Jọnụ 4:10 - Ika

¹⁰ Jizọsị nọ sị a, “Omẹni i te marịn ihiẹn Osolobuẹ e ye lẹ onyẹ rị a sị ị, ‘Ye m mirin ra’, nkẹ y'a rịọ a, n'o ye i mirin hụn e ye ndụn.”

Jọnụ 4:10 Iomraidhean Croise

Ẹbụ-ọma 10:17

Euu Osolobuẹ, y'a nụgụọ ihiẹn ndị wẹ rị a bịangbu rịọ ị; y'a gba wẹ umẹ a gba; y'a nụ ẹkwan wẹ a nụ —

Ẹbụ-ọma 46:4

O nwọn iyi hụn mirin ẹ e mẹ wẹ a ghọghọ imẹ obodo Chuku, imẹ Ebẹhụ rị nsọ Onyẹ Kachanrịnnị bi.

Ọpụpụ 17:6

M k'e wuzo ebẹhụ, ihun ụnụ ile, ẹhụ ọmụma ahụn rị Horẹbụ. Fịan ọmụma ahụn ọkpọ hụ; mirin k'a gha imẹ ẹ pụha nị wẹ ra.” Ya Mozizi nọ nọ idẹnya ndị-ichẹn Izrẹlụ mẹ ẹrịra.

Ẹbụ Solomọnụ 4:15

Isi-mirin rị imẹ ugbo-obobo, mirin rị mma rị e huni, hụn gha Ugu Lẹbanọnụ e huhẹ.

Azaya 12:3

Ụnụ k'a rị a ghọghọ a dọrị nzụọpụha nọkẹ mirin imẹ ọmị nzụọpụha.

Azaya 35:6

Ndị ngụrọ k'a tụshimẹ elu kẹ ele; ndị odin k'e yimẹdẹ oro ịghọghọ! Isi-mirin k'e jun imẹ alị ọkpọ-nkụn mirin rịlẹni, iyi a rịsọnmẹ ẹ!

Azaya 42:6

ọ sị, “Mmẹ wụ Osolobuẹ kpọ ị ọkpụkpọnị furuni; m k'e kwọndọn i ẹka. M k'e dọnmẹ i, gi i họnrin onyẹ hụn mmẹ lẹ ndịnị gha ẹka a e mẹgbama, mẹ i wụrụzịkwọ ukpẹ ndị alị ọzọ

Azaya 43:20

Anụ-ọfịa e yedẹ m ọghọ — kẹ nkitẹ-ọfịa wụ jakalụ kẹ ozuzu-uku, makẹni m'e mẹ mirin a rị imẹ alị ọkpọ-nkụn, e mẹ iyi a pụhasọnmẹ alị te kpọchanrịn nkụn, hụn m gi e ye ndị nke m mirin, ndị m họrị,

Azaya 44:3

M jẹnkọ d'e hu mirin ye akpakalị ẹgụn mirin rị a gụn, mẹ iyi rịsọnmẹ alị mirin te rịlẹni; m k'e hu mmọn m kpu ụmụ ị, hu ngọzi m kpu ẹbozo i.

Azaya 49:10

Ẹgụn agụnkọ wẹ, ẹkpịrị akpọkọ wẹ nkụn, uwowo alị ọkpọ-nkụn emẹkọ wẹ, anwụn amakọ wẹ. Osolobuẹ hụn k'e mẹni wẹ omikẹn k'e du wẹ, du wẹ ghasọnmẹ ebe isi-mirin rị.

Azaya 9:6

Makẹni a mụgụọnị wẹ ẹnyi nwa, e yegụọ wẹ ẹnyi nwa-okẹnnyẹ; ịya jẹnkọ d'a kị. Wẹ k'a kpọ a Onyẹ-ndụnmọdụn Hụn Pụ-ichẹn, Chuku Hụn wụ Dikẹn, Nẹdi Itẹbitẹ, Eze-Udọn.

Jerimaya 2:13

“Ndị nke m e mẹọlẹ njọ ẹbụọ: a latọgụọ wẹ m, mmẹ hụn wụ isi-mirin e ye ndụn; e gurusọnmẹgụọ wẹ ọmị, ọmị gbawanị ghalẹni e che mirin.

Izikẹlụ 16:35

“ ‘Yụ wụ ịgbaraja, gọn nwan ntịn ihiẹn Osolobuẹ rị e ku!

Zẹkaraya 13:1

O ru ogẹn hụ, isi-mirin hụn a chanchanpụ njọ lẹ ụrụ k'e kpupụnị ebọn Defidi lẹ ndị bi Jerusalẹm.

Zẹkaraya 14:8

O ru ogẹn ahụn, mirin e ye ndụn k'a gha Jerusalẹm e hupụha: azụụn ohu k'a rị e hushi Ohimin rị ẹbamịn ọwụwa-ẹnyanwụn, azụụn ohu e hushi Ohimin rị ẹbamịn ọdịdan-ẹnyanwụn. O hubehikọ, kẹ ọhọhị kẹ udu-mirin.

Luku 11:13

O mẹ nwan nị ụnụ ndị-njọ ma ye ụmụ ụnụ ihiẹn rị mma, nanị Nẹdi ahụn rị elu-igwee k'e yehan ndị rịọ a Mmọn-nsọ? O yekarịkọ ụnụ?”

Jọnụ 16:3

Wẹ jẹnkọ d'e mẹ ẹ makẹlẹ amarịn wẹ Chuku-Nẹdi, amarịn wẹ m.

