6 Hụn ịhịan mụ wụ ịhịan; hụn Mmọn-nsọ mụ wụ nke imẹ-mmọn.
Ogẹn Adam gi rị ahụa iri kwasị ọgụn-isin, ọ nọ mụ okẹnnyẹ hụn yin'ẹ, ọ gụn a “Sẹtị”.
Osolobuẹ a hụngụọ a nị ụwa rụ arụ, makẹni ịhịan ile a mẹrụchanrịngụọ enwẹn wẹ imẹ ụwa.
Osolobuẹ a hụn a nị eje-ihiẹn hụn rị imẹ ịhịan rị a waye elu-ụwa lẹni eje-ihiẹn kẹ w'e ro ogẹn ile,
Onyẹ k'a s'ẹka nọ ihiẹn rụnị wepụha ihiẹn rụlẹni? Onwọnni!
Nanị kẹ ịhịan e dọn nwan s'ẹka rị ọchan ẹnya Chuku? Nanị kẹ ịhịan okpoho mụ a dọn nwan s'ẹka rị ọchan?
Dodo Osolobuẹ, ke obi rị ọchan ye imẹ m, y'e yezi m obi m gi a s'ẹka e turu.
ẹlẹ ịhịan mụ wẹ; egini wẹ uche ịhịan mụ wẹ, onwọnni okẹnnyẹ han wẹ mụ wẹ, kama, Osolobuẹ mụ wẹ.
Y'a tụlẹ i ẹnya nị m sị, ‘Wẹ sikọ d'a mụdọnzigụrịrị ụnụ.’
Makẹni, a marịnghọ m n'o nwọnni kaka akpụ ihiẹn ohu rị mma imẹ m, imẹ mmẹ wụ ịhịan-mmaka. Makẹni, m'a chọ nị m mẹ ihiẹn rị mma, kanị, m'a ra saẹka mẹ ẹ.
Ekele ya rịnị Osolobuẹ n'o jẹnkọ d'e mẹ ẹ ghahanị Di-nwọnni-ẹnyi wụ Jesu Kristi! Kẹ ihiẹn nọ nwan wụ nị: k'ọ rị m, e sọn m Iwu Osolobuẹ; kanị, kẹ m nọ, iwu njọ kẹ m'e sọn.
Makẹni, ogẹn ahụn enwẹn ẹnyi gi rị a kị ẹnyi, eje-ihiẹn ndị ahụn Iwu kpọtiẹn rị ọrụn mkpamkpa ẹhụ ẹnyi, a mịnị ọnwụn mkpụrụ.
Makẹni, ụnụ bimẹ kẹ ịhịan-mmaka, ụnụ k'a nwụnhụnrịrị. Kanị, ụnụ gi isọn Mmọn-nsọ gbupụ eje-ihiẹn ndị ahụn ẹhụ e mẹ, ụnụ k'a rị ndụn.
Kanị, onyẹ hụn we enwẹn ẹ cheni Di-nwọnni-ẹnyi lẹ Di-nwọnni-ẹnyi e họnringụọ ohu imẹ-mmọn.
Ya wụ, onyẹ rị imẹ Kraịstị a wụrụọlẹ onyẹ wẹ kedọnzi; ihiẹn akan a gharịgụọ; lee ẹ, ihiẹn ile e họnringụọ nke ọhụn!
Ndị hụn wụ nke Kraịstị Jizọsị a kpọgbugụọ ịhịan-mmaka wẹ te wụ lẹ ihiẹn a gụnn'a lẹ ihiẹn a sụọn'a elu obe Kraịstị.
Eziẹ, ẹnyi ile e te bi k'ọ sụọ ẹnyi nọkẹ wẹ, e mẹ kẹ ẹhụ ẹnyi lẹ obi ẹnyi chọ. Iwe-lẹ-ọnụma Osolobuẹ te hụ e che ẹnyi nọkẹ ndị ọzọ ile.
Imẹ Kraịstị, a kwagụọ wẹ ụnụ ezigbo ugun hụn wẹ gilẹni ẹka kwa — ghahanị ibepụ onyẹ ahụn ẹnyi te wụ, ịkwa-ugun hụn wụ nke Kraịstị.
Onwọnni onyẹ Osolobuẹ mụ e mẹ njọ. Makẹni, mkpụrụ Osolobuẹ rị imẹ hụnyẹ. Ọ sakọ ẹka mẹ njọ, makẹni Osolobuẹ mụ a.
