Jọnụ 8:32 - Ika

³² ụnụ jẹnkọ d'a marịn ezioku, ezioku a tọpụ ụnụ ẹgbụn-igbọn.”

Jọnụ 8:32 Iomraidhean Croise

Ẹbụ-ọma 119:45

e mẹshịa ẹhụ, makẹni m hụ e sọnshi iwu i ikẹn.

Ẹbụ-ọma 25:5

gi ezioku i du m, kuzi m, makẹni ịyụ wụ Chuku m lẹ Onyẹ-nzụọpụha m, ịyụ sụọ kẹ m gi e dọn ẹnya kẹ ụhụọhịn han.

Itẹn 1:23

Omẹni ụnụ te gọn ntịn kẹ m rị a jụgbọ ụnụ, nkẹ a gwachanrịn m ụnụ ihiẹn rị m obi, mẹ ụnụ marịn ihiẹn m rị e ro.

Itẹn 1:29

makẹni amamihiẹn ze ụnụ ize, makẹni ụnụ ahanrịnnị ịtụ-egun Osolobuẹ.

Itẹn 4:18

Kanị ụzọ onyẹ ezi-omumẹ nọ kẹ eki rị e fọnni, hụn e fọnwaye ofọnwaye-ofọnwaye d'e runi o fọnchanrịn.

Azaya 2:3

Alị bu ọda jẹnkọ d'a rị a sị, “Bịa nị, nị ẹnyi shi ni Ugu Osolobuẹ, nị ẹnyi jẹn ni Ụlọ-nsọ Chuku Jekọpụ. O k'a kuzi ẹnyi ụzọ a, nị ẹnyi hụn ụzọ e sọn ụzọ a.” Iwu Osolobuẹ k'a gha Zayọnụ a pụha; oku Osolobuẹ k'a gha Jerusalẹm a pụha.

Azaya 30:21

Nke wụnị, ọ sụọn'a nị ụnụ kụye ẹka-nni mọbụ ẹka-ekpẹn, ụnụ k'a nụ olu rị ụnụ ibe azụụn, a sị, “Ọnwan wụ ụzọ, ghashi n'ẹ!”

Azaya 35:8

Okẹn ụwaya k'a rị nwan alị hụ. Ẹfan a k'a wụ “Ụwaya-nsọ.” Ndị rịlẹni ọchan aghakọ a. Ndị hụn a gha ụzọ Osolobuẹ sụọ k'a gha a. Ndị marịnlẹni Chuku aghakọ ebẹhụ.

Azaya 54:13

Osolobuẹ kẹ ụmụ ị jẹnkọ d'a mụnarịn, ihiẹn jẹnkọ d'a rịnị mmụ ị mma ọda-ọda.

Azaya 61:1

Mmọn Di-nwọnni-ẹnyi wụ Osolobuẹ rị imẹ m, makẹni Osolobuẹ e tumẹgụọ m d'e zi ndị igbẹnnyẹ ozi rị mma. O zi m d'a kasị ndị ndụn gụ obi, d'a sị ndị wẹ kwọndọn lama, d'a sị ndị ngan pụha;

Jerimaya 6:16

Osolobuẹ sị, “Turu ni nwan ẹbụ-ẹnọ lehunmẹ ẹnya; jụ nị kẹ elee hụn wụ ụzọ ahụn rị ẹdẹi — jụ nị ukwere ụzọ hụ rị mma, ụnụ a gha a, kẹn'ọ rịnị ụnụ mma. Kanị ụnụ sị, ‘Ẹnyi aghakọ a.’

Hosia 6:3

Nị ẹnyi marịn nị Osolobuẹ; nị ẹnyi lịlịma nị d'a marịn a! O k'a zarịrị ẹnyi k'o dọn mẹni eki k'e fọnrịrị; k'o dọn mẹni mirin k'e zuerịrị; k'o dọn mẹni udu-mirin k'a bịarịrị.”

Lẹvitikọsụ 25:41

O ru ogẹn hụ, kẹ ya kẹ ụmụ a sikọ d'a la, ọ laburu ebọn ẹ, nwọnrinzi alị ndị nẹdi ẹ kanị.

Malakaị 4:2

“Kanị, anwụn ihiẹn gi a rị mma sikọ d'a wanị ụnụ ile hụn a gbayeni m; o k'e bu nzụọrị ẹka-nku fehẹ, ụnụ a pụha, tụshimẹ elu nọkẹ ụmụ-efin wẹ kpọpụnị ụzọ!

Matiu 11:29

Yiri ni agbụn yoku m, ụnụ a mụnarịn m; makẹni, m rị jụụ, e welụa enwẹn m alị imẹ obi. Ụnụ mẹ ẹ, umẹ-ndụn ụnụ e nwọnrin ezumikẹn.

Jọnụ 1:14

Oku Chuku nọ họnrin ịhịan, sọn ẹnyi biri elu-ụwa. Ẹfọma lẹ ezioku jun imẹ ẹ! Ẹnyi a hụnọlẹ ikpẹn ẹ, ikpẹn akpụ Nwa ohu Chuku-Nẹdi mụ rọ.

Jọnụ 1:17

Osolobuẹ ye Iwu ghahanị Mozizi; kanị ẹfọma lẹ ezioku gha ẹka Jesu Kristi bịa.

