Jọnụ 11:25 - Ika

²⁵ Ya kẹ Jizọsị nọ sị a, “Mmẹ e weli ndị nwụnhụnnị; mmẹ e ye ndụn. Onyẹ kwerinini m, ọ sụọ n'a nị ọ nwụnhụn anwụnhụn, o sikọ d'a rị ndụn;

Jọnụ 11:25 Iomraidhean Croise

Ẹbụ-ọma 36:9

Makẹni ịyụ gi isi-mirin e ye ndụn; ukpẹ i kẹ ẹnyi gi e legha ụzọ.

Azaya 26:19

Kanị, ndị nke i nwụnnị jẹnkọ d'a rịzị ndụn; ozun wẹ k'e lihi. Ụnụ ndị rị nwan imẹ alị, tẹnhin ni yimẹ oro ịghọghọ! Igirigi lalanịnị ụnụ rị kẹ igirigi ụtụntụn, alị k'e gi ẹ mụpụha ndị nwụnnị rịn'a.

Azaya 38:16

Euu Chuku, ihiẹn ndịnị kẹ ịhịan gi a rị ndụn — uwẹ kẹ ndụn gi a ban mmẹ nwẹn obi. Ị nọ nwan zụọ m emuni, dọnmẹ m ndụn.

Luku 23:43

Jesu nọ sị a, “M rị a gwa ị ezioku, mmẹ lẹ yụ sikọ d'a rị Alị Ezumikẹn wụ Paradaịsị tannị.”

Jọnụ 1:4

Imẹ ẹ kẹ ndụn rị; ndụn hụ wụ ukpẹ ịhịan ile.

Jọnụ 14:19

“Ọ họdụ ẹkẹrẹ nị ụwa hụnbehi m; kanị ụnụ nwẹn k'a gha a hụn m. Makẹni m rị ndụn, ụnụ nwẹn k'a rịzị ndụn.

Jọnụ 14:6

Jizọsị nọ sị a, “Mmẹ wụ ụzọ lẹ ezioku lẹ ndụn. Onwọnni onyẹ a bịa d'e kunrun Chuku-Nẹdi mmanị ọ ghaha ẹka m.

Jọnụ 3:16

“Makẹni Osolobuẹ nwọn ihiẹn-ọsụsụọ ndị rị ụwa ọda-ọda, ya haịn o gi we akpụ Nwa ohu o nwọn ye, n'ọ wụrụ nị onyẹ ọwụlẹ kwerinin'ẹ alakọ iwi, kama o nwọn ndụn itẹbitẹ.

Jọnụ 3:36

Onyẹ hụn kwerini Nwa Osolobuẹ nwọn ndụn itẹbitẹ; onyẹ kwerilẹnini Nwa Osolobuẹ ahụnkọ ndụn; kama, iwe-lẹ-ọnụma kẹ Osolobuẹ k'e gi sọn ẹ.”

Jọnụ 5:21

Eziẹ, kẹ Chuku-Nẹdi dọn e weli onyẹ nwụnhụnnị e we ndụn e ye ẹ, ẹrịra kẹ Nwa a dọnzi e we ndụn e ye ndị ọ chọ n'o ye.

Jọnụ 5:26

Kẹ Chuku-Nẹdi dọn nwọn ndụn imẹ enwẹn ẹ, ẹrịra k'o dọnzikwọ ye Nwa ikẹn o gi e nwọn ndụn imẹ enwẹn ẹ.

Jọnụ 6:35

Jizọsị nọ sị wẹ, “Mmẹ wụ brẹdi hụn e ye ndụn. Onyẹ bịa d'e kunrunni m, ẹgụn agụnkọ a; onyẹ kwerinini m, ẹgụn mirin agụnkọ a.

Jọnụ 6:44

Onwọnni onyẹ k'a s'ẹka bịa d'e kunrun m mmanị Chuku-Nẹdi zihẹni m dọha a; m k'e weli hụnyẹ Ụhụọhịn ikpanzụụn.

Ọrụn Ndị-ozi 3:15

Ụnụ nọ gbu onyẹ hụn e ye ndụn, kanị Osolobuẹ nọ gha ọnwụn weli ẹ. Ihiẹnni mẹye ẹnyi ile ẹnya.

