Jọnụ 1:33 - Ika

³³ E te marịn m'a, kanị onyẹ hụn zi m d'e gi mirin mẹ ịhịan mirin-Chuku sị m, ‘Onyẹ i jẹnkọ d'a hụn kẹ Mmọn-nsọ hidan nọkwasị, ịya wụ onyẹ hụ jẹnkọ d'e gi Mmọn-nsọ mẹ ịhịan mirin-Chuku.’

Jọnụ 1:33 Iomraidhean Croise

Matiu 3:11

“Mmẹ nwẹn gi mirin-mmaka e mẹ ụnụ mirin-Chuku ụnụ gi a ghọsị nị ụnụ e rogharịgụọ. Kanị, onyẹ hụn sọnla m azụụn ka m ọhụnma-ọhụnma; erudẹni m onyẹ e bu akpụkụ a! Mmọn-nsọ lẹ ọkụn kẹ ya nwẹn k'e gi mẹ ọnụ mirin-Chuku.

Luku 3:16

Jọnụ nọ sị wẹ, “Mirin mmaka kẹ m gi rị e mẹ ụnụ mirin-Chuku, kanị onyẹ kanị m lala: erudẹni m onyẹ a tọpụ a eriri akpụkụ! O sikọ d'e gi Mmọn-nsọ lẹ ọkụn mẹ ụnụ mirin-Chuku.

Jọnụ 1:31

E te marịn m'a, kanị m rị e mẹ mirin-Chukuni m rị e gi mirin e mẹ kẹni ndị Izrẹlụ marịn a.”

Jọnụ 14:26

kanị, Mmọn-nsọ, Onyẹ eyemẹka, hụn Chuku-Nẹdi jẹnkọ d'e gi ẹfan m zihẹ, jẹnkọ d'a kuzi ụnụ ihiẹn ile; o k'a nyanhannị ụnụ ihiẹn ile m gwa ụnụ.

Jọnụ 3:34

Makẹni onyẹ Osolobuẹ zihẹ rọ, o ku oku Osolobuẹ, ufiri nị Osolobuẹ eyen'ẹ Mmọn-nsọ yehọdụ.

Jọnụ 3:5

Jizọsị nọ sị a, “Ezioku kẹ m rị a gwa ị, mmanị wẹ gi mirin lẹ Mmọn-nsọ mụ ịhịan, ọ saẹka banye Alị-eze Osolobuẹ.

Jọnụ 7:39

Jizọsị gi ẹ e ku oku Mmọn-nsọ hụn ndị kwerinin'ẹ jẹnkọ d'e nwọnhẹn. Wẹ eke ye wẹ Mmọn-nsọ ogẹn hụ makẹni Jesu eke nwụnhụn lihi nwọnrin ọghọ a.

Ọrụn Ndị-ozi 1:5

Jọnụ gi mirin mẹ mirin-Chuku; kanị, o gini d'e mẹ akpọhịn ole-lẹ-ole, wẹ k'e gi Mmọn-nsọ mẹ ụnụ mirin-Chuku.”

Ọrụn Ndị-ozi 2:4

Mmọn-nsọ nọ jun imẹ wẹ ile, wẹ nọ gi asụsụ alị ndị ọzọ kumẹ, e kushi ikẹn kẹ Mmọn-nsọ dọn ye onyẹ onyẹ.

Ndị Kọrẹntị Ibuzọ 12:13

Makẹni, Osolobuẹ gha ẹka Mmọn ohu bu ẹnyi ile che ẹhụ ohu, kẹ ndị Ju kẹ ndị ọzọ, kẹ igbọn kẹ ndị nwọn enwẹn wẹ, mẹ ẹnyi ile rarị Mmọn ohu ahụn.