Jọnụ 12:43 - Ika

⁴³ Mma ịhịan k'a ja wẹ ka wẹ a sụọ karị hụn Osolobuẹ k'a ja wẹ.

Jọnụ 12:43 Iomraidhean Croise

Ẹbụ-ọma 22:29

Wẹ k'e rigụ, hulụan'a isi — kẹ ndị uku ile rị elu-ụwa; ndị ile a nwụnnị k'a kụn'a isi-alị, ndị ile ghalẹni a s'ẹka e dọnmẹ enwẹn wẹ ndụn.

Itẹn 29:25

Ịtụ egun ịhịan wụ ọnyan, kanị onyẹ gi Osolobuẹ dọn ẹnya, onwọnni ihiẹn e mẹn'ẹ.

Matiu 6:2

“Ya wụ, ụnụ gha e ye ndị igbẹnnyẹ ihiẹn, akụlẹ ni ẹgogo kẹ ndị-ihunnaị dọn e mẹ imẹ ụlọ-ofufe lẹ ọkpụzọ, kẹni ịhịan ile ja wẹ mma. M rị a gwa ụnụ ezioku, a narịnchanrịngụọlẹ wẹ ụgwọ-ọrụn wẹ.

Luku 16:15

Kanị Jizọsị nọ sị wẹ, “Ụnụ rịhụ e mẹ nọkẹ sị ụnụ a rịka mma ebe ịhịan rị, kanị, Osolobuẹ a marịngụọ obi ụnụ. Makẹni, ihiẹn rị mkpa ọda ẹnya ịhịan wụ arụ ẹnya Osolobuẹ.

Luku 19:17

Ọ nọ sị a, ‘Ezigbo odibo! Y'e mẹkẹ. Ebe o mẹ ni y'e kwọndọngụọ ihiẹn mẹgbu enwẹn ẹ ẹkẹrẹ ọhụnma, weri obodo iri kịma.’

Jọnụ 12:26

Onyẹ chọ n'ọ gbanị m odibo ya sọnmẹ m, nị ebe m rị kẹ odibo m k'a rị; Nẹdi m jẹnkọ d'e ye onyẹ k'a gbanị m odibo ọghọ.

Jọnụ 5:41

M'a ra narịn ọjịja-mma ịhịan;

Jọnụ 5:44

Nanị nkẹ ụnụ a dọndẹ nwan kweri? Ụnụ hụn a narịn ọjịja-mma ẹka ibe ụnụ, kanị ụnụ ara lịlịma nị Onyẹ hụ ya sụọ wụ Osolobuẹ ja ụnụ mma.

Jọnụ 7:18

Onyẹ gi ikẹn ẹ e ku rị a chọ nị wẹ ja a mma; kanị onyẹ rị e mẹ nị wẹ ye onyẹ zin'ẹ ọghọ wụ onyẹ ezioku, ntụ arị imẹ ẹ.

Jọnụ 8:54

Jizọsị nọ sị, “M ye enwẹn m ọghọ, ọghọ hụ la iwi. Nẹdi m wụ hụn e ye m ọghọ, onyẹ nwẹn ụnụ sị ‘Ịya wụ Chuku ẹnyi’,

Ndị Rom 2:29

Kama, ezigbo onyẹ Ju wụ ihiẹn imẹ obi; ezigbo ugun wụzị ihiẹn imẹ-mmọn, ẹlẹ oku mkpụrụ-oku wẹ detu. Onyẹ nọ ẹnịna a narịn ịja-mma ẹka Osolobuẹ, ẹlẹ ẹka ịhịan.

Ndị Rom 2:7

Nke ndị e mẹsọnmẹ mma makẹni wẹ rị a chọ nị Osolobuẹ ye wẹ ọghọ lẹ mgbaye lẹ ndụn nwọnlẹni ọgụgụ, Osolobuẹ k'e gi ndụn itẹbitẹ kụ wẹ ụgwọ.

Ndị Kọrẹntị Ibuzọ 4:5

Eke hanlẹ ni nwan eṅẹn ebe ogẹn kelẹni ru. Cheri ni nị Di-nwọnni-ẹnyi bịa. O jẹnkọ d'e wepụha ihiẹn rị imẹ ishi ifọn, o kpuchanrịn obi ile oghe. Ogẹn hụ, onyẹ-onyẹ a narịn ọjịja-mma run'ẹ ẹka Osolobuẹ.

Ndị Kọrẹntị Nke Ẹbụọ 10:18

Makẹni, ẹlẹ onyẹ hụn a ja enwẹn ẹ mma kẹ Osolobuẹ e ku oku ẹ ọhụnma, kanị onyẹ hụn Osolobuẹ ja mma.

Ndị Tẹsalonika Ibuzọ 2:6

Ẹnyi emẹni nị ịhịan ja ẹnyi mma, kẹ ụnụ kẹ ndị ọzọ.

Pita Ibuzọ 3:4

Ka nị nị mma ụnụ wụrụ mma imẹ obi, mma ahụn ghalẹni a fapụ, mma imẹ-jụụ lẹ ịwụ-ọmẹhẹn, hụn rị mkpa ọda-ọda ẹnya Osolobuẹ.

Samuẹlụ Nke Ibuzọ 15:30

Sọlụ nọ sị, “E mẹọlẹ m njọ. Ka dodo, ye m ọghọ ihun ndị-ichẹn ẹnyi lẹ ihun Izrẹlụ ile; sọnkin m, nị m d'e fe Osolobuẹ wụ Chuku i.”

Samuẹlụ Nke Ibuzọ 2:30

“Makẹ ufiri ẹ, Osolobuẹ, hụn wụ Chuku ndị Izrẹlụ, sị, ‘E te kwegụọ m nkwa nị ikpụnọ ị lẹ ẹbozo nẹdi i jẹnkọ d'a wụsọnmẹ ndị nchụn-ẹjan m.’ Kanị m sị ị nwan nị emẹkọzị m'a! Ndị ye m ọghọ kẹ m k'e ye ọghọ; ndị lelịanị m, e lelịa m wẹ.