Jọnụ 17:3 - Ika

³ Ọnwan wụ ndụn itẹbitẹ: ịmarịnn'ị, Chuku hụn ya sụọ wụ Chuku nke-esi lẹ ịmarịn Jizọsị Kraịstị hụn i zihẹ.

Jọnụ 17:3 Iomraidhean Croise

Ihiẹn Mẹni Nke Ibuzọ 28:9

“Ịyụ nwẹn wụ Solomọnụ nwa m, marịnkwọ Chuku nẹdi i, y'e wechanrịn enwẹn i kwan'a, wepụhachanrịn obi fe ẹ. Makẹni, Osolobuẹ e lele obi ọwụlẹ, a ghọtachanrịn ihiẹn ịhịan rị e ro. Ị chọ a, ọ nị ị hụn a; kanị ị gbakitọ a azụụn, ọ jụ ị tọ jẹnrin ejẹn.

Ihiẹn Mẹni Nke Ẹbụọ 15:3

Ọrọgbọ ahụa ole-lẹ-ole Izrẹlụ esọnni Chuku wụ Chuku nke-esi enwọn wẹ onyẹ nchụn-ẹjan a kuzini wẹ, enwọn wẹ Iwu.

Ẹbụ-ọma 9:10

Ndị marịnn'ị gi i e dọn ẹnya, makẹni onwọnni ogẹn yụ wụ Osolobuẹ gi a latọ ndị bịa d'e kunrunn'i.

Itẹn 8:35

Makẹni onyẹ nwọnhẹn m, o nwọnhẹn ndụn, ihiẹn ẹ a sụọma Osolobuẹ.

Azaya 48:16

“Nọzụnhan nị ị nụ ọnwan: Anọtuni m nzuzue ku oku; o ruzikwọ ogẹn o gi e mẹ, m hụ ebahụn. Di-nwọnni-ẹnyi wụ Osolobuẹ zi m ghahanị Mmọn a.

Azaya 53:11

Ọ tagụ afụnfụn, nwụnhụn, ọ k'a hụn ihiẹn ọ rụn, ẹfọ e jun ẹ. Odibo m k'e mẹ wẹ hatu ndị bu ọda ikpe ma hụn sikọ d'a marịnn'a — o k'e buru njọ wẹ.

Azaya 61:1

Mmọn Di-nwọnni-ẹnyi wụ Osolobuẹ rị imẹ m, makẹni Osolobuẹ e tumẹgụọ m d'e zi ndị igbẹnnyẹ ozi rị mma. O zi m d'a kasị ndị ndụn gụ obi, d'a sị ndị wẹ kwọndọn lama, d'a sị ndị ngan pụha;

Jerimaya 10:10

Kanị, Osolobuẹ wụ Chuku nke-esi; ịya wụ Chuku hụn rị ndụn, Eze itẹbitẹ. O bumẹ olulu, elu-ụwa e mẹhunmẹ — onwọnni alị isi wẹ k'a saẹka che ọnụma a.

Hosia 6:3

Nị ẹnyi marịn nị Osolobuẹ; nị ẹnyi lịlịma nị d'a marịn a! O k'a zarịrị ẹnyi k'o dọn mẹni eki k'e fọnrịrị; k'o dọn mẹni mirin k'e zuerịrị; k'o dọn mẹni udu-mirin k'a bịarịrị.”

Makị 9:37

“Onyẹ gi ufiri m nabanhan onyẹ ohu imẹ ndịnị, mmẹ k'ọ nabanhan; onyẹ hụn nabanhannị m ẹlẹ mmẹ k'ọ nabanhan, onyẹ hụn zini m k'ọ nabanhan.”

Luku 9:48

ọ nọ sị wẹ, “Onyẹ gi ufiri ẹfan m nabanhan nwata nọ ẹnịna, mmẹ k'ọ nabanhan; onyẹ nabanhannị m nabanhan onyẹ zini m. Ya wụ, onyẹ hụn kachanrịn ẹkẹrẹ imẹ ụnụ ile, ịya wụ onyẹ hụn kachanrịnnị.”

Jọnụ 10:36

onyẹ hụn Chuku-Nẹdi dọn nsọ zihẹ imẹ ụwa kẹ ụnụ rị nwan a kpọ oku ẹ arụ, makẹni m sị, ‘M wụ Nwa Osolobuẹ’?

Jọnụ 11:42

A marịngụọ m nị y'a nụ ihiẹn m ku ogẹn ile, kanị ndịnị rị ebeni haịn m gi ku ihiẹnni, kẹni wẹ kweri nị yụ zihẹ m.”

