Jọnụ 18:12 - Ika

¹² Ya ndị-agha Rom lẹ Onyẹ-isi agha wẹ kanị lẹ ndị-nche ndị-isi ndị Ju zihẹ nọ kwọndọn Jesu, kẹn ẹ ẹgbụn.

Jọnụ 18:12 Iomraidhean Croise

Jẹnẹsisi 22:9

E ru wẹ ebahụn Chuku gwa Ebraham, ya Ebraham nọ rụn ukpo nchụn-ẹjan, kpashimẹ ọkụn elu ukpo ahụn. Ọ nọ kẹnmẹ Aziki nwa a, bu ẹ che elu nkụn ahụn o gi kpashimẹ ọkụn elu ukpo ahụn.

Jẹnẹsisi 40:3

Ọ nọ bu wẹ che ụlọ-ngan hụn rị iwe Pọtifa, onyẹ-isi ndị-nche ẹ, imẹ ụlọ-ngan ohu hụ wẹ kpọkin Josẹfụ ye.

Ẹbụ-ọma 118:27

Osolobuẹ wụ Chuku; o yeọlẹ ẹnyi ukpẹ! Kwọndọnsọnmẹ ni agala gi bidọn mmẹmmẹ; weri ni anụ ẹnyi gi a chụn ẹjan d'e limẹye mpịn ukpo nchụn-ẹjan.

Matiu 26:57

Ya ndị nwụnrụn Jizọsị nọ we ẹ jẹnni onyẹ-isi nchụn-ẹjan wụ Kayafasị imẹ ọgwa a, ebe ndị-nkuzi Iwu lẹ ndị-isi nọ rị e zu.

Matiu 27:2

Wẹ nọ kẹn ẹ ẹgbụn, we ẹ jẹnni Paịleti, Gọvanọ ndị Rom tumẹni wẹ.

Matiu 27:27

Ya ndị-agha Paịleti nọ we Jizọsị shi imẹ ọgwa Paịleti, kpọgbama itu-agha hụ ile; ya wẹ nọ fihunmẹ Jizọsị.

Makị 14:53

Wẹ nọ weri Jesu shi iwe onyẹ-isi nchụn-ẹjan. Ndị-isi nchụn-ẹjan lẹ ndị-nkuzi Iwu lẹ ndị-isi ile zu ebẹhụ.

Makị 15:1

Hụn eki gihụ fọn, ndị-isi nchụn-ẹjan lẹ ndị-isi lẹ ndị-nkuzi Iwu lẹ ndị ile rị Ndị-isi Nkịkwama nọ zu, tụgbama iroro. Wẹ nọ kẹn Jesu ẹgbụn, duru ẹ pụ, wẹ ẹ ye Paịleti, Gọvanọ rị a kịdọnni ndị Rom.

Luku 22:54

Ya wẹ nọ nwụnrụn Jesu, duru ẹ shi iwe onyẹ-isi nchụn-ẹjan. Pita hụ ebe teni e sọn wẹ d'e ru ebẹhụ.

Jọnụ 18:3

Ya Judasị nọ weri igunrun ndị-agha Rom lẹ ndị-nche Ụlọ-nsọ, ndị hụn ndị-isi nchụn-ẹjan lẹ ndị itu-Farisi zihẹ, o webanhan wẹ ebẹhụ. Wẹ busọnmẹ ihiẹn-ọgụn ichẹn-ichẹn lẹ ọwa lẹ ukpẹ.

Ọrụn Ndị-ozi 10:1

Imẹ obodo Sizaria, o nwọn okẹnnyẹ ohu ẹfan a wụ Kọnẹlusu hụn a kị ndị-agha ọgụn-isẹn imẹ itu-agha w'a kpọ Itu Itali.

Ọrụn Ndị-ozi 21:31

Ogẹn wẹ gi rị a chọ nị wẹ gbu Pọlụ, ozi nọ ru onyẹ-isi agha kanị a kị ndị-agha Rom rị Jerusalẹm ntịn nị Jerusalẹm ile e susuhu.

Ọrụn Ndị-ozi 21:37

Ogẹn ndị-agha hụ gi rị a chọ nị wẹ weri Pọlụ banye idumu wẹ, Pọlụ nọ sị onyẹ-isi agha kanị, “N'i kweri nị m gwa ị oku?” Onyẹ-isi agha kanị hụ nọ jụma a, “Y'a sụ Griki?

Ọrụn Ndị-ozi 23:10

Ogẹn isusu hụ gi kẹnrẹn, egun nọ bịa onyẹ-isi agha kanị nị w'e d'a dọkịka Pọlụ, ya ọ nọ sị ndị-agha a wẹ d'e gi ikẹn napụha wẹ Pọlụ, wekin ẹ idumu ndị-agha.

Ndị Han Eṅẹn 16:21

Ndị-ọkịkị Filistia nọ kwọndọn ẹ, gụpụ a akpẹnya ẹbụbụọ, w'ẹ la Gaza. Gi ẹgan igwe-bronzu kpọma a, bu ẹ tọ n'ọ hụn ụzọ a kwọnị wẹ ihiẹn imẹ ngan.