Jọnụ 21:15 - Ika

¹⁵ Ogẹn wẹ gi rigụ ihiẹn-oriri ụtụntụn ahụn, Jesu nọ sị Saịmọnụ wụ Pita, “Saịmọnụ nwa Jọnụ, ihiẹn m a sụọghọ ị karị ndịnị?” Ọ nọ za, sị, “Ẹghẹẹ Di-nwọnni-ẹnyi, y'a marịnghọ nị ihiẹn i a sụọghọ m.” Jesu nọ sị a, “Lepụ ụmụ-atụnrụn m ẹnya.”

Jọnụ 21:15 Iomraidhean Croise

Jẹnẹsisi 33:13

Kanị Jekọpụ nọ sị a, “Diọkpa, y'a marịngụọ nị ụmụ-ẹkanị mmẹ lẹ wẹ wị e mẹkẹ kịrị-kịrị; nị m jẹnkọ d'a rị e leban ewu lẹ atụnrụn lẹ efin ndịnị kị ụmụ mirin-mirin ẹnya. Wẹ gihụ ikẹn kị wẹ akpọhịn ohu dẹ, anụ ndịnị ile jẹnkọ d'a nwụnhụnchanrịn.

Samuẹlụ Nke Ẹbụọ 7:20

“Kị Defidi k'a sazị nwan ẹka sị ị? Ịyụ wụ Osolobuẹ nwọn ihiẹn ile a marịnghọ odibo i.

Ndị-nze Nke Ẹbụọ 20:3

“Euu, Osolobuẹ, dodo, nyanhankwọ kẹ m dọn rị e sọnchanrịn ị ọhụnma-ọhụnma lẹ kẹ m dọn wechanrịn obi m ile ye i, e mẹ ihiẹn rị mma ẹnya ị.” Hezikaya nọ kwan ẹkwan ọda-ọda.

Azaya 40:11

O k'e lepụ atụnrụn a ẹnya lekẹ onyẹ e du atụnrụn; ọ pa ụmụ atụnrụn rịn'a, a pa wẹ e che obi; o tu udọn e du ndị kị ụmụ.

Jerimaya 23:4

M k'e ye wẹ ndị-ndu k'e lepụ wẹ ẹnya, a tụbehi wẹ egun, mabehi piripiri. Onwọnni hụn k'e huni imẹ wẹ. Mmẹ wụ Osolobuẹ ku ẹ.”

Jerimaya 3:15

E tumẹni m ụnụ ndị-ndu hụn k'e du ụnụ kẹ m chọ. Wẹ k'e gi amamihiẹn lẹ nghọta du ụnụ.”

Izikẹlụ 34:23

“ ‘M k'e bu wẹ che okpuru onyẹ-ndu ohu, o lepụ wẹ ẹnya ọhụnma. Odibo m wụ Defidi rọ, ya nwọn du wẹ; ịya k'e lepụ wẹ ẹnya.

Izikẹlụ 46:24

Ọ nọ sị m, “Ndịnị wụ ukelu ndị a rụn ọrụn imẹ Ụlọ-nsọ k'a nọ e shi ihiẹn ndị alị gi chụn ẹjan.”

Matiu 10:37

“Onyẹ hụn nwọn ihiẹn-ọsụsụọ nẹdi ẹ mọbụ nnẹ ẹ karị hụn o nwọnni m efuruni m; onyẹ ọwụlẹ nwọn ihiẹn-ọsụsụọ nwa a okẹnnyẹ mọbụ nwa a okpoho karị hụn o nwọnni m efuruni m.

Matiu 16:17

Jizọsị nọ sị a, “Onyẹ wẹ gọzi agọzi k'ị wụ Saịmọnụ nwa Jona! Makẹni ẹlẹ ịhịan ghọsị ị ihiẹnni; Nẹdi m rị elu-igwee ghọsị ị ya.

Matiu 18:10

“Hụn n'a nị ụnụ elegberini hụn ọwụlẹ imẹ ndị ntanị kwerinini m. Makẹni, m rị a gwa ụnụ, ndị mmọn-ozi wẹ rị ihun Nẹdi m rị elu-igwee e lee ihun ẹ ogẹn ile.

