufie ndị bi elu-ụwa, sị wẹ kpụ eje-anụ ibuzọ ahụn wẹ gi ọpịa-agha begbu, hụn rịzị nwan ndụn.

Rẹvẹleshọnụ 2:10

Atụlẹ ni egun afụnfụn ụnụ jẹnkọ nwan d'a ta. Lee ẹ, Ekwensụ e d'a tụ ụfọdụ imẹ ụnụ ngan kẹni wẹ gi ẹ lele ụnụ. Ụnụ k'a ta afụnfụn akpọhịn iri. Kwọnkẹnmẹ ni okukwe ụnụ d'e ru ọnwụn, e gi m ndụn wụ ndụn tu ụnụ ugọn.

Rẹvẹleshọnụ 21:8

“Kanị, ndị ụjọ lẹ ndị-ghẹrẹghẹrẹ lẹ ndị rụnị; ndị-izighẹ lẹ ndị ughẹrẹ; ndị ile a gwọ eje-ọgụn; ndị a rụa mmọn lẹ ndị-ntụ ile — wẹ ile shikọ d'a rị odiyiri ọkụn lẹ nsịn-ẹnyanwụn hụ, hụn wụ ọnwụn nke mgbe ẹbụọ.”

Rẹvẹleshọnụ 22:15

Makẹni ndị e bi kẹ nkitẹ, ndị nshi-lẹ-ẹjan, ndị ughẹrẹ, ndị-izighẹ, ndị a rụa mmọn lẹ onyẹ ọwụlẹ e mẹ mọbụ a kwadọn ihiẹn ya lẹ ntụ wị abanyekọ obodo hụ.

Rẹvẹleshọnụ 9:11

Eze igurube ndịnị wụ eje-mmọn ahụn mgbugbu hụ migbu enwẹn ẹ rị ẹka a. Ndị Hibru a kpọ a Abadọnụ, ndị Griki a kpọ a Apolịọnụ.