Jọnụ 14:26

kanị, Mmọn-nsọ, Onyẹ eyemẹka, hụn Chuku-Nẹdi jẹnkọ d'e gi ẹfan m zihẹ, jẹnkọ d'a kuzi ụnụ ihiẹn ile; o k'a nyanhannị ụnụ ihiẹn ile m gwa ụnụ.

Jọnụ 17:18

Kẹ i dọn zihẹ m imẹ ụwa kẹ m dọn rị e zi wẹ e ye imẹ ụwa.

Jọnụ 17:21

kẹni wẹ ile wụrụ ohu, nọkẹ kẹ ịyụ, Baba, dọn rị imẹ m, mmẹ nwẹn hụ imẹ i; m rị a rịọ nị wẹ rịzịkwọ imẹ ẹnyi — kẹni ụwa kweri nị ịyụ zihẹ m.

Jọnụ 17:23

kẹni ọ wụrụ nị mmẹ nwẹn hụ imẹ wẹ, yụ nwẹn hụ imẹ m; a wụrụchanrịn wẹ ohu, ụwa e gi ẹ marịn nị ịyụ zihẹ m lẹni y'e nwọnghọ ihiẹn-ọsụsụọ wẹ k'i dọn nwọn ihiẹn-ọsụsụọ m.

Jọnụ 17:25

“Euu Baba, Onyẹ ezi-omumẹ, ọsụọn'a nị ụwa amarịn ị, mmẹ nwẹn a marịnghọ ị; ndịnị wẹ a marịnzịghọ nị ịyụ zihẹ m.

Jọnụ 17:8

makẹlẹ a gwagụọ m wẹ ihiẹn ndị hụ ị sị m gwa wẹ. A nabanhangụọ wẹ oku ndị hụ; a marịngụọ wẹ nwan nị m gha ebe ị rị bịa nke-esi. E kwerigụọ wẹ nị yụ zihẹ m.

Jọnụ 3:17

Ẹlẹ ikpe kẹ Osolobuẹ zi Nwa a d'a ma ndị rị ụwa, o zi ẹ kẹni wẹ gha ẹka a nwọnrin nzụọpụha.

Jọnụ 3:34

Makẹni onyẹ Osolobuẹ zihẹ rọ, o ku oku Osolobuẹ, ufiri nị Osolobuẹ eyen'ẹ Mmọn-nsọ yehọdụ.

Jọnụ 5:44

Nanị nkẹ ụnụ a dọndẹ nwan kweri? Ụnụ hụn a narịn ọjịja-mma ẹka ibe ụnụ, kanị ụnụ ara lịlịma nị Onyẹ hụ ya sụọ wụ Osolobuẹ ja ụnụ mma.

Jọnụ 6:57

“Kẹ m dọn rị ndụn makẹni Chuku-Nẹdi zihẹni m rị ndụn, ẹrịra kẹ onyẹ hụn rini m k'a dọn rị ndụn makẹni m rị ndụn.

Jọnụ 7:29

Mmẹ nwẹn a marịnghọ a makẹni ebe ọ rị kẹ m gha bịa; ịya zihẹ m.”

Jọnụ 8:19

Ya wẹ nọ sị a, “Ebe nẹdi i ahụn rị?” Jesu nọ sị, “Ụnụ amarịn m, ụnụ amarịn Nẹdi m. Omẹni ụnụ te marịn m amarịn, nkẹ ụnụ a marịnzịkwọ Nẹdi m.”

Ndị Kọrẹntị Ibuzọ 15:34

Tẹnhin ni nwan nwọnrin uche; ụnụ e mẹbehi njọ, nị ụfọdụ imẹ ụnụ amarịn Osolobuẹ, kaka! M rị e ku ọnwan kẹni ifẹnrẹn mẹ ụnụ.

Ndị Kọrẹntị Ibuzọ 8:4

O mẹ nwan nke iri ihiẹn-oriri wẹ gi rụa mmọn, ẹnyi a marịnghọ nị imẹ ụwa ile, onwọnni ihiẹn mmọn wẹ kpụ akpụ wụ, ẹnyi a marịnzịghọ nị Chuku ohu sụọ rị — ọzọ arịa.

Ndị Kọrẹntị Nke Ẹbụọ 4:6

Makẹni, Osolobuẹ hụn sị, “Ukpẹ ya nwunmẹ ebe ishi rị” e nwun nwangụọ nwan imẹ obi ẹnyi hụn ẹnyi gi saẹka legha ọghọ Osolobuẹ ihun Kraịstị.

