5 Ukpẹ hụ e nwun imẹ ishi, kanị ishi a s'ẹka tinyụn a.
“Euu, ndị ẹwobi, ele mgbe kẹ ‘Onwọnni hụn m marịn’ k'a sụọbehi ụnụ? Elee ogẹn kẹ ịmụ ịhịan ẹmụ k'a sụọbehi ndị-nlelịa? Elee mgbe kẹ ịmarịn-ihiẹn k'e zebehi ndị-nzuzu ize?
Ẹrịra k'ọ rịzị nị ịhịan ara mụyegụ ukpẹ, zuemẹ ẹ ye okpuru afẹrẹ; kama, w'e bu ẹ e che elu ihiẹn, ịhịan ile rị imẹ ụlọ e gi ẹ legha ụzọ.
Ọ rị imẹ ụwa, hụn Osolobuẹ gi ẹ ke, kanị ụwa amarịnn'a.
M zikọ ị d'a shịapụ wẹ ẹnya, kẹni wẹ pụha imẹ ishi shi imẹ ukpẹ, pụha okpuru Ekwensụ buru Osolobuẹ, kẹni Osolobuẹ gbagharị wẹ njọ, ye wẹ ọnọdị imẹ ndị wẹ gi okweri wẹ kwerini m dọn nsọ.’
Makẹni ekwerini wẹ mẹ nọkẹ sị a marịnghọ wẹ Osolobuẹ, Osolobuẹ nọ la wẹ tọnị uche wẹ ahụn la iwi kẹni wẹ mẹsọnmẹ ihiẹn furulẹni,
Ịhịan-mmaka nwọnlẹni Mmọn-nsọ ara nabanhan ihiẹn Mmọn-nsọ, makẹni wẹ wụ nzuzu ẹnya a. Ọ ra saẹka ghọta wẹ makẹni Mmọn-nsọ kẹ wẹ gi a ghọha wẹ.