Ndị Rom 4:17

Ẹrịra kẹ Ẹkụkwọ-nsọ dọn ku ẹ, sị, “E mẹgụọ m'ị wụrụ nẹdi alị bu ọda.” Ịya k'ọ wụ ebe Osolobuẹ rị — Osolobuẹ hụn o gi dọn ẹnya; Osolobuẹ hụn e mẹ onyẹ nwụnhụnnị a rịzị ndụn, hụn e gi oku-ọnụ a e mẹ ihiẹn rịtulẹni n'ọ rị.

Ndị Rom 8:2

Makẹni, ọkịkị ahụn Mmọn-nsọ gi e ye ndụn imẹ Jesu Kristi a gbapụhagụọ ẹnyi ẹka ọkịkị ahụn njọ gi e buhẹ ọnwụn.

Ndị Kọrẹntị Ibuzọ 15:18

ya wụ nị nke ndị nke Kraịstị nwụnhụngụnị a gụgụọ.

Ndị Kọrẹntị Ibuzọ 15:29

Omẹni Osolobuẹ ara weli ndị nwụnhụnnị, kị ndị ịhịan rị e mẹdọnni ndị nwụnhụnnị mirin-Chuku? Omẹni Osolobuẹ ara weli ndị nwụnhụnnị, kẹ ịhịan rị e mẹdọnni ni wẹ mirin-Chuku?

Ndị Kọrẹntị Nke Ẹbụọ 4:14

Makẹni, ẹnyi a marịnghọ nị Osolobuẹ hụn gha ọnwụn weli Jesu Di-nwọnni-ẹnyi jẹnkọ d'e welizi ẹnyi k'o dọn weli Jesu, wẹhẹ ẹnyi lẹ ụnụ ihun ẹ.

Ndị Filipi 1:23

M ri e roshi azụụnnị, e roshi azụụnnị: k'ọ rị m, a la m ụwanị tọ d'e du Kraịstị nọdị, makẹni ọhụn ka mma.

Ndị Filipi 3:10

M chọ nị m marịn Kraịstị lẹ ikẹn hụ o gi gha ọnwụn lihi, e sọn m'ẹ ta afụnfụn ọ ta, sọn ẹ nwụn ọnwụn ọ nwụn,

Ndị Tẹsalonika Ibuzọ 4:14

Makẹni, kẹ ẹnyi dọn kweri nị Jesu nwụnhụn, lihizi, ẹrịra kẹ ẹnyi dọnzi kweri nị Osolobuẹ k'e gi Jesu wekinhẹn ndị hụn kwerinin'ẹ hụn rị ụran.

Rẹvẹleshọnụ 1:18

Mmẹ wụzị onyẹ hụ rị ndụn! M te nwụnhụn anwụnhụn, ka lee ẹ, m rị nwan ndụn jẹnrin ejẹn. Mmẹ gizi ịsanhan Ọnwụn lẹ Alị-mmọn.

Rẹvẹleshọnụ 20:5

Ọhụn wụ ịgha ọnwụn lihi nke ibuzọ. (Ndị ọzọ nwụnhụnnị aghanị ọnwụn lihi d'e ru nị ahụa nnụ-uku ahụn e zu.)

Rẹvẹleshọnụ 21:4

O k'e finchanpụchanrịn wẹ ẹnya-mirin. Ọnwụn arịkọzị, ẹnya-mirin lẹ ẹkwan lẹ ụfụ arịkọzị, makẹni ihiẹn akan a ghafegụọ.”

Rẹvẹleshọnụ 22:1

Ya mmọn-ozi hụ nọ ghọsị m iyi hụn mirin ẹ e ye ndụn. Ọ hụ e nwun zaị kẹ ughegbe; ukpo-eze Osolobuẹ lẹ Nwa-ebulu ahụn k'ọ rị a gha e hupụha.

Rẹvẹleshọnụ 22:17

Mmọn-nsọ lẹ okpoho hụ ya lẹ Jesu jẹnkọ d'a gba ẹkụkwọ sị, “Bịa!” Onyẹ ọwụlẹ nụnị ya sịzị, “Bịa!” Onyẹ ọwụlẹ ẹgụn-mirin rị a gụn ya bịa! Onyẹ ọwụlẹ chọnị, ya weri mirin ahụn e ye ndụn, ya weri ẹ ọfẹ ra.