Jọnụ 13:8 - Ika

⁸ Kanị Pita nọ sị a, “Onwọnni ogẹn y'e gi chan m ụkụ, kaka!” Jesu nọ sị a, “Omẹni achannị m'ị, onwọnni ihiẹn mmẹ lẹ yụ gi.”

Jọnụ 13:8 Iomraidhean Croise

Jẹnẹsisi 42:38

Kanị Jekọpụ nọ sị a, “Nwa m esọnkọkwọ ụnụ! Josẹfụ nwa nnẹ ẹ a nwụnhụngụọ, ya sụọ họdụ nwan. Eje-ihiẹn mẹzi ẹ tan ijẹnni ụnụ chọ nị ụnụ jẹn, ụnụ e mẹ mmẹ lẹ isi m ni chanchanrịngụ ẹwọ kwan ụya la mmọn.”

Samuẹlụ Nke Ẹbụọ 20:1

Onyẹ ohu e mẹ oku rị ebẹhụ kẹ wẹ rị e kpe imẹ Gil'galụ; ẹfan a wụ Shẹba nwa Bikri, onyẹ ebọn Bẹnjamini rọ. Ọ nọ gbu opi, yi, “Onwẹni hụn runi ẹnyi ebe Defidi rị; onwẹni hụn wụ nke ẹnyi ebe nwa Jese rị! Onyẹ ọwụlẹ lashikwọ iwe ẹ-oo ụnụ ndị Izrẹlụ wụlẹni Juda!”

Ndị-nze Nke Ibuzọ 12:16

Mgbe ndị Izrẹlụ ile gi hụn a nị eze ekweni gọn wẹ ntịn, wẹ nọ sị eze: “Elee hụn wụdẹ nwan nke ẹnyi imẹ ẹbozo Defidi? Onwọnni hụn ru ẹnyi imẹ nwa Jese. A la nị iwe ụnụ, ndị Izrẹlụ! Ẹbozo Defidi, lepụma nị iwe ụnụ ẹnya!” Ya kẹ ndị Izrẹlụ nọ la iwe wẹ.

Ẹbụ-ọma 51:2

Chanchanpụchanrịn ihiẹn ile m mẹ ikpe gi ma m, y'e fepụ m ẹhụ njọ m mẹ!

Ẹbụ-ọma 51:7

Gi ẹrurushin-hisopu i fe m ẹhụ kẹni m rịzị ọchan; sụ m ọhụnma-ọhụnma lekẹ ẹkwa, kẹni m nwunnahịn ẹkwa-ọchan.

Azaya 4:4

Makẹni, ogẹn ahụn, Osolobuẹ k'a chanchanpụchanrịn ụrụ ikpoho Zayọnụ; o k'e ye wẹ afụnfụn, mẹ wẹ ihiẹn ọkụn e mẹ, gi ẹ finchanpụ Jerusalẹm ẹdeke rịn'a.

Izikẹlụ 36:25

E fekpu m ụnụ mirin nwunni, gi ẹ fepụ ụnụ ụrụ ile ụnụ rụ lẹ mmọn ile ụnụ fe.

Zẹkaraya 13:1

O ru ogẹn hụ, isi-mirin hụn a chanchanpụ njọ lẹ ụrụ k'e kpupụnị ebọn Defidi lẹ ndị bi Jerusalẹm.

Matiu 16:22

Kanị Pita nọ weri ẹ shi ụsụọ, jụgbọ a, sị, “Di-nwọnni-ẹnyi, Osolobuẹ a jụ! Onwọnni ogẹn ihiẹnni e gi mẹ i!”

Matiu 21:29

Ọ nọ sị, ‘Ejẹnkọ m.’ Kanị, omẹgụ, o rohutọ, jẹnmẹ.

Matiu 26:33

Pita nọ shịarị Jizọsị, “Ọsụọn'a nị ịhịan ile e gi ufiri i danpụ, onwọnni ogẹn m'e gi danpụ!”

Matiu 26:35

Pita nọ sị, “Kaka, aghọrịkọ m n'a marịn m'ị, ọsụọn'a nị mmẹ lẹ yụ jẹnkọ d'a nwụn!” Ndị nsọnmazụụn ile họdụnị nọ kuzikwọ ẹrịra.

Jọnụ 13:6

O ru Saịmọnụ wụ Pita, Pita nọ sị a, “Di-nwọnni-ẹnyi, ịyụ k'a chanmazị m ụkụ ra?!”