Matiu 26:33

Pita nọ shịarị Jizọsị, “Ọsụọn'a nị ịhịan ile e gi ufiri i danpụ, onwọnni ogẹn m'e gi danpụ!”

Matiu 26:35

Pita nọ sị, “Kaka, aghọrịkọ m n'a marịn m'ị, ọsụọn'a nị mmẹ lẹ yụ jẹnkọ d'a nwụn!” Ndị nsọnmazụụn ile họdụnị nọ kuzikwọ ẹrịra.

Makị 14:29

Pita nọ sị a, “Alakọ m'ị tọ! Ọsụọn'a nị ndị ọzọ ile a gba ị tọ!”

Luku 12:32

“Ụmụ-atụnrụn m, atụlẹ ni egun, makẹni ọ sụọghọ Nẹdi ụnụ n'o ye ụnụ Alị-eze.

Luku 22:32

Kanị, e mẹgụọnị m'ị ekpere Saịmọnụ, amamgbe okukwe i a dan. I rogharịgụ, y'e yeni umunẹ i ẹka turu.”

Jọnụ 1:42

Andrụ nọ we Saịmọnụ d'e kunrun Jizọsị. Jizọsị nọ bu ẹnya tụma Saịmọnụ, sị a, “Yụ wụ Saịmọnụ nwa Jọnụ. Ẹfan ị jẹnkọ nwan d'a wụ Kẹfasị.” (Kẹfasị wụ Pita ọnụ Griki hụn wụ Ọmụma).

Jọnụ 13:37

Pita nọ sị a, “Di-nwọnni-ẹnyi, kị wụnị asa m ẹka sọn i kikẹnni? Nị m nwụnghọdẹni i ọnwụn!”

Jọnụ 16:27

makẹni Chuku-Nẹdi lẹ enwẹn ẹ nwọn ihiẹn-ọsụsụọ ụnụ. Ihiẹn ụnụ a sụọ a makẹni ihiẹn m a sụọ ụnụ asụọ lẹzi makẹni ụnụ kweri nị m gha ebe Chuku rị bịa.

Jọnụ 21:12

Jesu nọ sị wẹ, “Bịa nị nwan d'e ri ihiẹn-oriri ụtụntụn.” Makẹni a marịngụọ wẹ nị Di-nwọnni-ẹnyi rọ, onwọnni onyẹ nsọnmazụụn a ọwụlẹ egun nị jụ a, “Onyẹ k'ị wụ?”

Jọnụ 21:7

Onyẹ nsọnmazụụn hụ ihiẹn ẹ a sụọ Jesu nọ sị Pita, “Di-nwọnni-ẹnyi rọ maị!” Ogẹn Pita gi nụ nị Di-nwọnni-ẹnyi rọ, ọ nọ yiri ẹwuru o yiye elu ẹ (makẹni o te yipụgụọ a). Ya ọ nọ tụban imẹ mirin.

Jọnụ 8:42

Jizọsị nọ sị wẹ, “Omẹni Osolobuẹ te wụ Nẹdi ụnụ, nkẹ ihiẹn m a sụọ ụnụ, makẹni m gha ẹka Osolobuẹ bịa; ịya mẹ m nwan rị ebeni. Ẹlẹ mmẹ gi ihiẹn ẹka m bịa, ịya zihẹ m.

Ọrụn Ndị-ozi 20:28

Lepụ nị nwan enwẹn ụnụ lẹ igunrun atụnrụn Mmọn-nsọ buche ụnụ ẹka ẹnya. O tumẹgụọ ụnụ ndị-ndu kẹni ụnụ du ụka Osolobuẹ, hụn Osolobuẹ gi ẹdeke ẹ nwọnhẹn.

Ọrụn Ndị-ozi 20:29

A marịnghọ m nị m pụgụ, eje-ẹwọrọ k'a bịa imẹ igunrun ụnụ d'e ripụ atụnrụn.

