Jọnụ 4:23 - Ika

²³ Ogẹn laladẹ, ẹghẹẹ, o rugụọdẹ nwan, hụn ndị e fe ezigbo ofufe k'e gi fe Chuku-Nẹdi ofufe imẹ-mmọn lẹ nke ezioku. Makẹni ndị hụn e fe ẹrịra kẹ Chuku-Nẹdi chọkọ.

Jọnụ 4:23 Iomraidhean Croise

Ihiẹn Mẹni Nke Ibuzọ 29:17

“Chuku m, a marịnghọ m nị y'e lele obi, nị ihiẹn kụrụ ọtọ a sụọ ị ụsụọ. M wepụha obi m ye ihiẹn ndịnị ile m ye, ẹlẹni o nwọn ihiẹn ọzọ m chọkọ. M rịzịkwọ nwan a ghọghọ makẹni a hụnọlẹ m kẹ ndị nke ị rị ebeni dọn gi obi wẹ ye i ihiẹn.

Ẹbụ-ọma 147:11

Ihiẹn a sụọ Osolobuẹ wụ ndị hụn a tụ egun ẹ, ndị bu obi tụkwasị ihiẹn-ọsụsụọ a.

Ẹbụ-ọma 17:1

Dodo Osolobuẹ, gọn ntịn arịrịọ onyẹ ezi-omumẹ; lee ẹkwan m rị a kwan; gọn ntịn ekpere m — nị ntụ arị m ọnụ!

Ẹbụ-ọma 32:2

Onyẹ wẹ gọzi a gọzi wụ onyẹ hụn nwọnzilẹni njọ hụn Osolobuẹ jẹnkọ d'a jụ a ukwere ẹ, makẹni onwọnzini njọ o zuemẹ imẹ obi ẹ.

Ẹbụ-ọma 51:6

Ẹghẹẹ, ezioku gha akpak'alị obi pụha kẹ ị chọ; y'e mẹ m amarịn ihiẹn rị mma imẹ obi m.

Itẹn 15:8

Ẹjan onyẹ eje-omumẹ chụn wụ arụ ẹnya Osolobuẹ, kanị ekpere mmaka ndị ezi-omumẹ mẹ, a sụọ Osolobuẹ ụsụọ.

Ẹbụ Solomọnụ 2:14

Nduru m, hụn hụarị oghe rị ọmụma, hụn rị ebe w'a hụarịsọnmẹ elu ugu. Ghọsị m ihun i, nị m nụ olu i; makẹni olu i a sụọka ụsụọ; ihun i a rịka mma.

Azaya 10:20

O ru ogẹn ahụn, ndị Izrẹlụ k'a họdụnị — ndị ikpụnọ Jekọpụ hụn k'a hụn isi wanahịn — egikọzị onyẹ hụ e gbuni wẹ dọn ẹnya, Osolobuẹ hụn wụ Onyẹ-nsọ Izrẹlụ kẹ wẹ k'e gichanrịn dọn ẹnya.

Azaya 29:13

Ya haịn Onyẹ-nwọnni-ẹnyi gi sị, “Ọnụ kẹ ndịnị gihụ a nọkunmẹ m, e gihụ ọnụnụ-ire a gbaye m, kanị obi wẹ e tekẹ ebe m rị. Iwu ịhịan kuzi wẹ kẹ wẹ gihụ e fe m ofufe.”

Azaya 43:21

ndị nke m hụn m mẹmẹni enwẹn m — kẹni wẹ ku ọrụn ọma m rụn.

Azaya 58:2

Makẹni, wẹ hụ e fe m ụhụọhịn-ụhụọhịn, e mẹ kẹ sị w'a chọka nị wẹ marịn m, nọkẹ sị wẹ wụ alị e mẹ ihiẹn rị mma, alị hụn latọlẹni ihiẹn Chuku ẹ sị a mẹ. Wẹ hụ a sị m gwa wẹ ihiẹn furu wẹ k'e mẹ, e mẹ nọkẹsị a chọka wẹ nị Chuku nọkunmẹ wẹ.

Jerimaya 3:10

Ihiẹn ndịnị ile mẹni, Juda nwẹnẹ ẹ ẹnya rịlẹni ụzọ ohu egikwọnị obi ẹ ile kinhẹn d'e kunrun m — o kinhẹnhụ nke ọnụnụ-ire. Ya kẹ Osolobuẹ ku.”

Jerimaya 4:2

omẹni ụnụ hụ e gi ezioku lẹ ẹka rị mma lẹ ezi-omumẹ a sị, ‘Ma Osolobuẹ’ ụnụ gi e kun ẹfan m ogẹn ahụn alị ndị ọzọ e gi ẹfan Osolobuẹ gọzimẹ ibe wẹ, gi Osolobuẹ nyanma isi.”

Izikẹlụ 22:30

“A chọgbamagụọ m imẹ wẹ nị m hụn akpụ onyẹ ohu, hụn nkẹ a tụnkin mgbọnni, hụn nkẹ e wuzoni alị ihun m dọnzi ihiẹn makẹ m gha e tikpọ a, onwọnni onyẹ m hụn.

