Jọnụ 14:2 - Ika

² Mmughẹ bu ọda iwe Nẹdi m. Omẹni ẹlẹ ẹrịra, nkẹ m'a gwa ụnụ. M shikọ nwan d'a kwademẹni ụnụ ebe ụnụ k'e bi.

Jọnụ 14:2 Iomraidhean Croise

Luku 14:22

Omẹgụ, odibo hụ nọ bịa, sị a, ‘Diọkpa, e mẹgụọ m ihiẹn i zi m, kanị ebẹhụ eke junkwọ.’

Jọnụ 13:33

“Ụmụ m, mmẹ lẹ ụnụ sikọ d'a nọdịzị ẹkẹrẹ sụọ. Ụnụ jẹnkọ d'a chọ m. Kẹ m dọn gwa ndị-ndu ndị Ju kẹ m rị nwan a gwa ụnụ: ‘Ụnụ asakọ ẹka bịa ebe m jẹnkọ.’

Jọnụ 13:36

Saịmọnụ w'a kpọ Pita nọ sị a, “Di-nwọnni-ẹnyi, elebe k'i jẹnkọ?” Jizọsị nọ sị, “Ebe m jẹnkọ, y'a saẹka sọn m kikẹnni — kanị omẹgụ kẹ yụ nwẹn sikọ d'a bịa.”

Jọnụ 14:28

Ụnụ a nụghọ kẹ m sị ụnụ, ‘M pụkọ apụkọ’ lẹni ‘m sikọ d'e kinhẹn d'e kunrun ụnụ.’ Omẹni ihiẹn m sụọ ụnụ, nkẹ ụnụ hụ a ghọghọ nị m burukọ Chuku-Nẹdi, makẹni ịya ka m.

Jọnụ 16:4

Kanị, a gwatọgụọ m ụnụ ihiẹn ndịnị, kẹni, o mẹmẹ, ụnụ a nyanhan nị a gwatọgụọ m ụnụ ya. “Agwanị m ụnụ ihiẹn ndịnị isi mbidọn, makẹni mmẹ lẹ ụnụ rị.

Jọnụ 17:24

“Baba! M chọ nị ndị ile i ye m sọn m rị ebe m rị, nị wẹ hụn ọghọ m, ọghọ hụn i ye m makẹni i nwọn ihiẹn-ọsụsụọ m n'i d'e kedẹ ụwa.

Ọrụn Ndị-ozi 9:16

mmẹ lẹ enwẹn m jẹnkọ d'a ghọsị a okẹn afụnfụn ẹfan m k'e buhẹn'ẹ.”

Ndị Kọrẹntị Nke Ẹbụọ 5:1

Makẹni ẹnyi a marịnghọ nị wẹ tikpọ ẹhụ ẹnyini, ọdụnị ẹnyi bi imẹ ẹ imẹ ụwanị, ẹnyi e nwọnghọ ụlọ Osolobuẹ tụn, ụlọ wẹ gilẹni ẹka tụn hụn rị imẹ elu-igwee, ụlọ hụn k'a rị jẹnrin ejẹn.

Ndị Tẹsalonika Ibuzọ 5:9

Makẹni, ẹlẹ afụnfụn kẹ Osolobuẹ tumẹ ẹnyi d'a narịn; ọ kpọ ẹnyi d'e nwọnrin nzụọpụha ghahanị Di-nwọnni-ẹnyi wụ Jesu Kristi.

Taịtọsụ 1:2

M rị a rụn kẹni wẹ nwọnhẹn ndụn itẹbitẹ ahụn ẹnyi rị e lee ẹnya a hụn Osolobuẹ ghalẹni a tụ ntụ kwe nkwa a ẹdẹi nị ogẹn d'e bidọndẹ,

Hibru 11:10

Ebraham mẹ ẹrịra makẹni obi ẹ rịchanrịn obodo ahụn k'a rị jẹnrin ejẹn, obodo ahụn Osolobuẹ gi ẹka a ropụha, tụn.

Hibru 13:14

makẹni ẹnyi enwọn obodo ọwụlẹ wụ nke ẹnyi elu ụwa ebeni; kama, ẹnyi rị a tụ ẹnya obodo hụ lalanị.

Hibru 6:20

ebẹhụ Jesu burugụnị ẹnyi ụzọ banye makẹ ọrịrịmma ẹnyi, makẹni ọ wụrụgụọ onyẹ-isi nchụn-ẹjan jẹnrin ejẹn, ụdị nke Mẹkizẹdẹkị.

Hibru 9:8

Mmọn-nsọ gi ihiẹn ndịnị a ghọsị nị omẹni echẹn kẹ wẹ rịkwọ e fe ofufe Ọdụ-ofufe ibuzọ hụ, ụzọ wẹ gha a banye ebahụn rị nsọ eke pụha.

Rẹvẹleshọnụ 1:5

lẹ Jizọsị Kraịstị — Jizọsị Kraịstị hụn wụ ọshẹri ahụn furu wẹ gi e dọn ẹnya, onyẹ ibuzọ gha ọnwụn lihi, onyẹ hụn a kị ndị-nze rị elu-ụwa, onyẹ hụn nwọn ihiẹn-ọsụsụọ ẹnyi, gi ẹdeke ẹ gbapụha ẹnyi ẹka njọ ẹnyi;

Rẹvẹleshọnụ 21:2

M nọ hụn obodo nsọ hụ, Jerusalẹm ọhụn, k'ọ gha ẹka Osolobuẹ imẹ elu-igwee hidanla. Ọ nọ kẹ nwagbọọ chọgụ mma agbamẹkụkwọ rị e che di ẹ.

Rẹvẹleshọnụ 3:12

Onyẹ hụn mẹrini kẹ m k'e gi họnrin adansụn imẹ Ụlọ-nsọ Osolobuẹ m, ọ pụkọzị ebẹhụ kaka! M k'e de ẹfan Osolobuẹ m lẹ ẹfan Jerusalẹm ọhụn wụ obodo uku Osolobuẹ m ye ẹ ẹhụ, Jerusalẹm hụn k'a gha elu-igwee lẹ ẹka Osolobuẹ m bịa; m k'e dezikwọ ẹfan ọhụn m ye onyẹ ahụn ẹhụ.

Rẹvẹleshọnụ 3:21

Onyẹ mẹri, a nị m'a sọn m nọdị ukpo-eze m, kẹ mmẹ nwẹn dọn mẹri, sọn Nẹdi m nọdị ukpo-eze ẹ.