Jọnụ 14:6

Jizọsị nọ sị a, “Mmẹ wụ ụzọ lẹ ezioku lẹ ndụn. Onwọnni onyẹ a bịa d'e kunrun Chuku-Nẹdi mmanị ọ ghaha ẹka m.

Jọnụ 16:13

Mmọn-nsọ hụn a ghọsị ezioku bịa, o du ụnụ, mẹ ụnụ marịn ezioku ile. Makẹni, ẹlẹ uche ẹ k'o k'e ku; kama, ihiẹn o k'a nụ k'o k'e ku. O k'a gwazịkwọ ụnụ ihiẹn ndị jẹnkọ d'e mẹ ihun.

Jọnụ 17:17

Gi ezioku dọn wẹ nsọ: oku i wụ ezioku.

Jọnụ 6:45

Wẹ de ẹ imẹ Ẹkụkwọ ndị-amụma nị, ‘Osolobuẹ sikọ d'a kuzi wẹ ile.’ Onyẹ hụn e gọn Chuku-Nẹdi ntịn, a mụnarịn a, jẹnkọ d'a bịa d'e kunrun m.

Jọnụ 7:17

Onyẹ kwademẹ obi ẹ n'o k'e mẹ uche Osolobuẹ ọ marịn kẹ nkuzi m gha ẹka Osolobuẹ bịa ra uche m kẹ m rị e ku.

Jọnụ 8:36

Ya wụ nị Nwa Osolobuẹ tọpụ ụnụ ẹgbụn-igbọn, ụnụ e weri enwẹn ụnụ nke-esi.

Ndị Rom 6:22

Kanị, hụnnị Osolobuẹ gbapụhagụ ụnụ ẹka njọ, ụnụ e họnrin igbọn Osolobuẹ, erere ụnụ wụ ịrị-nsọ hụn sikọ d'e wẹhẹ ndụn itẹbitẹ.

Ndị Rom 8:15

Makẹni mmọn hụn Osolobuẹ ye ụnụ ẹlẹ mmọn igbọn, hụn ụnụ e gi tụmazị egun, kanị Osolobuẹ ye ụnụ mmọn hụn o gi mụnrụn ụnụ, mmọn ahụn e mẹ ẹnyi a hị Osolobuẹ, “Baba! Baba Nẹdi m!”

Ndị Rom 8:2

Makẹni, ọkịkị ahụn Mmọn-nsọ gi e ye ndụn imẹ Jesu Kristi a gbapụhagụọ ẹnyi ẹka ọkịkị ahụn njọ gi e buhẹ ọnwụn.

Ndị Kọrẹntị Ibuzọ 7:22

Makẹni, omẹni ịhịan wụ igbọn kẹ Osolobuẹ kpọbanhan a imẹ Di-nwọnni-ẹnyi, onyẹ nwọn enwẹn ẹ k'ọ wụ imẹ Di-nwọnni-ẹnyi. Ẹrịrazịkwọ, onyẹ hụn wụlẹni igbọn kẹ Osolobuẹ kpọbanhan a wụ nwan igbọn Kraịstị.

Ndị Galeshịa 5:1

Kraịstị gbapụha ẹnyi kẹni ẹnyi wụrụ ndị nwọn enwẹn wẹ. Wuzokẹnmẹ ni nwan kẹ ndị werigụ enwẹn wẹ! Anịkwọlẹ ni wẹ kpọmazị ụnụ ẹgan igbọn!

Ndị Galeshịa 5:13

Ụnụ nwẹn, Osolobuẹ kpọ ụnụ d'e weri enwẹn ụnụ, umunẹ m, ka egikwọlẹ ni nị ụnụ nwọn enwẹn ụnụ mẹmẹ k'ọ rị ụnụ; ka gi ni ihiẹn-ọsụsụọ e fetarị ibe ụnụ.

Timoti Nke Ẹbụọ 3:7

ikpoho w'a tọ a kuzi, kanị w'a ra s'ẹka marịn ezioku.

Jemisi 1:25

Kanị omẹni ịhịan hụ e lee iwu hụ zu oke ịhịan gi e nwọnrin enwẹn ẹ, e lesọnmẹ, nị ẹlẹ onyẹ a nụgụ, a zọ, kanị ọ hụ e gi ẹ e bi, o sikọ d'a narịn ngọzi makẹni ọ hụ e mẹ ẹ.

Jemisi 2:12

Ya wụ, kẹ oku-ọnụ kẹ omumẹ, e mẹchanrịn nị wẹ kẹ ndị wẹ k'e gi iwu e mẹ ịhịan e nwọnrin enwẹn ẹ kin ikpe:

Pita Ibuzọ 2:16

e gi ni agụngụn ndị nwọn enwọn wẹ e mẹ ẹ — kanị ẹlẹkwọ hụn wẹ gi e kpumẹ eje-obibi, kama, obibi ndị wụ igbọn Osolobuẹ.

Jọnụ Nke Ẹbụọ 1:1

Mmẹ wụ onyẹ-isi de ẹkụkwọ-ozini. M rị e deni okpoho hụ Osolobuẹ họrị lẹ ụmụ a. Ndị ihiẹn wẹ a sụọ m ebe Ezioku rị kẹ wẹ wụ, ẹlẹdẹ mmẹ sụọ nwọn ihiẹn-ọsụsụọ wẹ kanị ndị ile marịn Ezioku,