Jọnụ 15:11 - Ika

¹¹ A gwatọgụọ m ụnụ ihiẹn ndịnị, kẹni ụnụ nwọn ịghọghọ m lẹni ụnụ nwọn ịghọghọ nwọnzu ẹ.

Jọnụ 15:11 Iomraidhean Croise

Azaya 53:11

Ọ tagụ afụnfụn, nwụnhụn, ọ k'a hụn ihiẹn ọ rụn, ẹfọ e jun ẹ. Odibo m k'e mẹ wẹ hatu ndị bu ọda ikpe ma hụn sikọ d'a marịnn'a — o k'e buru njọ wẹ.

Azaya 62:4

Akpọkọzị wẹ i “Onyẹ wẹ gbatọ” mọbụ kpọzị alị ị “Alị wẹ jụ.” Kama wẹ k'a kpọma ị “Ihiẹn ẹ sụọ m,” kpọma alị ị “A lụgụọ w'a;” makẹni ihiẹn i k'a sụọ Osolobuẹ, makẹni Osolobuẹ k'a lụmazị alị ị.

Jerimaya 32:41

O k'a gha a sụọ m nị m'e mẹ wẹ mma; m k'e gi obi m ile lẹ ihiẹn ile rị imẹ m kụn wẹ ye alịnị nọkẹ ihiẹn-ugbo.’ ”

Jerimaya 33:9

M k'e gi obodoni nwọnrinzi ẹfan, ịghọghọ, ịja-mma lẹ ọghọ ẹnya ndị alị ile rị elu ụwa — ndị ile hụn k'a nụ ihiẹn-ọma ile m k'e mẹni obodoni. Egun k'a tụ ndị alị ile rị elu ụwa wẹ hụn ihiẹn-ọma m k'e mẹni ndị alịnị.’ ”

Zẹfanaya 3:17

Osolobuẹ hụn wụ Chuku ụnụ nọyeni ụnụ anọyeni! Odogun hụn a zụọnị k'ọ wụ! Yụ wụ Jerusalẹm k'a rị a sụọ a, e mẹ ẹ a ghọghọ. O k'e gi ihiẹn-ọsụsụọ a gba Jerusalẹm umẹ. O k'e gi i a ṅan, a bụshi ẹbụ elu.”

Luku 15:23

Wepụha nị nwa-efin ahụn kachanrịn mma ẹnyi zụntọ nị ẹnyi gbu ẹ! Nị ẹnyi ri ni oriri, nị ẹnyi ghọghọ —

Luku 15:32

O furu nị ẹnyi ri oriri, ghọghọ, makẹni nwẹnẹ i ni te nwụnhụn anwụnhụn, kalẹ ọ rị nwan ndụn; o te tuhu etuhu, kanị, a hụngụọ w'a nwan.’ ”

Luku 15:5

Ọ hụn a, o k'a pa che uvun, a ghọghọ;

Luku 15:9

Ọ hụn a, ọ kpọkikomẹ ndị ọwụ a lẹ ndị bikunmẹn'ẹ, sị wẹ, ‘Sọn ni m ghọghọ, n'a hụngụọ m egho m tuhuni.’

Jọnụ 16:24

D'e rukwọ nwan ogẹnni, ụnụ egituni ẹfan m rịọ ihiẹn ọwụlẹ; rịọ nị, ụnụ jẹnkọ d'e nwọnhẹn, kẹni ịghọghọ ụnụ zu oke.

Jọnụ 16:33

A gwagụọ m ụnụ ihiẹn ndịnị kẹni obi gi ufiri m ru ụnụ alị. Imẹ ụwa, ụnụ jẹnkọ d'e nwọn nsọngbu; ka kwọndọn ni obi ụnụ, n'e mẹrigụọ m ụwa!”

Jọnụ 17:13

Kanị, m burula ị nwan; m rị e ku ihiẹn ndịnị imẹ ụwa kẹni wẹ nwọn ịghọghọ m imẹ ndụn wẹ, nwọnzu ẹ.

Jọnụ 3:29

Onyẹ rị a lụ okpoho nwọn okpoho ahụn ọ rị a lụ. Ọwụ a wuzohụ ẹhụ a, a ghọghọ n'ọ rị a nụ olu ẹ. Ịghọghọ m e zuọlẹ nwan oke.

Ndị Rom 15:13

Osolobuẹ hụn e ye olilẹnya ya ye ụnụ ịghọghọ lẹ udọn mmagi-mmagi kẹ ụnụ dọn rị e gi ẹ e dọn ẹnya. Y'a mẹ ẹ, kẹni ụnụ nwọn olilẹnya, nwọn ẹ ọda-ọda, ghahanị ikẹn Mmọn-nsọ.

Ndị Kọrẹntị Nke Ẹbụọ 1:24

Arị m e gi oku ọjụgbọnị m rị e ku e ku nị ẹnyi nwọn e ku ihiẹn ụnụ gi okukwe ụnụ e mẹ. Kama, m gi ẹ e ku nị ẹnyi lẹ ụnụ gba a rụn kẹni ụnụ hụn ụzọ e nwọn ịghọghọ nị ụnụ turu ọhụnma imẹ okukwe.

Ndị Ẹfẹsọsụ 5:18

Aralẹ ni manya tụ, makẹni obibi la iwi rọ; ka a nị nị Mmọn-nsọ a kị ụnụ —

Ndị Filipi 1:25

Makẹni ọhụn we m ẹnya, a marịngụọ m nị m k'a rị ndụn sọn ụnụ ile nọdị, kẹni ụnụ a gha ihun, a ghọghọ imẹ okukwe.

Ndị Tẹsalonika Ibuzọ 5:16

A ghọghọ nị ogẹn ile.

Pita Ibuzọ 1:8

Ihiẹn Jizọsị rị nwan a sụọ ụnụ, ọsụọn'a nị ụnụ eleghatun'ẹ; ụnụ kwerin'ẹ, ọsụọn'a nị ụnụ arị nwan e legha a; ụnụ hụ nwan a ghọghọ ọda-ọda, okẹn ịghọghọ ọnụ ghalẹni a s'ẹka a kọwa,

Jọnụ Ibuzọ 1:4

Ẹnyi rị e de ihiẹn ndịnị kẹni ịghọghọ ẹnyi ile hụn ụzọ zu oke.

Jọnụ Nke Ẹbụọ 1:12

M nwọn ihiẹn bu ọda nkẹ m'e deni ụnụ, kanị ẹlẹ hụn m k'e de. Kama, m rị a tụ ẹnya nị m k'a bịa d'a hụndẹ ụnụ, ẹnyi e ku elee-m, elee-i, kẹni ịghọghọ ẹnyi ile hụn ụzọ zu oke.