Jọnụ 13:9

Ya Saịmọnụ wụ Pita nọ sị a, “Di-nwọnni-ẹnyi, ẹlẹzi nwan ụkụ sụọ kị k'a chan m, chanzị m nwan ẹka lẹ isi!”

Jọnụ 3:5

Jizọsị nọ sị a, “Ezioku kẹ m rị a gwa ị, mmanị wẹ gi mirin lẹ Mmọn-nsọ mụ ịhịan, ọ saẹka banye Alị-eze Osolobuẹ.

Ọrụn Ndị-ozi 22:16

K'ị rị nwan e che?! Lihi nị wẹ mẹ i mirin-Chuku, kẹni wẹ chanchanpụ ị njọ ị ebe i nọ a kpọku ẹfan a.’

Ndị Kọrẹntị Ibuzọ 6:11

Ihiẹn ndịnị kẹ ụfọdụ imẹ ụnụ te wụ, kanị Osolobuẹ ẹnyi gi Mmọn-nsọ a chanchan ụnụ; o dọn ụnụ nsọ, gi ẹfan Jizọs Kraịstị Di-nwọnni-ẹnyi nabanhan ụnụ.

Ndị Ẹfẹsọsụ 5:26

kẹn'o gi mirin hụ wụ oku-Osolobuẹ chanchan a, dọn ẹ nsọ,

Ditrọnọmi 12:12

ụnụ a nọzị ihun Osolobuẹ wụ Chuku ụnụ ebẹhụ mẹ mmẹmmẹ rịn'a, ụnụ lẹ ụmụ ụnụ ikẹnnyẹ lẹ ikpoho, idibo ụnụ ikẹnnyẹ lẹ ikpoho lẹzi ndị Livaị rị obodo ụnụ makẹni ekeyeni wẹ ndị Livaị alị mọbụ ukuu nke ẹka wẹ.

Ndị Kolosị 2:18

Anịlẹ ni ịhịan gi oku imẹshi ẹhụ ikẹn mọbụ oku ife ndị mmọn-ozi ma ụnụ ikpe: hụnyẹ e mẹ oku ọhụn ọ hụn, kanị ihiẹn rị a kịn'a wụ iroro ẹ hụn rị e bu ẹ isi.

Ndị Kolosị 2:23

W'a la ẹnya ọda — kẹ ife-ofufe w'a waye enwẹn wẹ olu kẹ iwelụa enwẹn ịhịan alị wụlẹni ezigbo ẹ kẹ imẹshi ẹhụ ikẹn. Kanị, ihiẹn la iwi rọ, makẹni ịhịan ara gi wẹ a saẹka e kwọndọn enwẹn ẹ.

Taịtọsụ 3:5

ọ nọ zụọpụha ẹnyi, ẹlẹ ihiẹn rị mma ẹnyi mẹ haịn, kanị, omikẹn ẹ; o gi ịmụdọnzini ẹnyi chanchan ẹnyi, o mẹ ẹnyi wụrụ ndị ọhụn ghahanị Mmọn-nsọ,

Hibru 10:22

Nị ẹnyi gichanrịn ni nwan obi ẹnyi lẹ okukwe obi ẹbụọ rịlẹni buruhẹ Osolobuẹ, ẹnyi lẹ obi o fepụgụ ihiẹn ile obi gi e gbu ẹnyi mgbu, lẹ ẹhụ o gi mirin nwunni wụchanpụ.

Rẹvẹleshọnụ 1:5

lẹ Jizọsị Kraịstị — Jizọsị Kraịstị hụn wụ ọshẹri ahụn furu wẹ gi e dọn ẹnya, onyẹ ibuzọ gha ọnwụn lihi, onyẹ hụn a kị ndị-nze rị elu-ụwa, onyẹ hụn nwọn ihiẹn-ọsụsụọ ẹnyi, gi ẹdeke ẹ gbapụha ẹnyi ẹka njọ ẹnyi;

Rẹvẹleshọnụ 7:14

M nọ sị a, “Diọkpa, ịyụ marịn ndị wẹ wụ.” Ọ nọ sị m, “Ndịnị gha okẹn ukpokpo hụ pụha. Wẹ gi ẹdeke Nwa-ebulu hụ sụ ẹwuru wẹ, wẹ nọ họnrin ẹkwa-ọchan.