Jọnụ 3:15 - Ika

¹⁵ kẹni onyẹ ọwụlẹ hụn kwerinin'ẹ hụn ụzọ nwọn ndụn itẹbitẹ.

Jọnụ 3:15 Iomraidhean Croise

Azaya 11:10

Ogẹn hụ, Mkpọgụn Jese ahụn jẹnkọ d'e suepụhanị k'a wụrụnị alị ichẹn-ichẹn ahịma wẹ tumẹni wẹ hụn w'e gi e dọn ẹnya; ndị alị ichẹn-ichẹn jẹnkọ d'e buruhẹ ẹ, ebe o bi jẹnkọ d'e nwọn ọghọ ọda-ọda.

Azaya 45:22

Buruhẹ nị m nwan nị m zụọpụha ụnụ, ndị ile rị elu-ụwa! Makẹni, mmẹ wụ Chuku, ọzọ arịa.

Ọgụngụn 21:9

Ya Mozizi nọ gi igwe-ụda kpụ agwọ, zumẹ ihiẹn, kọn agwọ hụ ye elu ẹ. Onyẹ ọwụlẹ agwọ ta weshi ẹnya elu lee agwọ igwe-ụda hụ, ọ rị ndụn.

Matiu 18:10

“Hụn n'a nị ụnụ elegberini hụn ọwụlẹ imẹ ndị ntanị kwerinini m. Makẹni, m rị a gwa ụnụ, ndị mmọn-ozi wẹ rị ihun Nẹdi m rị elu-igwee e lee ihun ẹ ogẹn ile.

Matiu 25:46

Ogẹn ahụn, e shi wẹ d'a tama afụnfụn itẹbitẹ, kanị ndị ezi-omumẹ e shi ndụn itẹbitẹ.”

Makị 16:16

Onyẹ hụn kwerini, e mẹ wẹ ẹ mirin-Chuku, jẹnkọ d'e nwọn nzụọpụha; kalẹ, onyẹ kwerilẹni, ikpe jẹnkọ d'a ma a.

Luku 19:10

Nwa nke Ịhịan bịa d'a chọ ndị tuhuni kẹn'ọ zụọpụha wẹ.”

Jọnụ 1:12

Kanị, ndị ile nabanhann'a, ndị ile kwerinin'ẹ, o ye wẹ ikẹn nị wẹ wụrụ ụmụ Osolobuẹ:

Jọnụ 16:33

A gwagụọ m ụnụ ihiẹn ndịnị kẹni obi gi ufiri m ru ụnụ alị. Imẹ ụwa, ụnụ jẹnkọ d'e nwọn nsọngbu; ka kwọndọn ni obi ụnụ, n'e mẹrigụọ m ụwa!”

Jọnụ 20:31

Kanị, wẹ deye ndịnị kẹni ụnụ hụn ụzọ kweri nị Jesu wụ Kraịstị (hụn wụ Onyẹ Nzụọpụha Hụ Osolobuẹ Tumẹ), Nwa Osolobuẹ, kẹni ụnụ gi ẹfan a nwọn ndụn ghahanị okweri ụnụ kwerin'ẹ.

Jọnụ 3:16

“Makẹni Osolobuẹ nwọn ihiẹn-ọsụsụọ ndị rị ụwa ọda-ọda, ya haịn o gi we akpụ Nwa ohu o nwọn ye, n'ọ wụrụ nị onyẹ ọwụlẹ kwerinin'ẹ alakọ iwi, kama o nwọn ndụn itẹbitẹ.

Jọnụ 3:36

Onyẹ hụn kwerini Nwa Osolobuẹ nwọn ndụn itẹbitẹ; onyẹ kwerilẹnini Nwa Osolobuẹ ahụnkọ ndụn; kama, iwe-lẹ-ọnụma kẹ Osolobuẹ k'e gi sọn ẹ.”

Jọnụ 5:24

“M rị a gwa ụnụ ezioku, nị onyẹ nụ oku m kweyeni onyẹ zihẹni m, hụnyẹ e nwọngụọ ndụn itẹbitẹ. Amakọ w'a ikpe, kama, ọ ghagụọdẹ ọnwụn banye ndụn.

Jọnụ 6:27

Egizilẹ ni ufiri ihiẹn-oriri e wiwini a rụngbu enwẹn ụnụ, kanị ihiẹn-oriri hụn sikọ d'a rị jẹnrin ejẹn, e ye ndụn itẹbitẹ, ihiẹn-oriri ahụn Nwa nke Ịhịan jẹnkọ d'e ye ụnụ, makẹni Nwa nke Ịhịan kẹ Chuku-Nẹdi tumẹ.”

Jọnụ 6:40

uche Nẹdi m wụ nị onyẹ hụn Nwa, kwerin'ẹ, jẹnkọ d'e nwọn ndụn itẹbitẹ; m sikọ d'e weli ẹ Ụhụọhịn ikpanzụụn.”