Ndị Rom 14:1

A nabanhan nị ibe ụnụ okukwe wẹ zelẹni, esọnlẹ ni wẹ dọ ihiẹn wụlẹni iwu imẹ Kraịstị:

Ndị Rom 15:1

O furu nị ẹnyi ndị ze imẹ Kraịstị e rozi k'ọ rị ndị zelẹni, ẹlẹ imẹ ihiẹn a sụọnị ẹnyi.

Ndị Kọrẹntị Ibuzọ 8:11

Ya wụ, onyẹni zelẹni, onyẹ itu-Kraịstị ibe i, hụn Kraịstị gi ufiri ẹ nwụn, e gi nwan ufiri “amamihiẹn i ni” la iwi.

Ndị Galeshịa 5:6

Makẹni, imẹ Kraịstị wụ Jizọsị, ịkwa-ugun lẹ akwanị-ugun enwọnni ihiẹn ọ wụ. Ihiẹn rị mkpa wụ okukwe rị e gi ihiẹn-ọsụsụọ a ghọsị enwẹn ẹ.

Ndị Ẹfẹsọsụ 4:14

makẹ ẹnyi gha a wụsọnmẹ ụmụẹka, ndị ẹbi e bushi ihun-lẹ-azụụn, ndị-nkuzi ọwụlẹ e buhunmẹ kẹ ufere, ndị ịhịan gi nkuzi ẹro lẹ aghịghọ e dufie.

Ndị Ẹfẹsọsụ 6:24

Ẹfọma Osolobuẹ ya rịnị ndị ile nwọn ihiẹn-ọsụsụọ Onyẹ-nwọnni-ẹnyi wụ Jesu Kristi — ihiẹn-ọsụsụọ hụn ghalẹni a gụ.

Hibru 13:20

Osolobuẹ hụn e ye udọn, Onyẹ hụn gha ọnwụn weli Di-nwọnni-ẹnyi wụ Jesu, okẹn onyẹ-ndu atụnrụn ahụn wẹ gi ẹdeke ẹ biye nkwerigbama itẹbitẹ Osolobuẹ ẹka;

Hibru 4:13

Ẹnya Osolobuẹ, onwọnni ihiẹn zuerini. Ẹghẹẹ, ihiẹn ile gba ọtọ, rị oghe, ẹnya onyẹ hụ ẹnyi jẹnkọ d'e ye mgbakọ.

Pita Ibuzọ 1:8

Ihiẹn Jizọsị rị nwan a sụọ ụnụ, ọsụọn'a nị ụnụ eleghatun'ẹ; ụnụ kwerin'ẹ, ọsụọn'a nị ụnụ arị nwan e legha a; ụnụ hụ nwan a ghọghọ ọda-ọda, okẹn ịghọghọ ọnụ ghalẹni a s'ẹka a kọwa,

Pita Ibuzọ 2:2

Nọkẹ ụmụ wẹ mụ nke ọhụn, a chọshi ni mirin-ẹran imẹ-mmọn ahụn rị nsọ ikẹn — kẹni ụnụ e gi ẹ e sueru ogo nzụọpụha,

Pita Ibuzọ 2:25

Ụnụ te rị a kpahu kẹ atụnrụn, kanị ụnụ e kinhẹngụọ nwan d'e kunrun onyẹ hụn e du ụnụ kẹ atụnrụn, onyẹ hụn e lepụ umẹ-ndụn ụnụ ẹnya.

Jọnụ Ibuzọ 4:19

Ẹnyi rị nwan e nwọn ihiẹn-ọsụsụọ makẹni o buọlẹ ụzọ nwọn ihiẹn-ọsụsụọ ẹnyi.

Jọnụ Ibuzọ 5:1

Onyẹ kweri nị Jisọzị wụ Kraịstị, hụnyẹ wụ nwa Osolobuẹ; onyẹ ọwụlẹ nwọn ihiẹn-ọsụsụọ nẹdi, nwọnzikwọ ihiẹn-ọsụsụọ onyẹ hụn ọ mụ.

Rẹvẹleshọnụ 2:23

M k'e gbu ụmụ a. Ụka ile k'e gi ẹ marịn nị mmẹ wụ onyẹ hụ e nyọnchan uche lẹ obi lẹ ni m k'a kụ onyẹ-onyẹ imẹ ụnụ ụgwọ ihiẹn o mẹ.