Jọnụ 3:13 - Ika

¹³ Onwọnni onyẹ jẹntu elu-igwee wezụka onyẹ hụn gha elu-igwee bịa — mmẹ Nwa nke Ịhịan.

Jọnụ 3:13 Iomraidhean Croise

Itẹn 30:4

Onyẹ jẹntu elu-igwee hidan? Onyẹ gitu ẹka kpọnrin ufere? Onyẹ gitu mgburu ẹ fụma mirin rị igwere? Onyẹ mẹ ụwa ru ebe ile o ru? Kị wụ ẹfan a lẹ ẹfan nwa a? Gwa m — omẹni y'a marịnghọ!

Matiu 28:20

Kuzi ni wẹ, nị wẹ e mẹ ihiẹn ile m sị ụnụ mẹ. Eziẹ, m nọyeni ụnụ ogẹn ile d'e ru ọgụgụ-ogẹn.”

Matiu 8:20

Jizọsị nọ sị, “Ufu nwọn okporo ọ rụban; nnụnụ e fe elu nwọn ẹkụụ; kanị mmẹ Nwa nke Ịhịan enwọn ebe m'e buche isi.”

Jọnụ 1:18

Onwọnni onyẹ hụntu Osolobuẹ, kanị akpụ Nwa ohu ọ mụ sụọ, hụn wụ Osolobuẹ, hụn ya lẹ Nẹdi ẹ rị, e mẹgụọ ẹnyi marịn Osolobuẹ.

Jọnụ 13:3

Jizọsị a marịngụọ nị Chuku-Nẹdi e bugụọ ihiẹn ile che ẹ ẹka; ọ marịnghọ nị ebe Chuku-Nẹdi rị k'ọ gha bịa lẹni Chuku-Nẹdi k'ọ laburukọ:

Jọnụ 17:5

Baba, yezi m nwan ọghọ ebe ị rị, ọghọ hụ m nwọn ebe ị rị nị ụwa d'e bidọn.

Jọnụ 3:12

M hụ e gi ihiẹn rị elu-ụwa a gwa ụnụ oku, ụnụ egini ẹ dọn, m gi ihiẹn rị elu-igwee gwa ụnụ oku, nanị ụnụ a dọn gi ẹ dọn?

Jọnụ 3:31

“Onyẹ gha elu-igwee bịa ka ịhịan ile; onyẹ gha elu-ụwa bịa gha elu-ụwa bịa, o ku oku ihiẹn rị elu-ụwa. Hụn gha elu-igwee bịa ka ịhịan ile.

Jọnụ 6:33

Makẹni brẹdi Osolobuẹ wụ onyẹ hụ gha elu-igwee bịa, hụn rị e ye ụwa ndụn.”

Jọnụ 6:38

Makẹni, aghanị m elu-igwee bịa d'e mẹ uche m, kanị uche onyẹ hụn zihẹni m.

Jọnụ 6:42

Wẹ hụ a sị, “Ẹlẹ Jesu nwa Josẹfụ wụ ọnwan, hụn ẹnyi marịn ndị mụn'a? Nanị o dọn nwan a sị, ‘M gha elu-igwee bịa?’ ”

Jọnụ 6:46

Ẹlẹ n'o nwọn onyẹ hụntu Chuku-Nẹdi wezụka onyẹ ahụn gha ebe ọ rị bịa; ịya sụọ hụntu Chuku-Nẹdi.

Jọnụ 6:51

Mmẹ wụ brẹdi hụ rị ndụn hụn gha elu-igwee bịa. Onyẹ hụn ri brẹdini jẹnkọ d'a rị ndụn jẹnrin ejẹn. Ẹhụ m wụ brẹdi hụ m jẹnkọ d'e ye kẹni ndị rị ụwa rị ndụn.”

Jọnụ 6:62

Kị ụnụ k'e mẹzi nwan ụnụ hụn Nwa nke Ịhịan k'ọ lakọ elu-igwee ọ rị mbụ?

Jọnụ 8:42

Jizọsị nọ sị wẹ, “Omẹni Osolobuẹ te wụ Nẹdi ụnụ, nkẹ ihiẹn m a sụọ ụnụ, makẹni m gha ẹka Osolobuẹ bịa; ịya mẹ m nwan rị ebeni. Ẹlẹ mmẹ gi ihiẹn ẹka m bịa, ịya zihẹ m.

Ọrụn Ndị-ozi 2:34

Makẹni Defidi aghanị ọnwụn lihi lashi elu-igwee, kama ya lẹ enwẹn ẹ e kughọd'a, sị, ‘Di-nwọnni-ẹnyi sị Di-nwọnni m, “Nọdị alị ẹka-nni m,

Ọrụn Ndị-ozi 20:28

Lepụ nị nwan enwẹn ụnụ lẹ igunrun atụnrụn Mmọn-nsọ buche ụnụ ẹka ẹnya. O tumẹgụọ ụnụ ndị-ndu kẹni ụnụ du ụka Osolobuẹ, hụn Osolobuẹ gi ẹdeke ẹ nwọnhẹn.

Ndị Rom 10:6

Kanị, nke ezi-omumẹ wẹ gi okukwe e nwọnhẹn, ihiẹn Ẹkụkwọ-nsọ ku wụ, “Ajụlẹ ni enwẹn ụnụ kẹ ‘Onyẹ k'e jẹn nwan elu-igwee?’ (Ya wụ, kẹni o d'e wẹhẹ Kraịstị)

Ndị Kọrẹntị Ibuzọ 15:47

Onyẹ ibuzọ hụ gha ụwanị bịa, onyẹ wẹ gi ẹjan mẹmẹ rọ; hụn-ẹbọ gha elu-igwee bịa.

Ndị Ẹfẹsọsụ 1:23

Ụka wụ ẹhụ a; imẹ ụka kẹ ihiẹn ile banyen'ẹ rị; ya lẹ enwẹn ẹ wụ onyẹ hụn rị ebe ile, hụn e mẹ ihiẹn ile e zu oke.

Ditrọnọmi 30:12

Ẹlẹ elu-igwere k'ọ rị, hụn ụnụ e gi jụma, “Onyẹ jẹnkọ elu-igwere d'e wẹhẹ ẹ d'a gwa ẹnyi, kẹni ẹnyi mẹ ẹ?”