Jọnụ 6:47

Ezioku kẹ m rị a gwa ụnụ, onyẹ ọwụlẹ kwerini e nwọngụọ ndụn itẹbitẹ.

Ọrụn Ndị-ozi 13:41

‘Ndị-nlelịa, lee n'ẹ! Y'a tụ ụnụ ẹnya, gbu ụnụ la iwi — makẹni o nwọn ihiẹn m rị e mẹ ogẹn nke ụnụ, ihiẹn ụnụ jẹnkọlẹni d'e kweri, kẹ wẹ gwalẹ ụnụ ru.’ ”

Ọrụn Ndị-ozi 8:36

E jẹnbe wẹ, wẹ nọ hụn mirin; okẹn-okporo hụ nọ sị, “Lee mirin ebeni! Kị k'a han m emẹlẹ mirin-Chuku?”

Ndị Rom 5:21

n'ọ wụrụ nị kẹ njọ dọn gi ọnwụn kị ẹrịra kẹ ẹfọma Osolobuẹ k'e dọnzi gi ezi-omumẹ ọ rị e ye ịhịan kị — gi ẹrịra mẹ ịhịan nwọnhẹn ndụn-itẹbitẹ ghahanị Di-nwọnni-ẹnyi wụ Jizọs Kraịstị.

Ndị Kọrẹntị Ibuzọ 1:18

Makẹni, ozi ọnwụn hụn Kraịstị nwụn elu obe wụ nzuzu ẹnya ndị lakọ ntikpọ; kanị ebe ẹnyi nwẹn ndị Osolobuẹ rị a zụọpụha rị, ikẹn Osolobuẹ rọ.

Ndị Kọrẹntị Nke Ẹbụọ 4:3

Omẹni echẹn kẹ oziọma ẹnyi rị e zi zueri ezueri, ndị rị a la iwi sụọ k'o zueri ẹnya.

Ndị Galeshịa 2:16

Bụ ẹnyi a marịnghọ nị ẹlẹ Iwu ịhịan dọnmẹ kẹ Osolobuẹ gi e kun'ẹ ọhụnma, kanị ikwerini Jesu Kristi, gi ẹ e dọn ẹnya. Ẹnyi lẹ enwẹn ẹnyi e kwerigụọ nị nwan Jesu Kristi, kẹni Osolobuẹ gi ọhụn kuni ẹnyi ọhụnma ẹlẹ nị ẹnyi e dọnmẹ Iwu Mozizi. Makẹni, onwọnni onyẹ Osolobuẹ k'e kuni ọhụnma makẹni o dọnmẹ Iwu.

Ndị Galeshịa 2:20

A kpọgbugụọ wẹ mmẹ lẹ Kraịstị elu obe Kraịstị. Ẹlẹzi mmẹ rị ndụn, Kraịstị rị nwan ndụn imẹ m. Ndụnnị m rị nwan e bi imẹ ẹhụ, m rị e bi ẹ ghahanị igi Nwa Osolobuẹ e dọn ẹnya, onyẹ hụn nwọn ihiẹn-ọsụsụọ m, gi ufiri m we enwẹn ẹ ye.

Hibru 10:39

Kanị, ẹnyi arị ndị e seri isi wẹ, gi ẹrịra tuhu, kanị ndị e kwerisọnmẹni d'e ru ni e nwọnhẹn wẹ nzụọpụha.

Hibru 7:25

Ufiri ẹ, k'o gi a sa ẹka a zụọpụha ndị ghaha ẹka a d'e kunrun Osolobuẹ, a zụọpụha wẹ d'e ru isi ẹ, makẹni ọ rịsọnmẹ ndụn, a rịọdọnni wẹ Osolobuẹ.

Jọnụ Ibuzọ 2:25

o kweọlẹ ẹnyi nkwa ndụn itẹbitẹ.

Jọnụ Ibuzọ 5:1

Onyẹ kweri nị Jisọzị wụ Kraịstị, hụnyẹ wụ nwa Osolobuẹ; onyẹ ọwụlẹ nwọn ihiẹn-ọsụsụọ nẹdi, nwọnzikwọ ihiẹn-ọsụsụọ onyẹ hụn ọ mụ.

Jọnụ Ibuzọ 5:20

Ẹnyi a marịnghọ nị Nwa Osolobuẹ a bịagụọ, n'o yegụọ ẹnyi nghọta hụn ẹnyi e gi marịn onyẹ ahụn wụ Ezioku. Ẹnyi rị nwan imẹ onyẹ ahụn wụ Ezioku lẹ Nwa a wụ Jesu Kristi. Ịya wụ Osolobuẹ nke-esi lẹ ndụn-itẹbitẹ.