Jọnụ 6:11 - Ika

¹¹ Ya kẹ Jesu nọ weri brẹdi ndị hụ, ọ kpanmịngụ Osolobuẹ, ọ nọ keni ndị hụ nọdị alị ya; ọ nọ mẹzi azụn ndị ahụn ẹrịra, wẹ nọ ri kẹ wẹ chọ.

Jọnụ 6:11 Iomraidhean Croise

Matiu 15:36

Ọ nọ weri ogbe brẹdi ẹsa hụ lẹ azụn ndị hụ; ọ kpanmịngụ Osolobuẹ, ọ nọ bebe wẹ ye ndị nsọnmazụụn a. Ndị nsọnmazụụn a nọ we wẹ ye igunrun hụ.

Luku 24:30

Ogẹn ya lẹ wẹ gi nọdị alị nị wẹ ri ihiẹn-oriri, ọ nọ weri brẹdi ahụn wẹ jẹnkọ d'e ri, kpanmịn Osolobuẹ; ọ nọ bebe ẹ, we ẹ ye wẹ.

Jọnụ 21:10

Jesu nọ sị wẹ, “Wẹhẹ ni azụn imẹ ndị hụn ụnụ gbu kikẹnni.”

Jọnụ 21:13

Ya kẹ Jesu nọ jẹn d'e weri brẹdi hụ ye wẹ, werizikwọ azụn hụ ye wẹ.

Jọnụ 21:9

Ogẹn wẹ gi pụha mkpẹnrẹn mirin, wẹ nọ hụn oboko ọkụn ebahụn; azụn hụ elu ẹ; brẹdi hụzịkwọ ebẹhụ.

Jọnụ 6:23

Kanị ogẹnni, ụgbọ ndị ọzọ gha Taịberiasị bịa rị nwan ẹhụ ebahụn wẹ nọ ri brẹdi ogẹn Di-nwọnni-ẹnyi gi kpanmịngụ Osolobuẹ yeni brẹdi hụ.

Jọnụ 6:9

“O nwọn nwata bu ogbe brẹdi isẹn wẹ gi ọka bali mẹmẹ lẹ azụn ẹbụọ ebeni; kalẹ, ebe ọhụn sikọ d'a pụ igunrunni?!”

Ọrụn Ndị-ozi 27:35

O kugụ, ọ nọ weri brẹdi, ye Osolobuẹ ekele idẹnya wẹ ile, beri, rimẹ.

Ndị Rom 14:6

Hụn sị ụhụọhịn ohu ka mkpa gi ufiri Di-nwọnni-ẹnyi kweri ẹrịra; hụn e ri ihiẹn ile gi ufiri Di-nwọnni-ẹnyi e ri, makẹni ọ kpanmịn Osolobuẹ e ri. Onyẹ ghalẹni e ri ihiẹn ile gizi ufiri Di-nwọnni-ẹnyi a jụ — ọ kpanmịnzị Osolobuẹ a kpanmịn.

Ndị Kọrẹntị Ibuzọ 10:31

Kẹ oriri kẹ ọrịra kẹ ihiẹn ọzọ ọwụlẹ ụnụ e mẹ, e mẹni wẹ ile ụzọ o gi wẹhẹni Osolobuẹ ọghọ,

Ndị Tẹsalonika Ibuzọ 5:18

E ye ni ekele imẹ ọnọdị ọwụlẹ, makẹni ọnwan kẹ Osolobuẹ chọ ẹka ụnụ imẹ Kraịstị wụ Jesu.

Samuẹlụ Nke Ibuzọ 9:13

Hụn ụnụ gihụ banye imẹ obodo, ụnụ jẹnkọ d'a hụn a o gini d'e nyinrin elu-ugu hụ d'e ri ihiẹn-oriri. Erimẹkọ wẹ mmanị ọ bịagụ, makẹni ịya k'a gọzirịrị ẹjan hụ; ọ gọzigụ a ndị wẹ kpọ d'e ri ẹ kebe ri. Jẹnmẹ ni nwan ozigbo; ogẹnni kẹ ụnụ e gi hụn a.”