Jọnụ 1:17

Osolobuẹ ye Iwu ghahanị Mozizi; kanị ẹfọma lẹ ezioku gha ẹka Jesu Kristi bịa.

Jọnụ 12:23

Jesu nọ za wẹ, sị, “Ogẹn e rugụọ w'e gi ye Nwa nke Ịhịan ọghọ.

Jọnụ 16:2

Wẹ jẹnkọ d'a chụpụ ụnụ imẹ ụlọ-ofufe. Ogẹn lala hụn w'e gi gbudẹ ụnụ e ro nị Osolobuẹ kẹ wẹ rị e mẹn'ẹ.

Jọnụ 16:32

Ogẹn lala — o rugụọdẹ nwan, hụn ụnụ e gi gbayịya, onyẹ-onyẹ e shi iwe ẹ, la mmẹ sụọ tọ. Kanị, ẹlẹ mmẹ sụọ rị, Nẹdi m nọyeni m anọyeni.

Jọnụ 4:21

Jesu nọ sị a, “Okpoho, kweri ihiẹn m rị e ku: ogẹn lala, hụn ụnụ jẹnkọlẹni d'a nọzị kẹ elu uguni kẹ imẹ Jerusalẹm fe Chuku-Nẹdi.

Jọnụ 5:25

“Ezioku kẹ m rị a gwa ụnụ, ogẹn lala — o rụgụọdẹ nwan — ogẹn ndị nwụnnị k'e gi nụ olu Nwa Osolobuẹ, ndị nụn'a a rị ndụn.

Jọnụ 5:28

Anịlẹ ni ọnwan tụ ụnụ ẹnya, makẹni ogẹn lala hụn ndị ile rị imẹ ili jẹnkọ d'e gi nụ olu ẹ,

Ndị Rom 1:9

Osolobuẹ m gi obi m ile e fe ghahanị izisọnmẹ oziọma Nwa a wụ ọshẹri m nị m'a nyanhan ụnụ ogẹn ile m gha e mẹ ekpere.

Ndị Rom 8:15

Makẹni mmọn hụn Osolobuẹ ye ụnụ ẹlẹ mmọn igbọn, hụn ụnụ e gi tụmazị egun, kanị Osolobuẹ ye ụnụ mmọn hụn o gi mụnrụn ụnụ, mmọn ahụn e mẹ ẹnyi a hị Osolobuẹ, “Baba! Baba Nẹdi m!”

Ndị Rom 8:26

Mmọn-nsọ nkẹ e yezini ẹnyi ẹka ebe o mẹ ni ẹnyi ezuni oke. Ẹnyi amarịn ihiẹn ẹnyi k'a rịọ imẹ ekpere, kanị Mmọn-nsọ lẹ enwẹn ẹ gi ịsụn-udẹn a rịọdọnni ẹnyi Osolobuẹ, e ku ihiẹn ọnụ ghalẹni a saẹka e ku.

Ndị Galeshịa 4:6

Makẹni ụnụ wụ ụmụ, Osolobuẹ nọ zihẹ Mmọn Nwa a ye imẹ obi ẹnyi; ọ hụ imẹ ẹnyi a hị, “Baba! Baba nẹdi m!”

Ndị Ẹfẹsọsụ 6:18

E gi ni ekpere lẹ ịrịọ-Osolobuẹ e sọn ihiẹn ile, e mẹ ekpere ogẹn ile kẹ Mmọn-nsọ dọn chọ; mụnrụn nị ẹnya ebe ekpere rị, anịlẹ ni ndụn gụ ụnụ; e mẹni ni ndị nke Osolobuẹ ile ekpere.

Ndị Filipi 3:3

Makẹni, ẹnyi nwẹn wụ ndị hụn kwa ezigbo ugun: ẹnyi ndị rị e fe Osolobuẹ ofufe imẹ-mmọn ghahanị Mmọn-nsọ, ẹnyi ndị gi Kraịstị wụ Jizọsị e dọn ẹnya, a nyan isi, ẹnyi ndị ghalẹni e gi ihiẹn ẹnya e legha e dọn ẹnya,

Joshụa 24:14

“Joshụa nọzị sị: Gbaye ni nwan Osolobuẹ, ụnụ e gichanrịn obi ụnụ fe ẹ. Tuhuni mmọn-lẹ-iyi ndị nẹdi ụnụ kanị fe nfetu Iyi Yufretisi lẹ imẹ Ijiptu, ụnụ e fe Osolobuẹ.

Pita Ibuzọ 2:9

Kanị, ụnụ nwẹn wụ agbọ wẹ họrị ahọrị; ndị nchụn-ẹjan Eze; ebọn rị nsọ; ndị nke Osolobuẹ kẹti-kẹti, kẹni ụnụ a ghọsị ẹka-ọrụn Onyẹ hụn kpọpụha ụnụ imẹ ishi bu ụnụ che imẹ ukpẹ ẹ rịgbu enwẹn ẹ mma.

Samuẹlụ Nke Ibuzọ 12:24

Ka hụnn'a nị ụnụ a tụ egun Osolobuẹ lẹ nị ụnụ wechanrịn enwẹn ụnụ kwan'a. Rodẹ ni okẹn ihiẹn ndị hụ o mẹsọnmẹni ụnụ.