Jọnụ 2:21 - Ika

²¹ Kanị Ụlọ-nsọ Jesu rị e ku oku ẹ wụ ẹhụ a.

Jọnụ 2:21 Iomraidhean Croise

Jọnụ 1:14

Oku Chuku nọ họnrin ịhịan, sọn ẹnyi biri elu-ụwa. Ẹfọma lẹ ezioku jun imẹ ẹ! Ẹnyi a hụnọlẹ ikpẹn ẹ, ikpẹn akpụ Nwa ohu Chuku-Nẹdi mụ rọ.

Jọnụ 2:22

Ogẹn Jesu gi ghagụ ọnwụn lihi, ndị nsọnmazụụn a nọ nwan nyanhan n'o kughọ ihiẹnni, wẹ nọ gi ihiẹn Ẹkụkwọ-nsọ ku lẹ ihiẹn Jesu ku dọn.

Ndị Kọrẹntị Ibuzọ 3:16

Ụnụ amarịn nị ụnụ wụ Ụlọ-nsọ Osolobuẹ?! Ụnụ amarịn nị Mmọn Osolobuẹ bi imẹ ụnụ?!

Ndị Kọrẹntị Ibuzọ 6:19

Ụnụ amarịndẹ nwan nị ẹhụ ụnụ wụ Ụlọ-nsọ hụn Mmọn-nsọ rị imẹ ụnụ bi, Mmọn-nsọ Osolobuẹ ye ụnụ, nị ẹlẹ ụnụ nwọn enwẹn ụnụ?

Ndị Kọrẹntị Nke Ẹbụọ 6:16

Kị Ụlọ-nsọ Osolobuẹ lẹ mmọn gi? Ẹnyi wụ Ụlọ-nsọ Osolobuẹ, Chuku hụ rị ndụn, nọkẹ kẹ Osolobuẹ dọn ku ẹ, sị, “M k'e biri imẹ wẹ, e jẹnhunmẹ imẹ igunrun wẹ. M k'a wụrụ Chuku wẹ, a wụrụ wẹ ndị nke m.”

Ndị Kolosị 1:19

Makẹni, ọ sụọ Osolobuẹ n'o gi ihiẹn ile o gi wụrụ Osolobuẹ biri imẹ Kraịstị.

Ndị Kolosị 2:9

Kanị, ihiẹn ile Osolobuẹ gi wụrụ Osolobuẹ zu oke ẹhụ Kraịstị.

Hibru 8:2

onyẹ hụ rị ọrụn Ebẹhụ Kachanrịn Nsọ imẹ Ọdụ-ofufe ezigbo ẹ hụ, hụn rị elu-igwee, Ọdụ-ofufe ahụn Osolobuẹ lẹ enwẹn ẹ mẹmẹ, ẹlẹ hụn ịhịan mẹmẹ.