Jọnụ 14:6 - Ika

⁶ Jizọsị nọ sị a, “Mmẹ wụ ụzọ lẹ ezioku lẹ ndụn. Onwọnni onyẹ a bịa d'e kunrun Chuku-Nẹdi mmanị ọ ghaha ẹka m.

Jọnụ 14:6 Iomraidhean Croise

Matiu 11:27

Nẹdi m e bugụọ ihiẹn ile che m ẹka. Onwọnni onyẹ marịn Nwa mmanị Chuku-Nẹdi sụọ; onwọnzikwọnị onyẹ marịn Chuku-Nẹdi wezụka Nwa lẹzi onyẹ ọwụlẹ Nwa chọ n'o mẹ ẹ marịn Chuku-Nẹdi.

Jọnụ 1:14

Oku Chuku nọ họnrin ịhịan, sọn ẹnyi biri elu-ụwa. Ẹfọma lẹ ezioku jun imẹ ẹ! Ẹnyi a hụnọlẹ ikpẹn ẹ, ikpẹn akpụ Nwa ohu Chuku-Nẹdi mụ rọ.

Jọnụ 1:17

Osolobuẹ ye Iwu ghahanị Mozizi; kanị ẹfọma lẹ ezioku gha ẹka Jesu Kristi bịa.

Jọnụ 1:4

Imẹ ẹ kẹ ndụn rị; ndụn hụ wụ ukpẹ ịhịan ile.

Jọnụ 10:28

M'e ye wẹ ndụn itẹbitẹ; alakọ wẹ iwi. Onwọnni onyẹ sikọ d'a napụ m wẹ.

Jọnụ 10:7

Ya Jizọsị nọ nwan sị wẹ, “Ezioku kẹ m rị a gwa ụnụ, mmẹ wụ ọnụmụzọ atụnrụn a gha.

Jọnụ 10:9

Mmẹ wụ ọnụmụzọ. Onyẹ gha m banye sikọ d'e nwọn nzụọpụha; o k'a gha e jẹn, a lụa, a hụnsọnmẹ ẹfịfịa e ri.

Jọnụ 14:19

“Ọ họdụ ẹkẹrẹ nị ụwa hụnbehi m; kanị ụnụ nwẹn k'a gha a hụn m. Makẹni m rị ndụn, ụnụ nwẹn k'a rịzị ndụn.

Jọnụ 15:1

“Mmẹ wụ ezigbo vaịnị; Nẹdi m wụ hụn e lepụ a ẹnya.

Jọnụ 18:37

Ya Paịleti nọ jụ a, “Eze k'ị wụ nwan?” Jizọsị nọ sị a, “Ọ ghagụọ ọnụ ị pụha ni m wụ eze. M bịa d'a shịanị ezioku ẹri: ufiri ẹ kẹ wẹ gi mụ m; ịya haịn m gi bịa imẹ ụwa. Onyẹ wụ nke ezioku e gọn ntịn oku m.”

Jọnụ 5:21

Eziẹ, kẹ Chuku-Nẹdi dọn e weli onyẹ nwụnhụnnị e we ndụn e ye ẹ, ẹrịra kẹ Nwa a dọnzi e we ndụn e ye ndị ọ chọ n'o ye.

Jọnụ 6:33

Makẹni brẹdi Osolobuẹ wụ onyẹ hụ gha elu-igwee bịa, hụn rị e ye ụwa ndụn.”

Jọnụ 6:51

Mmẹ wụ brẹdi hụ rị ndụn hụn gha elu-igwee bịa. Onyẹ hụn ri brẹdini jẹnkọ d'a rị ndụn jẹnrin ejẹn. Ẹhụ m wụ brẹdi hụ m jẹnkọ d'e ye kẹni ndị rị ụwa rị ndụn.”

Jọnụ 6:57

“Kẹ m dọn rị ndụn makẹni Chuku-Nẹdi zihẹni m rị ndụn, ẹrịra kẹ onyẹ hụn rini m k'a dọn rị ndụn makẹni m rị ndụn.

Jọnụ 6:68

Saịmọnụ wụ Pita nọ za a, sị, “Di-nwọnni-ẹnyi, onyẹ kẹ ẹnyi burukọ? Ịyụ e ku oku ndị e ye ndụn itẹbitẹ.

Jọnụ 8:32

ụnụ jẹnkọ d'a marịn ezioku, ezioku a tọpụ ụnụ ẹgbụn-igbọn.”

Jọnụ 8:51

Ezioku kẹ m rị a gwa ụnụ, onyẹ mẹ ihiẹn m ku ahụnkọ ọnwụn, kaka.”

Ọrụn Ndị-ozi 3:15

Ụnụ nọ gbu onyẹ hụn e ye ndụn, kanị Osolobuẹ nọ gha ọnwụn weli ẹ. Ihiẹnni mẹye ẹnyi ile ẹnya.

