Jọnụ 1:51 - Ika

⁵¹ Ọ nọ sị a, “M rị a gwa ụnụ ezioku, ụnụ jẹnkọ d'a hụn kẹ elu-igwee kpupụ, hụn ndị mmọn-ozi Osolobuẹ rị e jẹnjẹn e jẹnlụa ebe Nwa nke Ịhịan rị.”

Jọnụ 1:51 Iomraidhean Croise

Jẹnẹsisi 28:12

Ọ nọ rọ nrọ: imẹ nrọ ahụn, ọ nị hụn obe turu alị, mkpọnụnụ a ru elu-igwee; ndị mmọn-ozi Osolobuẹ hụ e nyinjẹn ẹ e nyinlụa.

Izikẹlụ 1:1

Nke akpọhịn isẹn imẹ ifọn nke ẹnọ imẹ ahụa nke iri-kwasị-ọgụn, m rị mkpẹnrẹn Iyi Kẹba alị Babilọnụ, ebe wẹ kpụnjẹn mmẹ lẹ ndị Juda ibe m. Ya m nọ hụn ọhụn. Imẹ ọhụn ahụn, igwere nọ kpupụ, Chuku nọ ghọsị m ihiẹn.

Zẹkaraya 13:7

“Ọpịa-agha, tẹnhin! Tẹnhin n'i mẹ onyẹ-ndu atụnrụn m ihiẹn; n'i mẹshi okẹnnyẹ mmẹ lẹ ịya gba a wị ikẹn. Ya kẹ Osolobuẹ ihiẹn ile rị okpuru ẹ ku; Gbu onyẹ ndu atụnrụn hụ kẹni atụnrụn gbayịya: m k'e gidẹ ẹka m mẹshi ụmụ-atụnrụn rịn'a ikẹn.

Matiu 25:31

“Ogẹn Nwa nke Ịhịan jẹnkọ d'e gi gi ọghọ-nze ẹ bịa, ya lẹ ndị mmọn-ozi ile, o sikọ d'e weri oche okẹn ukpo ẹ.

Matiu 26:24

Nị Nwa nke Ịhịan laghọ kẹ wẹ dọn de ẹ imẹ ẹkụkwọ-nsọ n'o k'a la, kanị nsọngbu jẹnkọ d'a rịnị onyẹ k'e we Nwa nke Ịhịan che wẹ ẹka! O te ka onyẹ hụ mma nị amụnị w'a.”

Matiu 3:16

Jọnụ e mẹgụ Jizọsị mirin-Chuku, hụn Jizọsị gihụ gha imẹ mirin pụla, elu-igwee nọ kpupụ idẹnmizi; ọ nọ hụn Mmọn Osolobuẹ k'ọ lala rịkẹ nduru, ọ nọ bịa d'e bekwasị a.

Matiu 4:11

Ya kẹ Ekwensụ nọ la Jizọsị tọ, ndị mmọn-ozi nọ bịa d'e ye ẹ ihiẹn rị a mkpa.

Matiu 8:20

Jizọsị nọ sị, “Ufu nwọn okporo ọ rụban; nnụnụ e fe elu nwọn ẹkụụ; kanị mmẹ Nwa nke Ịhịan enwọn ebe m'e buche isi.”

Matiu 9:6

Kanị, nị m mẹ ụnụ marịn nị mmẹ Nwa nke Ịhịan nwọn ikẹn ịgbagharị njọ elu-ụwanị.” Ọ nọ sị onyẹ hụ ọrọ kinmin, “Lihi ọtọ! Heri ute i lama iwe i!”

Makị 1:10

Hụn Jesu gihụ gha imẹ mirin pụha, ọ nọ hụn kẹ elu-igwere kpupụ, Mmọn-nsọ e hidan nọkẹ nduru, bịa d'a nọkwasị a.

Makị 14:62

Jesu nọ sị, “Mmẹ rọ; ụnụ jẹnkọ d'a hụndẹ Nwa nke Ịhịan ebe ọ nọdị alị ẹka-nni Osolobuẹ Onyẹ nwọn ikẹn ile, hụnzị a k'ọ rị elu orukpu o gi lala!”

Luku 2:13

Idẹnmizi, igunrun ndị mmọn-ozi elu-igwee nọ nwọnpụha cheni mmọn-ozi ibuzọ hụ, a ja Chuku mma, a sị,

Luku 2:9

Mmọn-ozi Di-nwọnni-ẹnyi nọ nwọnpụha imẹ igunrun wẹ, ọghọ Di-nwọnni-ẹnyi nọ nwunhunmẹ wẹ nọkẹ ukpẹ, okẹn egun nọ tụma wẹ.

Luku 22:43

Ya mmọn-ozi elu-igwee nọ pụha d'e yechen'ẹ ikẹn.

