Jọnụ 21:19 - Ika

¹⁹ (Jesu gi ihiẹnni o ku ghọsị ụdị ọnwụn Pita jẹnkọ d'a nwụn gi wẹhẹni Osolobuẹ ọghọ). Jesu e kugụ ihiẹnni, ọ nọ sị Pita, “Sọnmẹ m!”

Jọnụ 21:19 Iomraidhean Croise

Ọgụngụn 14:24

“Kanị, makẹni odibo m wụ Kalẹbụ nwọn agụngụn ichẹn, e gi obi ẹ ile e sọn m, m sikọ d'e weban a imẹ alị ahụn o jẹn, ebozo a k'e nwọnrin ẹ.

Matiu 10:38

Onyẹ hụn burulẹni obe ẹ sọnmẹ m e furuni m.

Matiu 19:28

Jizọsị nọ sị wẹ, “M rị a gwa ụnụ ezioku, ụwa ọhụn lalanị, ogẹn hụ Nwa nke Ịhịan k'a nọdị okẹn ukpo ẹ, ụnụ ndị hụn sọnni m sikọ d'a nọdịsọnmẹ ukpo mmẹbụọ, a hannị ebọn mmẹbụọ Izrẹlụ eṅẹn.

Matiu 8:22

Kanị Jizọsị nọ sị a, “Sọnmẹ m; hapụ ndị nwụnhụnnị nị wẹ li ndị nke wẹ nwụnhụnnị.”

Jọnụ 12:26

Onyẹ chọ n'ọ gbanị m odibo ya sọnmẹ m, nị ebe m rị kẹ odibo m k'a rị; Nẹdi m jẹnkọ d'e ye onyẹ k'a gbanị m odibo ọghọ.

Jọnụ 12:33

Jesu gi ihiẹnni o ku ghọsị ụdị ọnwụn o jẹnkọ d'a nwụn.

Jọnụ 18:32

(Hụnnị kẹ oku Jesu gi bụn — oku o gi ghọsị ụdị ọnwụn o jẹnkọ d'a nwụn.)

Jọnụ 21:18

M rị a gwa ị ezioku, ebe ị rị okoro, y'e kọnrin, e jẹn ebe ọwụlẹ sụọn'ị; kanị ị kagụ ẹgẹdi, i jẹnkọ d'a tịnpụ ẹka ị, ndị ọzọ e yimẹ i ẹwuru i, we i shi ebe i chọlẹni n'i jẹn.”

Jọnụ 21:22

Jizọsị nọ sị a, “Omẹni m chọ n'ọ rị ndụn d'e ru mgbe m bịa, ele hụn biri i? Sọnmẹ m!”

Ndị Filipi 1:20

M nwọn olilẹnya ọda-ọda nị egikọ m egun mẹ ihiẹn ifẹnrẹn e gi mẹ m; kama, nị m k'e kuzi oku Kraịstị kikẹnni, kushi ẹ ikẹn kẹ m dọn e ku ẹ mbụ, gi ẹhụ m buli Kraịstị elu, omẹni ịrịn'a ndụn rọ, omẹni ịnwụnn'a ọnwụn rọ.

Pita Nke Ẹbụọ 1:14

Makẹni, a marịngụọ m nị ogẹn m'e gi nwụnhụn gbụpụ ẹhụnị, a rịgụọ nsue, rịkẹ kẹ Di-nwọnni-ẹnyi wụ Jesu Kristi dọn ghọsị m.

Samuẹlụ Nke Ibuzọ 12:20

Samuẹlụ nọ sị wẹ, “Atụlẹ ni egun. Eziẹ rọ nị ụnụ e mẹgụọ eje-ihiẹnni ile; k'a latọlẹ ni Osolobuẹ, gi ni obi ọnụ ile fe Osolobuẹ.