Jọnụ 15:10 - Ika

¹⁰ Omẹni ụnụ e mẹsọnmẹghọ ihiẹn m ku, ụnụ sikọ d'a wụsọnmẹ ndị ihiẹn wẹ a sụọ m — nọkẹ kẹ m dọn e mẹ ihiẹn Nẹdi m ku, e gi ẹ a wụsọnmẹ onyẹ ihiẹn ẹ a sụọ Nẹdi m.

Jọnụ 15:10 Iomraidhean Croise

Samuẹlụ Nke Ẹbụọ 22:22

Makẹni m hụ e sọn ụzọ Osolobuẹ; emẹni m eje-ihiẹn ghahanị ịgbakịtọ Chuku m azụụn.

Ndị-nze Nke Ẹbụọ 18:6

O kwọnkẹnmẹ nke Osolobuẹ; o sọnbehini Osolobuẹ. O mẹsọnmẹ ihiẹn ndị Osolobuẹ gwa Mozizi gwa wẹ.

Ọpụpụ 7:6

Mozizi lẹ Ẹrọnụ mẹchanrịn kẹ Osolobuẹ dọn gwa wẹ.

Azaya 50:5

Onyẹ-nwọnni-ẹnyi wụ Osolobuẹ a shịapụgụọ m ntịn, efeni m isi, arụnị m isi ye imẹ.

Jọnụ 10:18

Onwọnni onyẹ rị a napụ m ndụn m; mmẹ rị e gi uche m e ye ẹ. Iyen'ẹ lẹ iwerizin'ẹ rịchanrịn m ẹka. Ẹrịra kẹ Nẹdi m gwa m.”

Jọnụ 12:49

Makẹni, ẹlẹ m gi uche m e ku; Nẹdi m hụn zihẹni m gwa m ihiẹn m sikọ d'a sị lẹ ihiẹn m sikọ d'e ku.

Jọnụ 14:15

“Omẹni ihiẹn m a sụọghọ ụnụ, ụnụ jẹnkọ d'e mẹ ihiẹn m sị ụnụ mẹ,

Jọnụ 14:21

Onyẹ a nụ ihiẹn m ku, e gi wẹ e bi, ịya kẹ ihiẹn m a sụọ. Onyẹ ihiẹn m a sụọ kẹ ihiẹn ẹ k'a sụọ Nẹdi m; ihiẹn ẹ k'a sụọzịkwọ mmẹ nwẹn, e we m enwẹn m ghọsị a.”

Jọnụ 14:23

Jesu nọ za a, “Onyẹ ọwụlẹ ihiẹn m a sụọ jẹnkọ d'e mẹ ihiẹn m ku. Ihiẹn ẹ k'a gha a sụọ Nẹdi m, mmẹ lẹ Nẹdi m a bịa d'e kunrun ẹ, du ẹ biri.

Jọnụ 14:31

kanị, m rị e mẹ nị ụwa marịn nị ihiẹn Chuku-Nẹdi a sụọ m a sụọ, nị ihiẹn Chuku-Nẹdi sị m mẹ kẹ m'e mẹ. Lihi ni nwan nị ẹnyi pụ ebeni.

Jọnụ 17:4

“E yegụọ m'ị ọghọ imẹ ụwanị ghahanị ịrụnchanrịn ọrụn i ye m rụn.

Jọnụ 4:34

Jizọsị nọ sị wẹ, “Ihiẹn-oriri m wụ imẹ uche onyẹ zini m lẹ ịrụnchanrịn ọrụn a.

Jọnụ 8:29

Onyẹ hụ zihẹni m nọyeni m anọyeni; ọ latọnị m, makẹni ogẹn ile kẹ m gi e mẹ ihiẹn a sụọn'a.”

Jọnụ 8:55

bụ ụnụ amarịn a; kalẹ mmẹ nwẹn a marịnghọ a. M sị amarịn m'a, a wụrụ m onyẹ ntụ kẹ ụnụ; kanị a marịnghọ m'a, ihiẹn ọ sị m mẹ kẹ m'e mẹ.

Ndị Kọrẹntị Ibuzọ 7:19

Ịkwa-ugun enwọn ihiẹn ọ wụ; akwanị-ugun enwọn ihiẹn ọ wụ; ihiẹn rị mkpa wụ imẹ ihiẹn Osolobuẹ ku.

Ndị Tẹsalonika Ibuzọ 4:1

Umunẹ ẹnyi, igi mẹkin, ẹnyi gi ẹfan Di-nwọnni-ẹnyi wụ Jizọsị a rịọ ụnụ: bisọnmẹ ni obibi hụ ụnụ mụnarịn ẹnyi nị ya a sụọ Osolobuẹ ụsụọ, obibi ahụn ụnụ rị nwan e bi; bikẹnmẹ ni ẹrịra.

Hibru 7:26

Onyẹ-isi nchụn-ẹjan nọ ẹnịna furu ẹnyi: onyẹ-isi nchụn-ẹjan hụn rị nsọ, nwọnlẹni njọ, nwọnlẹni ebe ọ nọ rụ, hụn ya lẹ ndị-njọ wụlẹni ohu, hụn Osolobuẹ bushigụ elu ghafedẹ igwere.

Pita Nke Ẹbụọ 2:21

O te ka wẹ mma nị amarịntudẹni wẹ Ụzọ hụ rị ọchan karị nị a marịngụ w'a, a gbakịtọ wẹ oku lẹ iwu hụ rị nsọ wẹ ye wẹ azụụn.

Jọnụ Ibuzọ 2:3

Ihiẹn ẹnyi gi a marịn nị ẹnyi a marịnghọ Osolobuẹ nke-esi wụ nị ẹnyi hụ e mẹ ihiẹn ọ gwa ẹnyi.

Jọnụ Ibuzọ 2:5

Kanị onyẹ hụn a gbaye oku Osolobuẹ, ịya nwọn ihiẹn-ọsụsụọ Osolobuẹ k'o furu. Ihiẹn ẹnyi gi a marịn nị ẹnyi rị imẹ ẹ wụ ọnwan:

Jọnụ Ibuzọ 2:6

onyẹ hụn sị n'ọ rị imẹ ẹ sikọ d'e birịrị k'o dọn bi.

Jọnụ Ibuzọ 5:3

Kẹ ẹnyi dọn e nwọn ihiẹn-ọsụsụọ Osolobuẹ wụ nị ẹnyi rị e mẹ ihiẹn ọ sị ẹnyi mẹ — bụ ihiẹn ọ sị ẹnyi mẹ ẹlẹ ibu,

Rẹvẹleshọnụ 22:14

Ngọzi rịnị ndị ahụn sụ ẹkwa wẹ, kẹni wẹ nị wẹ ri mkpụrụ osisi ahụn e ye ndụn, kẹni wẹ gha ọnụ-mgbọn hụ banye imẹ obodo hụ.