Jọnụ 17:3

Ọnwan wụ ndụn itẹbitẹ: ịmarịnn'ị, Chuku hụn ya sụọ wụ Chuku nke-esi lẹ ịmarịn Jizọsị Kraịstị hụn i zihẹ.

Jọnụ 3:16

“Makẹni Osolobuẹ nwọn ihiẹn-ọsụsụọ ndị rị ụwa ọda-ọda, ya haịn o gi we akpụ Nwa ohu o nwọn ye, n'ọ wụrụ nị onyẹ ọwụlẹ kwerinin'ẹ alakọ iwi, kama o nwọn ndụn itẹbitẹ.

Jọnụ 4:14

Kanị onyẹ ra mirin m jẹnkọ d'e ye ẹ, onwọnni ogẹn ẹgụn mirin e gizi gụn a elu-ụwanị, mirin hụ k'e họnrindẹ isi-mirin imẹ hụnyẹ, a mụpụhan'a ndụn itẹbitẹ.”

Jọnụ 6:35

Jizọsị nọ sị wẹ, “Mmẹ wụ brẹdi hụn e ye ndụn. Onyẹ bịa d'e kunrunni m, ẹgụn agụnkọ a; onyẹ kwerinini m, ẹgụn mirin agụnkọ a.

Jọnụ 6:51

Mmẹ wụ brẹdi hụ rị ndụn hụn gha elu-igwee bịa. Onyẹ hụn ri brẹdini jẹnkọ d'a rị ndụn jẹnrin ejẹn. Ẹhụ m wụ brẹdi hụ m jẹnkọ d'e ye kẹni ndị rị ụwa rị ndụn.”

Ọrụn Ndị-ozi 9:11

Di-nwọnni-ẹnyi nọ sị a, “Lihi n'i jẹn Ọgbara-ogbe ahụn w'a kpọ Streti. I ru iwe Judasị, y'a jụ ukwere onyẹ Tasọsụ ẹfan a wụ Sọlụ. Ọ rị e mẹ ekpere kikẹnni,

Ndị Rom 8:32

Omẹni Osolobuẹ etuni nị Nwa a rọ, kama, o gi ufiri ẹnyi ile we ẹ ye, o yechanrịnkọ ẹnyi ihiẹn ndị ọzọ ile?

Ndị Kọrẹntị Ibuzọ 1:30

Osolobuẹ mẹ ụnụ gi nwan rị imẹ Kraịstị Jizọsị hụn wụ nwan amamihiẹn ẹnyi gha ẹka Osolobuẹ bịa lẹ ezi-omumẹ ẹnyi lẹ onyẹ ẹnyi gi rị nsọ lẹ onyẹ nzụọpụha ẹnyi.

Ndị Kọrẹntị Ibuzọ 10:4

wẹ ile a razịghọ ihiẹn-ọrịra hụ Osolobuẹ zihẹni wẹ, makẹni wẹ ra mirin pụha imẹ ọmụma ahụn nwọnlẹni ebe o gha bịa sọnkọnị wẹ. Ọmụma hụ wụ Kraịstị.

Ndị Kọrẹntị Nke Ẹbụọ 9:15

Ekele ya rịnị Osolobuẹ o gi ye oyiye ọnụ ịhịan ghalẹni a saẹka a kọwa!

Ndị Ẹfẹsọsụ 2:8

ẹfọma haịn Osolobuẹ gi gi okukwe ụnụ zụọpụha ụnụ, ẹlẹ ụnụ gi ẹka ụnụ mẹ ẹ, ihiẹn Chuku ye ọfẹ rọ —

Hibru 6:4

Makẹni, oghere w'e gi wekinhẹn ịhịan d'e rogharịzị arịa, omẹni Osolobuẹ e te shịapụgụọ a ẹnya, ọ danmịngụ oyiye elu-igwee, Mmọn-nsọ e rugụ a ẹka;

Jọnụ Ibuzọ 5:20

Ẹnyi a marịnghọ nị Nwa Osolobuẹ a bịagụọ, n'o yegụọ ẹnyi nghọta hụn ẹnyi e gi marịn onyẹ ahụn wụ Ezioku. Ẹnyi rị nwan imẹ onyẹ ahụn wụ Ezioku lẹ Nwa a wụ Jesu Kristi. Ịya wụ Osolobuẹ nke-esi lẹ ndụn-itẹbitẹ.

Rẹvẹleshọnụ 21:6

Ya ọ nọ sị m, “O mẹgụọ! Mmẹ wụ Ibuzọ lẹ Ikpanzụụn, Mbidọn lẹ Ọgụgụ. Onyẹ ọwụlẹ ẹgụn-mirin rị a gụn, m k'a gha isi-mirin e ye ndụn ye ẹ mirin ọfẹ.

Rẹvẹleshọnụ 22:17

Mmọn-nsọ lẹ okpoho hụ ya lẹ Jesu jẹnkọ d'a gba ẹkụkwọ sị, “Bịa!” Onyẹ ọwụlẹ nụnị ya sịzị, “Bịa!” Onyẹ ọwụlẹ ẹgụn-mirin rị a gụn ya bịa! Onyẹ ọwụlẹ chọnị, ya weri mirin ahụn e ye ndụn, ya weri ẹ ọfẹ ra.

Rẹvẹleshọnụ 7:17

Makẹni Nwa-ebulu ahụn rị etintinnaị ebẹhụ ukpo hụ rị k'a wụrụ onyẹ-ndu wẹ: o k'e du wẹ shi isi-mirin mirin e ye ndụn. Chuku jẹnkọ d'e finchanpụ wẹ ẹnya-mirin ile.”