Ọrụn Ndị-ozi 4:12

Onwọnni onyẹ ọzọ nzụọpụha gha ẹka a a bịa, makẹni onwọnni ẹfan ọzọ rị okpuru elu-igwee hụn Osolobuẹ ye ịhịan n'o gi nwọn nzụọpụha karị ẹfan Jesu.”

Ọrụn Ndị-ozi 9:2

sị a deye ẹ ẹkụkwọ-ozi jẹnni ụlọ-ofufe ndị Ju ile rịkwọrị Damaskọsụ, kẹni, ọ hụn onyẹ ọwụlẹ rị e sọn Ụzọ-Jesu ebẹhụ, o kẹnmẹhẹn wẹ Jerusalẹm, ọsụọn'a okẹnnyẹ mọbụ okpoho.

Ndị Rom 15:16

hụn o gi tumẹ m onyẹ-ọrụn Kraịstị wụ Jizọsị imẹ igunrun ndị wụlẹni ndị Ju. M rị nwan a rụn kẹ onyẹ nchụn-ẹjan ghahanị izisọnmẹ oziọma Osolobuẹ, kẹni wẹ wẹhẹ ndị alị ndị ọzọ d'a wụrụ oyiye Osolobuẹ a nabanhan, oyiye hụn Mmọn-nsọ dọn nsọ.

Ndị Rom 5:2

onyẹ hụn Osolobuẹ gha ẹka a gi okukwe ẹnyi webanhan ẹnyi ọnọdị ndị wẹ mẹni ẹfọma hụn ẹnyi turu nwan imẹ ẹ; ẹnyi rị nwan a ṅan makẹni ẹnyi rị e lee ẹnya ọghọ Osolobuẹ jẹnkọ d'e ye ẹnyi!

Ndị Rom 5:21

n'ọ wụrụ nị kẹ njọ dọn gi ọnwụn kị ẹrịra kẹ ẹfọma Osolobuẹ k'e dọnzi gi ezi-omumẹ ọ rị e ye ịhịan kị — gi ẹrịra mẹ ịhịan nwọnhẹn ndụn-itẹbitẹ ghahanị Di-nwọnni-ẹnyi wụ Jizọs Kraịstị.

Ndị Kọrẹntị Ibuzọ 15:45

Ẹrịra kẹ wẹ de ẹ imẹ Ẹkụkwọ-nsọ, sị, “Ịhịan ibuzọ hụn wụ Adam họ̀nrin onyẹ rị ndụn,” kanị Adam ikpanzụụn e họnrin mmọn e ye ndụn.

Ndị Ẹfẹsọsụ 2:18

Ghahanị Kraịstị, ẹnyi ile a sa nwan ẹka a gha Mmọn-nsọ ohu a banhan ebe Nẹdi ẹnyi wụ Osolobuẹ rị, kẹ ndị Ju kẹ ndị alị ọzọ.

Ndị Kolosị 2:17

Ihiẹn ndịnị ile wụhụ onyinyọn ihiẹn lalanị, ezigbo ẹ wụ Kraịstị.

Ndị Kolosị 2:9

Kanị, ihiẹn ile Osolobuẹ gi wụrụ Osolobuẹ zu oke ẹhụ Kraịstị.

Ndị Kolosị 3:4

Ogẹn Kraịstị hụn wụ ndụn ụnụ jẹnkọ d'e gi pụha, ụnụ nwẹn e sọn ẹ gi ọghọ pụha.

Hibru 7:25

Ufiri ẹ, k'o gi a sa ẹka a zụọpụha ndị ghaha ẹka a d'e kunrun Osolobuẹ, a zụọpụha wẹ d'e ru isi ẹ, makẹni ọ rịsọnmẹ ndụn, a rịọdọnni wẹ Osolobuẹ.

Hibru 9:8

Mmọn-nsọ gi ihiẹn ndịnị a ghọsị nị omẹni echẹn kẹ wẹ rịkwọ e fe ofufe Ọdụ-ofufe ibuzọ hụ, ụzọ wẹ gha a banye ebahụn rị nsọ eke pụha.

Pita Ibuzọ 1:21

Ụnụ a ghagụọ nwan ẹka Kraịstị kwerini Osolobuẹ hụn gha ọnwụn weli Kraịstị, ye Kraịstị ọghọ. Ya wụ nị Osolobuẹ kẹ ụnụ kwerini; Osolobuẹ kẹ ụnụ gi dọn ẹnya.

Pita Ibuzọ 2:4

Ụnụ a bịagụọ nwan d'e kunrun ẹ: ọmụma ahụn rị ndụn, hụn ịhịan jụ; kanị ẹnya Osolobuẹ, ọmụma ọ họrị hụn rị okẹn mkpa k'ọ wụ.