Luku 22:69

Kanị, gha kikẹnni jẹnmẹ, Nwa nke Ịhịan jẹnkọ d'a nọdị alị ẹka-nni Chuku Onyẹ nwọn ikẹn ile.”

Luku 24:4

Ebe wẹ rị e ro ihiẹnni, ikẹnnyẹ ẹbụọ ẹwuru wẹ rị e be nwaịn-nwaịn nọ wuzoyeni wẹ idẹnmizi.

Luku 3:21

Ogẹn wẹ gi rị e mẹ ịhịan ile mirin-Chuku, e mẹgụ wẹ Jizọsị nkẹ, ebe ọ rị e mẹ ekpere, elu-igwee nọ kpupụ,

Jọnụ 1:50

Jizọsị nọ sị a, “Y'e kweriọlẹ makẹni m gwa ị hụ nị m hụn ị okpuru osisi figi?! Ị jẹnkọ d'a hụndẹ ihiẹn ndị ka ọnwan!”

Jọnụ 10:1

“Ezioku kẹ m rị a gwa ụnụ, onyẹ ghalẹni ọnụmụzọ, kanị ọ gha ebe ọzọ nyinban ụlọ atụnrụn wụ ohin lẹ onyẹ a narịn ịhịan ihiẹn ẹ.

Jọnụ 10:7

Ya Jizọsị nọ nwan sị wẹ, “Ezioku kẹ m rị a gwa ụnụ, mmẹ wụ ọnụmụzọ atụnrụn a gha.

Jọnụ 13:16

Ezioku kẹ m rị a gwa ụnụ, odibo ara ka onyẹ nwọnn'ẹ; onyẹ wẹ zi ozi ara ka onyẹ zin'ẹ.

Jọnụ 13:38

Jesu nọ sị, “N'ị nwụnnị m ọnwụn? Ezioku kẹ m rị a gwa ị, ọkpa gini d'a kwan, i jẹnkọ d'a ghọrị ku mgbe ẹtọ nị y'a marịn m.”

Jọnụ 14:12

Ezioku kẹ m rị a gwa ụnụ, onyẹ kwerinini m sikọ d'a rụn ọrụn ndị m rị a rụn. O jẹnkọ d'a rụnkarịdẹ ndịnị m rị a rụn, makẹlẹ m laburukọ Chuku-Nẹdi.

Jọnụ 16:20

M rị a gwa ụnụ ezioku nị ụnụ k'a gha a kwan, e goo, ụwa nkẹ hụ a ghọghọ; ụnụ k'a sụkụrụ (gbusuru) kanị, o nọbe, ịghọghọ a nọkin ẹnya ẹkwan hụ.

Jọnụ 16:23

O ru ogẹn hụ, ẹlẹ hụn ụnụ e gi jụmazị m ajụjụ. “Ezioku kẹ m rị a gwa ụnụ, ụnụ gi ẹfan m rịọ Chuku-Nẹdi ihiẹn, n'o yeghọ ụnụ ya.

Jọnụ 21:18

M rị a gwa ị ezioku, ebe ị rị okoro, y'e kọnrin, e jẹn ebe ọwụlẹ sụọn'ị; kanị ị kagụ ẹgẹdi, i jẹnkọ d'a tịnpụ ẹka ị, ndị ọzọ e yimẹ i ẹwuru i, we i shi ebe i chọlẹni n'i jẹn.”

Jọnụ 3:3

Jesu nọ sị a, “Ezioku kẹ m rị a gwa ị, mmanị wẹ mụdọnzi ịhịan, ọ saẹka hụn Alị-eze Osolobuẹ.”

Jọnụ 3:5

Jizọsị nọ sị a, “Ezioku kẹ m rị a gwa ị, mmanị wẹ gi mirin lẹ Mmọn-nsọ mụ ịhịan, ọ saẹka banye Alị-eze Osolobuẹ.

Jọnụ 5:19

Jizọsị nọ sị wẹ, “Ezioku kẹ m rị a gwa ụnụ, Nwa asaẹka gi uche ẹ mẹ ihiẹn ọwụlẹ — mmanị ihiẹn ọ hụn Chuku-Nẹdi rị e mẹ; makẹni ihiẹn Chuku-Nẹdi mẹ kẹ Nwa a nkẹ e mẹ.

Jọnụ 5:27

O yegụọzị Nwa a ikẹn o gi kin ịhịan ile ikpe makẹni ịya wụ Nwa nke Ịhịan.

Jọnụ 6:26

Jesu nọ sị wẹ, “Ezioku kẹ m rị a gwa ụnụ, brẹdi ụnụ ri rijun ẹfọ haịn ụnụ gi a chọ m, ẹlẹ ọrụn-atụmẹnya ndị ahụn ụnụ hụn.

