Jọnụ 8:42 - Ika

⁴² Jizọsị nọ sị wẹ, “Omẹni Osolobuẹ te wụ Nẹdi ụnụ, nkẹ ihiẹn m a sụọ ụnụ, makẹni m gha ẹka Osolobuẹ bịa; ịya mẹ m nwan rị ebeni. Ẹlẹ mmẹ gi ihiẹn ẹka m bịa, ịya zihẹ m.

Jọnụ 8:42 Iomraidhean Croise

Malakaị 1:6

“Nwa a gbaye nẹdi ẹ; odibo a gbaye di-nwọnn'ẹ. Omẹni nẹdi kẹ m wụ, mgbaye m? Omẹni di-nwọnni ụnụ kẹ m wụ, mgbaye m? Ya kẹ Osolobuẹ ihiẹn ile rị okpuru ẹ rị a jụ ụnụ ndị nchụn-ẹjan rị e budan ẹfan m. Ụnụ hụ a sị kẹ nanị ụnụ dọn budan ẹfan m?

Jọnụ 1:14

Oku Chuku nọ họnrin ịhịan, sọn ẹnyi biri elu-ụwa. Ẹfọma lẹ ezioku jun imẹ ẹ! Ẹnyi a hụnọlẹ ikpẹn ẹ, ikpẹn akpụ Nwa ohu Chuku-Nẹdi mụ rọ.

Jọnụ 12:49

Makẹni, ẹlẹ m gi uche m e ku; Nẹdi m hụn zihẹni m gwa m ihiẹn m sikọ d'a sị lẹ ihiẹn m sikọ d'e ku.

Jọnụ 13:3

Jizọsị a marịngụọ nị Chuku-Nẹdi e bugụọ ihiẹn ile che ẹ ẹka; ọ marịnghọ nị ebe Chuku-Nẹdi rị k'ọ gha bịa lẹni Chuku-Nẹdi k'ọ laburukọ:

Jọnụ 14:10

Ụnụ ekwerini nị m rị imẹ Chuku-Nẹdi lẹni Chuku-Nẹdi nkẹ rị imẹ m? Ẹlẹ uche m kẹ m rị a gwa ụnụ hụnnị ile, Chuku-Nẹdi hụn rị imẹ m rị a rụn ọrụn a.

Jọnụ 16:30

Echẹn kẹ ẹnyi marịn nwan n'ị marịn ihiẹn ile, n'o nwọnni onyẹ furu n'ọ jụ ị ajụjụ; ọnwan kẹ ẹnyi gi kweri n'ị gha ebe Osolobuẹ rị bịa.”

Jọnụ 17:25

“Euu Baba, Onyẹ ezi-omumẹ, ọsụọn'a nị ụwa amarịn ị, mmẹ nwẹn a marịnghọ ị; ndịnị wẹ a marịnzịghọ nị ịyụ zihẹ m.

Jọnụ 17:8

makẹlẹ a gwagụọ m wẹ ihiẹn ndị hụ ị sị m gwa wẹ. A nabanhangụọ wẹ oku ndị hụ; a marịngụọ wẹ nwan nị m gha ebe ị rị bịa nke-esi. E kwerigụọ wẹ nị yụ zihẹ m.

Jọnụ 3:17

Ẹlẹ ikpe kẹ Osolobuẹ zi Nwa a d'a ma ndị rị ụwa, o zi ẹ kẹni wẹ gha ẹka a nwọnrin nzụọpụha.

Jọnụ 5:23

kẹni ịhịan ile gbaye Nwa a kẹ wẹ dọn a gbaye Chuku-Nẹdi. Onyẹ gbayelẹni Nwa a agbayeni Chuku-Nẹdi zihẹn'ẹ.

Jọnụ 5:43

M gi nwan ẹfan Nẹdi m bịa, ụnụ anabanhannị m, kanị onyẹ ọzọ gi ẹfan enwẹn ẹ bịa, ụnụ a nabanhan a.

Jọnụ 8:14

Jesu nọ sị wẹ, “Ọsụọn'a nị m shịanị enwẹn m ẹri, ẹri m furu w'e gi dọn, makẹlẹ a marịnghọ m ebe m gha bịa lẹ ebe m shikọ. Kanị ụnụ amarịn ebe m gha bịa mọbụ ebe m shikọ.

Ndị Kọrẹntị Ibuzọ 16:22

Ịbụ-ọnụ ya rịnị onyẹ ọwụlẹ ihiẹn Di-nwọnni-ẹnyi ghalẹni a sụọ! Di-nwọnni-ẹnyi, bịa!

Ndị Galeshịa 4:4

Kanị ogẹn e zu, Osolobuẹ nọ zihẹ Nwa a: okpoho mụ a; wẹ mụ a ye okpuru Iwu.

Jọnụ Ibuzọ 4:14

Ẹnyi a hụngụọ a, ku ẹ, nị Chuku-Nẹdi e zihẹgụọ Nwa a d'a wụ Onyẹ-nzụọpụha ụwa.

Jọnụ Ibuzọ 5:20

Ẹnyi a marịnghọ nị Nwa Osolobuẹ a bịagụọ, n'o yegụọ ẹnyi nghọta hụn ẹnyi e gi marịn onyẹ ahụn wụ Ezioku. Ẹnyi rị nwan imẹ onyẹ ahụn wụ Ezioku lẹ Nwa a wụ Jesu Kristi. Ịya wụ Osolobuẹ nke-esi lẹ ndụn-itẹbitẹ.

Rẹvẹleshọnụ 22:1

Ya mmọn-ozi hụ nọ ghọsị m iyi hụn mirin ẹ e ye ndụn. Ọ hụ e nwun zaị kẹ ughegbe; ukpo-eze Osolobuẹ lẹ Nwa-ebulu ahụn k'ọ rị a gha e hupụha.