Jọnụ 11:51 - Ika

⁵¹ Kanị, ẹlẹ ya gi uche ẹ ku ihiẹnni: ịya wụ onyẹ-isi nchụn-ẹjan ahụa hụ, amụma k'o bu ihiẹn hụ — nị Jesu jẹnkọ d'a nwụndọnni ndị Ju ọnwụn.

Jọnụ 11:51 Iomraidhean Croise

Ọpụpụ 28:30

Buzikwọ utẹn Osolobuẹ wụ Urim lẹ Tumim hụ wẹ gi a jụ a uche ẹ che imẹ Ẹkpa Elu-obi, kẹni wẹ hụn ụzọ a rị Ẹrọnụ elu obi ọ banye ebe Osolobuẹ rị, Ẹrọnụ a hụn ụzọ e buni ndị Izrẹlụ ihiẹn wẹ gi a chọ uche Osolobuẹ ebe Osolobuẹ rị ogẹn ile.

Daniẹlụ 9:26

‘Ẹsa ụzọ ẹbụọ-kwasị-ọgụn-ẹtọ hụ’ ghafegụ, e gbu wẹ Onyẹ hụ Osolobuẹ tumẹ bụ onwọnni ihiẹn ọ latọ. Ndị-agha hụn wẹ lẹ onyẹ ọkịkị ohu k'a wị bịa k'e tikpọ obodo nsọ lẹ Ụlọ-nsọ hụ. Isi njẹndemẹ k'a bịa idẹnmizi kẹ okẹn mirin rị e huni: Agha k'a lụsọnmẹ d'e ru njẹndemẹ, Osolobuẹ e kugụọ a nị okẹn ntikpọ jẹnkọ d'a rị.

Ọgụngụn 22:28

Osolobuẹ nọ shịapụ jaki ahụn ọnụ, ọ nọ sị Balaam, “Kị m mẹ i, i gi fịan m ihiẹn mgbe ẹtọnị?”

Ọgụngụn 24:2

O lee ẹnya, ọ hụn ndị Izrẹlụ kẹ wẹ ziẹntọsọnmẹ ebọn-ebọn, Mmọn Osolobuẹ nọ ban imẹ ẹ,

Matiu 20:28

nọkẹ kẹ mmẹ Nwa nke Ịhịan dọn bịa, ẹlẹ ni wẹ gbanị m odibo, kama, kẹni m gba odibo, yezikwọ ndụn m, gi ẹ gbapụha ndị bu ọda.”

Jọnụ 10:15

nọkẹ kẹ Nẹdi m dọn marịn m, mmẹ nwẹn a marịn Nẹdi m. M rị e gi ufiri atụnrụn ndị hụ e ye ndụn m.

Jọnụ 11:49

Ya kẹ onyẹ ohu imẹ wẹ wụ Kayafasị hụn wụ onyẹ-isi nchụn-ẹjan ahụa hụ nọ sị wẹ, “Ụnụ amarịn ihiẹn kaka!

Jọnụ 18:13

Wẹ nọ bu ụzọ we ẹ jẹnni Anasị, nẹdi nwunyẹ Kayafasị. Kayafasị wụ onyẹ-isi nchụn-ẹjan ahụa hụ.

Ndị Kọrẹntị Ibuzọ 13:2

O mẹdẹ ni m nwọn oyiye m gi e bu amụma e zi ozi Osolobuẹ, nwọnzikwọ oyiye m gi a ghọta ihiẹn ile mini lẹ hụn m gi a marịnchanrịn ihiẹn ile; ọsụọn'a nị m nwọn okukwe ile, nwọndẹ hụn m gi a saẹka e bupụ ugu ọnọdị a bụ enwọn m ihiẹn-ọsụsụọ, onwọnni ihiẹn m wụ!

Ndị Kọrẹntị Nke Ẹbụọ 5:21

Osolobuẹ gi ufiri ẹnyi gi Kraịstị mẹlẹni njọ họnrin onyẹ mẹ njọ, kẹni ẹnyi gha ẹka a họnrin ndị ezi-omumẹ ẹnya Osolobuẹ.

Ndị Galeshịa 3:13

Kraịstị gbapụha ẹnyi imẹ abụmọnụ rị imẹ Iwu ghahanị igi ufiri ẹnyi wụrụ onyẹ wẹ bụ ọnụ. Makẹni, Ẹkụkwọ-nsọ sị, “Onyẹ ọwụlẹ wẹ hogbu elu osisi a wụrụọlẹ onyẹ wẹ bụ ọnụ.”

Pita Ibuzọ 2:24

Kraịstị lẹ enwẹn ẹ gi ẹhụ a buru njọ ẹnyi, bu ẹ shi elu osisi ahụn, kẹni ẹnyi wụrụ ndị nwụnnahịn njọ, gi ndụn ẹnyi mẹmẹ ihiẹn Osolobuẹ chọ. Ẹhụ wẹ rụsọnmẹ ẹ kẹ ẹnyi gi dịnhịn.

Pita Ibuzọ 3:18

Makẹni, Kraịstị gi ufiri njọ tazịkwọ afụnfụn, nwụn, (mgbe ohu k'ọ nwụn, ọ nwụnkọzị), Onyẹ rị ọchan hụn nwụnnị ndị njọ ọnwụn — kẹni ọ hụn ụzọ wẹhẹ ẹnyi ile ebe Osolobuẹ rị. Wẹ gbu ẹ, ọ nwụnhụn kẹ ịhịan, kanị Chuku nọ mẹ mmọn a rị ndụn,

Jọnụ Ibuzọ 2:2

Ya lẹ enwẹn ẹ wụ ẹjan wẹ gi wepụ njọ ẹnyi; ẹlẹdẹ njọ ẹnyi sụọ, kanị njọ ụwa ile.

Samuẹlụ Nke Ibuzọ 23:9

Mgbe Defidi gi marịn nị Sọlụ rị e zun'ẹ eje-umẹ, ọ nọ sị Abiata onyẹ nchụn-ẹjan, “Wẹhẹ Ẹfọdụ hụ wẹ gi a jụ Chuku uche ẹ!”

Samuẹlụ Nke Ibuzọ 28:6

Ọ nọ jụ Osolobuẹ ihiẹn o k'e mẹ, kanị Osolobuẹ ashịarịn'a: o gini nrọ shịarị a, o gini utẹn-Osolobuẹ wẹ gi a marịn uche ẹ shịarị a, o gini ndị-amụma shịarị a.