Ndị Filipi 3:10

M chọ nị m marịn Kraịstị lẹ ikẹn hụ o gi gha ọnwụn lihi, e sọn m'ẹ ta afụnfụn ọ ta, sọn ẹ nwụn ọnwụn ọ nwụn,

Ndị Filipi 3:8

Ẹlẹdẹ ọhụn sụọ, a gụngụọdẹ m ihiẹn ile ye ihiẹn la iwi, makẹ ufiri ihiẹn hụn ka wẹ ile ọhụnma-ọhụnma, hụn wụ ịmarịn Kraịst Jizọsị Di-nwọnni m, onyẹ hụn m gi nwan ufiri ẹ nị ihiẹn ile la, weridẹ wẹ kẹ nsịn, kẹni m kwọnkẹnmẹ Kraịstị,

Ndị Tẹsalonika Ibuzọ 1:9

Makẹni, wẹ hụ e ku oku ẹnyi — kẹ ụnụ dọn nabanhan ẹnyi ọhụnma-ọhụnma lẹzi kẹ ụnụ dọn febehi mmọn, femẹ ezigbo Osolobuẹ rị ndụn,

Ndị Tẹsalonika Nke Ẹbụọ 1:8

Wẹ k'e gi ọkụn rị e nwunni bịa; wẹ k'e mẹgwarị wẹ ile marịnlẹni Osolobuẹ lẹ ndị hụn mẹlẹni ihiẹn oziọma Di-nwọnni-ẹnyi Jesu ku,

Hibru 3:1

Umunẹ m ndị rị nsọ, ndị wẹ kpọzị oku elu-igwee, e roni Jizọsị, onyẹ ozi pụ-ichẹn Osolobuẹ gi wẹhẹ okukweni ẹnyi rị imẹ ẹ, hụn wụzịkwọ onyẹ-isi nchụn-ẹjan ẹnyi.

Pita Nke Ẹbụọ 1:2

Ẹfọma lẹ udọn ya rịnị ụnụ mmagi-mmagi, ebe ụnụ rị a marịnwaye Osolobuẹ lẹ Jizọsị Kraịstị wụ Onyẹ-nwọnni-ẹnyi.

Pita Nke Ẹbụọ 1:3

Makẹni, o gigụọ ikẹn o gi wụ Chuku ye ẹnyi ihiẹn ile ẹnyi e gi bi elu lẹ hụn ẹnyi e gi fe Osolobuẹ. Ẹnyi e nwọnhẹn ihiẹn ndịnị ghahanị ọmarịn ẹnyi marịn Jesu hụn kpọ ẹnyi d'e sọn ẹ nwọnrin ihiẹn ile o nwọn, sọn ẹ rị ọchan.

Pita Nke Ẹbụọ 1:8

Makẹni, omẹni ụnụ hụ e nwọnwaye ihiẹn ndịnị ile imẹ ndụn ụnụ, ụnụ awụkọ ndị kwerini Onyẹ-nwọnni-ẹnyi wụ Jesu Kristi bụ onwọnni ihiẹn w'a rụnn'a, onwọnni mkpụrụ w'a mịn'a.

Jọnụ Ibuzọ 1:2

Ndụn hụ pụha hụn w'e legha. Ẹnyi a hụnghọ a. Ẹnyi hụ e ku ẹ, a gwa ụnụ oku ndụn itẹbitẹ hụ ya lẹ Chuku-Nẹdi rị, hụn pụha nị ẹnyi legha a.

Jọnụ Ibuzọ 1:3

Ẹnyi rị nwan a gwa ụnụ ihiẹn ẹnyi hụn lẹ ihiẹn ẹnyi nụ, kẹni ụnụ hụn ụzọ bannị ẹnyi — makẹni Nẹdi ẹnyi lẹ Nwa a wụ Jesu Kristi kẹ ẹnyi lẹ wẹ rị.

Jọnụ Ibuzọ 2:23

Ẹghẹẹ! Makẹni onyẹ hụn jụ Nwa Chuku enwọn Chuku-Nẹdi imẹ ndụn a; onyẹ hụn kwerini Nwa Chuku e nwọnzighọ Chuku-Nẹdi.

Jọnụ Ibuzọ 4:6

Ẹnyi nwẹn wụ nke Osolobuẹ. Onyẹ marịn Osolobuẹ e gọn ẹnyi ntịn. Onyẹ wụlẹni nke Osolobuẹ ara gọn ẹnyi ntịn. Ọnwan kẹ ẹnyi gi a marịn mmọn hụn wụ ezigbo ẹ lẹ mmọn e dufieni.

Jọnụ Ibuzọ 5:20

Ẹnyi a marịnghọ nị Nwa Osolobuẹ a bịagụọ, n'o yegụọ ẹnyi nghọta hụn ẹnyi e gi marịn onyẹ ahụn wụ Ezioku. Ẹnyi rị nwan imẹ onyẹ ahụn wụ Ezioku lẹ Nwa a wụ Jesu Kristi. Ịya wụ Osolobuẹ nke-esi lẹ ndụn-itẹbitẹ.