Jọnụ 6:32

Ya kẹ Jizọsị nọ sị wẹ, “Ezioku kẹ m rị a gwa ụnụ, ẹlẹ Mozizi ye ụnụ brẹdi gha elu-igwee bịa; Nẹdi m rị e ye ụnụ ezigbo brẹdi hụ gha elu-igwee bịa.

Jọnụ 6:47

Ezioku kẹ m rị a gwa ụnụ, onyẹ ọwụlẹ kwerini e nwọngụọ ndụn itẹbitẹ.

Jọnụ 6:53

Ya kẹ Jizọsị nọ sị wẹ, “Ezioku kẹ m rị a gwa ụnụ, mmanị ụnụ ri ẹhụ Nwa nke Ịhịan, ra ẹdeke ẹ, ụnụ enwọnkọ ndụn imẹ ụnụ.

Jọnụ 8:34

Jesu nọ sị wẹ, “Ezioku kẹ m rị a gwa ụnụ, onyẹ hụn e mẹ njọ wụ igbọn njọ.

Jọnụ 8:51

Ezioku kẹ m rị a gwa ụnụ, onyẹ mẹ ihiẹn m ku ahụnkọ ọnwụn, kaka.”

Jọnụ 8:58

Jesu nọ sị wẹ, “Ezioku kẹ m rị a gwa ụnụ, m wụ Onyẹ M Wụ nị wẹ d'a mụ Ebraham.”

Ọrụn Ndị-ozi 10:11

ọ nọ hụn kẹ elu-igwee kpupụ, hụn ihiẹn nọkẹ ẹkwa shịanị k'ọ gha elu lala rịkẹ sị wẹ dọdọn ẹ ntịn a ẹnịnọ.

Ọrụn Ndị-ozi 7:56

Ọ nọ sị, “Lee ni! M rị a hụn elu-igwee k'o kpupụ: m rịzị a hụn Nwa nke Ịhịan ebe o turu ẹka-nni Osolobuẹ!”

Ndị Tẹsalonika Nke Ẹbụọ 1:7

mẹ ụnụ nwẹn rị a ta afụnfụn zu ikẹn, mẹzikwọ ẹnyi nwẹn zu ikẹn. O jẹnkọ d'e mẹ ẹ ogẹn Di-nwọnni-ẹnyi Jesu k'e gi gha elu-igwee bịa, ya lẹ ndị mmọn-ozi ẹ hụ kin akwanran.

Ndị Tẹsalonika Nke Ẹbụọ 1:9

a narịn wẹ afụnfụn hụn wụ ntikpọ itẹbitẹ, wẹ wepụgụ wẹ ebe Di-nwọnni-ẹnyi lẹ ikẹn ẹ hi ogbe rị.

Timoti Ibuzọ 3:16

W'a rụ ụka a, ihiẹn-omimi rị ofufe Osolobuẹ e hikẹ — nị O gi ẹhụ pụha, Mmọn-nsọ a ghọsị nị ịya rọ nke-esi; ndị mmọn-ozi a hụnghọ a. Ịhịan e zisọnmẹgụọ ozi ẹ alị ichẹn-ichẹn; e kwerigụọnị w'a imẹ ụwa. O gi ọghọ lashi elu-igwee.

Hibru 1:14

Ẹlẹ mmọn e jẹn ozi kẹ ndị mmọn-ozi wụhụ? Ẹlẹ mmọn Osolobuẹ zihẹ d'e yeni ndị jẹnkọ d'e nwọn nzụọpụha ẹka kẹ wẹ wụ?

Judu 1:14

Ẹnọkụ, hụn rị agbọ nke ẹsa, wẹ gha ẹka Adam gụnma, e bugụọ amụma tọnị wẹ: ọ sị, “Lee ẹ, Di-nwọnni-ẹnyi lala, ya lẹ ndị nsọ a nnụ ole-lẹ-ole.

Rẹvẹleshọnụ 19:11

Ya m nọ hụn kẹ elu-igwee kpupụ, a hụn m ẹshin ọchan ebẹhụ; ẹfan onyẹ rị e nyinn'ẹ wụ “Onyẹ-wẹ-gi-dọn-ẹnya lẹ Ezioku.” Ọ han ezigbo eṅẹn, a lụ agha furuni.

Rẹvẹleshọnụ 4:1

Ọhụn e mẹgụ, m nọ lee ẹnya hụn ọnụmụzọ gụnpụnị imẹ elu-igwee. Olu ahụn nọ kẹ opi hụn gwa m oku mbụ nọ sị m, “Bịa elu ebeni nị m ghọsị ị ihiẹn jẹnkọ d'e mẹ ihun.”