Jọnụ 3:29 - Ika

²⁹ Onyẹ rị a lụ okpoho nwọn okpoho ahụn ọ rị a lụ. Ọwụ a wuzohụ ẹhụ a, a ghọghọ n'ọ rị a nụ olu ẹ. Ịghọghọ m e zuọlẹ nwan oke.

Jọnụ 3:29 Iomraidhean Croise

Ẹbụ Solomọnụ 3:11

Ịgbagba Zayọnụ, pụha nị-o! D'e lee ni Eze Solomọnụ lẹ okpu-eze hụn nnẹ ẹ kpumẹ ẹ ụhụọhịn ọ gba ẹhụhụọ, ụhụọhịn obi sụọ a ụsụọ!!

Ẹbụ Solomọnụ 5:1

A banhangụọ m imẹ ugbo-obobo m, nwẹnẹ m, nwunyẹ m; a kparịgụọ m maa m lẹ ihiẹn m ndị-ọzọ e kun ọhụnma. E rigụọ m ọgba-ẹnwụn m lẹ mirin-ẹnwụn m; a ragụọ m manya m lẹ mirin-ẹran m. E ri ni-o ndị ọwụ ẹnyi; a ra nị-o; ndị rị a sụọnị, rajun ni ẹfọ-o!

Azaya 54:5

Makẹni Chuku hụn ken'i, ịya wụ di i — ẹfan a wụ Osolobuẹ ihiẹn ile rị okpuru ẹ; ẹghẹẹ, Onyẹ-nsọ alị Izrẹlụ wụ onyẹ a gbapụhan'ị; Chuku ụwa ile kẹ wẹ a kpọ a.

Azaya 66:11

Makẹni ụnụ k'a ra ẹran, rajun ẹfọ, ẹran a hụn wẹ gi a hụhụ ịhịan kẹ nwa; ụnụ k'a ra a ọda-ọda, ẹran a hụn a gba ọda-ọda a sụọgbu ụnụ.”

Jerimaya 2:2

“Jẹn d'a hị ihiẹnni nị ndị Jerusalẹm nụ a: Lee ni ihiẹn Osolobuẹ ku: ‘A nyanhan m kẹ ụnụ dọn wechanrịn enwẹn ụnụ kwanị m kẹ ụnụ rị okoro, kẹ ihiẹn m dọn sụọ ụnụ lekẹ nwunyẹ m lụ nke ọhụn, ụnụ nọ kweri sọn m gha imẹ atụ, alị wẹ kụnlẹni ihiẹn ọwụlẹ.

Izikẹlụ 16:8

“ ‘Kẹ m ghafekọzị ebe ị rị, m nọ hụn nị y'e rugụọ nwagbọọ. M nọ setịnpụ ẹwuru m yi, kpumẹ i, kpumẹ ọtọ ị; m nọ kwe i nkwa, gi ẹ kwọngbama mmẹ lẹ yụ. Ịya kẹ mmẹ wụ Osolobuẹ Nwọn Ihiẹn Ile ku. Ẹrịra k'ị dọnmẹ họnrin nke m.

Hosia 2:19

E mẹ m'i wụrụ nwunyẹ m jẹnrin ejẹn ghahanị ezi-omumẹ lẹ imẹ ihiẹn furuni ghahanị ihiẹn-ọsụsụọ lẹ omikẹn.

Matiu 22:2

“Alị-eze elu-igwee nọ kẹ ebe eze ohu nọ kpọnị nwa a oriri-agbamẹkụkwọ.

Matiu 25:1

“Ogẹn ikpanzụụn ahụn, ihiẹn jẹnkọ d'e mẹ imẹ Alị-eze elu-igwee jẹnkọ d'a nọ kẹ ebe ịgbagba iri nọ weri ukpẹ wẹ jẹnmẹ d'a nabanhan okẹnnyẹ lala d'a gba ẹkụkwọ.

Matiu 9:15

Jizọsị nọ za wẹ, sị, “Ndị bịa agbamẹkụkwọ a kwandẹ nwan ẹkwan ebe okẹnnyẹ rị a gba ẹkụkwọ rị a ra? Ogẹn lala hụn wẹ e gi wepụ a imẹ igunrun wẹ; o ru ogẹn hụ, e bumẹ wẹ ọnụ.”

Luku 15:6

o ru ụlọ, ọ kpọgbama ndị ọwụ a lẹ ndị bikunmẹn'ẹ, sị wẹ, ‘Sọn ni m ghọghọ, ni a hụngụọ m atụnrụn m tuhuni.’

Jọnụ 15:11

A gwatọgụọ m ụnụ ihiẹn ndịnị, kẹni ụnụ nwọn ịghọghọ m lẹni ụnụ nwọn ịghọghọ nwọnzu ẹ.

Jọnụ 16:24

D'e rukwọ nwan ogẹnni, ụnụ egituni ẹfan m rịọ ihiẹn ọwụlẹ; rịọ nị, ụnụ jẹnkọ d'e nwọnhẹn, kẹni ịghọghọ ụnụ zu oke.

Jọnụ 17:13

Kanị, m burula ị nwan; m rị e ku ihiẹn ndịnị imẹ ụwa kẹni wẹ nwọn ịghọghọ m imẹ ndụn wẹ, nwọnzu ẹ.

Jọnụ 3:30

Kraịstị k'a gha a waye; mmẹ nwẹn k'a gha e belụa.

Ndị Kọrẹntị Nke Ẹbụọ 11:2

Ẹnya hụn a fụ Osolobuẹ rị a fụ m makẹ ọnọdị ụnụ. Ụnụ wụ nwagbọọ m kwe okẹnnyẹ ohu sụọ nkwa. Okẹnnyẹ ahụn wụ Kraịstị. M kwe ẹ nkwa nị m jẹnkọ d'e we ụnụ ye ẹ ebe ụnụ kelẹni marịn okẹnnyẹ.

Ndị Filipi 2:2

mẹ ni nwan ịghọghọ m zu oke. Mẹ n'ẹ ghahanị iro ihiẹn ohu, inwọntarị ihiẹn-ọsụsụọ, ikwerigbamanị, ịchụ ihiẹn ohu.

Jọnụ Ibuzọ 1:4

Ẹnyi rị e de ihiẹn ndịnị kẹni ịghọghọ ẹnyi ile hụn ụzọ zu oke.

Jọnụ Nke Ẹbụọ 1:12

M nwọn ihiẹn bu ọda nkẹ m'e deni ụnụ, kanị ẹlẹ hụn m k'e de. Kama, m rị a tụ ẹnya nị m k'a bịa d'a hụndẹ ụnụ, ẹnyi e ku elee-m, elee-i, kẹni ịghọghọ ẹnyi ile hụn ụzọ zu oke.

Rẹvẹleshọnụ 21:9

Ya kẹ mmọn-ozi ohu imẹ wẹ ẹsa ahụn bu afẹrẹ afụnfụn ikpanzụụn ẹsa nọ bịa, sị m, “Bịa: m k'a ghọsị ị onyẹ hụ ya lẹ Nwa-ebulu hụ jẹnkọ d'a gba ẹkụkwọ, nwunyẹ Nwa-ebulu hụ.”