Pita Ibuzọ 3:18

Makẹni, Kraịstị gi ufiri njọ tazịkwọ afụnfụn, nwụn, (mgbe ohu k'ọ nwụn, ọ nwụnkọzị), Onyẹ rị ọchan hụn nwụnnị ndị njọ ọnwụn — kẹni ọ hụn ụzọ wẹhẹ ẹnyi ile ebe Osolobuẹ rị. Wẹ gbu ẹ, ọ nwụnhụn kẹ ịhịan, kanị Chuku nọ mẹ mmọn a rị ndụn,

Jọnụ Ibuzọ 1:8

Ẹnyi sị nị ẹnyi emẹni njọ, ẹnyi rị a tụ enwẹn ẹnyi ntụ, ezioku arị imẹ ẹnyi.

Jọnụ Ibuzọ 2:23

Ẹghẹẹ! Makẹni onyẹ hụn jụ Nwa Chuku enwọn Chuku-Nẹdi imẹ ndụn a; onyẹ hụn kwerini Nwa Chuku e nwọnzighọ Chuku-Nẹdi.

Jọnụ Ibuzọ 5:20

Ẹnyi a marịnghọ nị Nwa Osolobuẹ a bịagụọ, n'o yegụọ ẹnyi nghọta hụn ẹnyi e gi marịn onyẹ ahụn wụ Ezioku. Ẹnyi rị nwan imẹ onyẹ ahụn wụ Ezioku lẹ Nwa a wụ Jesu Kristi. Ịya wụ Osolobuẹ nke-esi lẹ ndụn-itẹbitẹ.

Jọnụ Ibuzọ 5:6

Jizọs Kraịstịnị gi mirin lẹ ẹdeke ghọsị onyẹ ọ wụ. Ẹlẹ mirin sụọ, kanị mirin lẹ ẹdeke. Mmọn-nsọ lẹ enwẹn ẹ rị a shịa ẹrini, makẹni Mmọn-nsọ wụ Onyẹ ezioku.

Jọnụ Nke Ẹbụọ 1:9

Onyẹ fe mgbọn, hụn nke o gi nọdị ebe nkuzi Kraịstị dọnmẹ ẹ, hụnyẹ enwọn Osolobuẹ. Kanị onyẹ hụn sọnsọnmẹ nkuzi Kraịstị k'o dọn rị e nwọnghọ kẹ Chuku-Nẹdi kẹ Nwa Chuku.

Rẹvẹleshọnụ 1:5

lẹ Jizọsị Kraịstị — Jizọsị Kraịstị hụn wụ ọshẹri ahụn furu wẹ gi e dọn ẹnya, onyẹ ibuzọ gha ọnwụn lihi, onyẹ hụn a kị ndị-nze rị elu-ụwa, onyẹ hụn nwọn ihiẹn-ọsụsụọ ẹnyi, gi ẹdeke ẹ gbapụha ẹnyi ẹka njọ ẹnyi;

Rẹvẹleshọnụ 19:11

Ya m nọ hụn kẹ elu-igwee kpupụ, a hụn m ẹshin ọchan ebẹhụ; ẹfan onyẹ rị e nyinn'ẹ wụ “Onyẹ-wẹ-gi-dọn-ẹnya lẹ Ezioku.” Ọ han ezigbo eṅẹn, a lụ agha furuni.

Rẹvẹleshọnụ 20:15

Onyẹ ọwụlẹ wẹ hụnlẹni ẹfan a imẹ ẹkụkwọ ndụn-itẹbitẹ, a tụ w'a ye imẹ odiyiri ọkụn hụ.

Rẹvẹleshọnụ 22:1

Ya mmọn-ozi hụ nọ ghọsị m iyi hụn mirin ẹ e ye ndụn. Ọ hụ e nwun zaị kẹ ughegbe; ukpo-eze Osolobuẹ lẹ Nwa-ebulu ahụn k'ọ rị a gha e hupụha.

Rẹvẹleshọnụ 22:17

Mmọn-nsọ lẹ okpoho hụ ya lẹ Jesu jẹnkọ d'a gba ẹkụkwọ sị, “Bịa!” Onyẹ ọwụlẹ nụnị ya sịzị, “Bịa!” Onyẹ ọwụlẹ ẹgụn-mirin rị a gụn ya bịa! Onyẹ ọwụlẹ chọnị, ya weri mirin ahụn e ye ndụn, ya weri ẹ ọfẹ ra.

Rẹvẹleshọnụ 3:14

“Dejẹnni onyẹ-isi ụka Laodishia, sị a, “Lee ihiẹn onyẹ hụ wụ Isẹẹ — Ọshẹri ahụn wụ onyẹ ezioku furu wẹ gi e dọn ẹnya; Onyẹ hụ ihiẹn ile Osolobuẹ ke gha ẹka a bịa: ọ sị,

Rẹvẹleshọnụ 3:7

“Dejẹnni onyẹ-isi ụka Filadefịa, sị a: “Lee ihiẹn onyẹ hụ rị nsọ ku, onyẹ ezioku; onyẹ hụ gi ịsanhan Defidi; onyẹ hụ wẹ ghalẹni a saẹka a gụnma ụzọ ọ gụnpụ mọbụ gụnpụ ụzọ ọ gụnma: ọ sị,