Jọnụ 1:10 - Ika

¹⁰ Ọ rị imẹ ụwa, hụn Osolobuẹ gi ẹ ke, kanị ụwa amarịnn'a.

Jọnụ 1:10 Iomraidhean Croise

Jẹnẹsisi 16:13

Ya Haga nọ kpọ Osolobuẹ hụn gwa a oku “Ẹl-rọị”, hụn wụ “Chuku hụn rị e leghanị”, makẹni ọ sị, “Mmẹ gidẹ nwan ẹnya m hụn Onyẹ-hụn-e-leghanị m ra?”

Jẹnẹsisi 17:1

Ogẹn Ebram gi rị ahụa ohu arịa ọgụn-isẹn, Osolobuẹ nọzị we enwẹn ẹ ghọsị Ebram, sị a, “Mmẹ wụ Chuku Hụn nwọn ikẹn ile; bi kẹ m dọn chọ; emẹkwọlẹ ihiẹn wẹ e gi kọrịanị ị —

Jẹnẹsisi 18:33

Osolobuẹ a gwagụ Ebraham oku, ọ nọ jẹnmẹ ebe o jẹnkọ, Ebraham nọ lashi iwe ẹ.

Azaya 53:3

Wẹ lelịa a elelịa, jụ a; nsọngbu-nsọngbu lẹ afụnfụn wẹ gi a gbanị ịhịan ọsọ k'ọ hụnsọnmẹ. Wẹ legberi ẹ elegberi; onwọndẹni ihiẹn ẹnyi kpọ a.

Matiu 11:27

Nẹdi m e bugụọ ihiẹn ile che m ẹka. Onwọnni onyẹ marịn Nwa mmanị Chuku-Nẹdi sụọ; onwọnzikwọnị onyẹ marịn Chuku-Nẹdi wezụka Nwa lẹzi onyẹ ọwụlẹ Nwa chọ n'o mẹ ẹ marịn Chuku-Nẹdi.

Jọnụ 1:11

Ọ bịa d'e kunrun ndị nke ẹ, kanị ndị nke ẹ anabanhann'a.

Jọnụ 1:18

Onwọnni onyẹ hụntu Osolobuẹ, kanị akpụ Nwa ohu ọ mụ sụọ, hụn wụ Osolobuẹ, hụn ya lẹ Nẹdi ẹ rị, e mẹgụọ ẹnyi marịn Osolobuẹ.

Jọnụ 1:3

Chuku ke ihiẹn ile rịnị ghahan'a; onwọnni ihiẹn Chuku ke hụn o kelẹni ghahan'a.

Jọnụ 1:5

Ukpẹ hụ e nwun imẹ ishi, kanị ishi a s'ẹka tinyụn a.

Jọnụ 17:25

“Euu Baba, Onyẹ ezi-omumẹ, ọsụọn'a nị ụwa amarịn ị, mmẹ nwẹn a marịnghọ ị; ndịnị wẹ a marịnzịghọ nị ịyụ zihẹ m.

Jọnụ 5:17

Kanị Jizọsị nọ sị wẹ, “Echẹn kẹ Nẹdi m rị a rụn, mmẹ nwẹn hụkwọ a rụn.”

Ọrụn Ndị-ozi 14:17

Kanị, onwọnni ogẹn o gi latọ ịshịanị enwẹn ẹ ẹri ghahanị mma ọ rị e mẹ. Ọ gha elu-igwee e mẹ mirin e zueni ụnụ, e ye ụnụ mkpụrụ a ghọrị udu wẹ, e ye ụnụ ihiẹn-oriri ụnụ gi e rijun ẹfọ, e mẹ ịghọghọ e jun ụnụ obi.”

Ndị Kọrẹntị Ibuzọ 1:21

Makẹni ụwa asanị ẹka gi amamihiẹn marịn Osolobuẹ ebe ọ nọ e gi amamihiẹn ẹ e mẹ ihiẹn, ọ sụọ Osolobuẹ n'o gi “nzuzu” rị ozi ẹnyi rị e zi zụọpụha ndị hụn k'e kwerini.

Ndị Kọrẹntị Ibuzọ 2:8

Onwọnni onyẹ-ọkịkị ụwanị marịn ihiẹnni; omẹni wẹ te marịn a, wẹ eke kpọgbu Onyẹ nwọn ọghọ ile.

Ndị Kọrẹntị Ibuzọ 8:6

Kanị, nke ẹnyi wụ nị Chuku ohu sụọ rị; ịya wụ Nẹdi ẹnyi; ihiẹn ile gha ẹka a a bịa; ịya kẹ ẹnyi rị a rịnị. Nna ohu rịzị, ya wụ Jesu Kristi; Osolobuẹ ke ihiẹn ile ghahan'a; ẹnyi rị a rị ghahan'a.

Ndị Kolosị 1:16

Makẹni, ẹka a kẹ Osolobuẹ gha ke ihiẹn ile rị elu-igwee lẹ ụwa: kẹ ndị w'e legha kẹ ndị wẹ ghalẹni e legha; kẹ ukpo ile kẹ ọkịkị ile; kẹ ndị-isi eje-mmọn kẹ ndị-ọkịkị wẹ. Osolobuẹ ke ihiẹn ile ghahan'a; ịya k'o keni wẹ ile.

Hibru 11:3

Okukwe kẹ ẹnyi gi a ghọta nị oku-ọnụ kẹ Osolobuẹ gi ke ụwa, ya wụ nị ihiẹn ẹnya ghalẹni a legha kẹ wẹ gha mẹmẹpụha ihiẹn ẹnya e legha.

Jọnụ Ibuzọ 3:1

Lee ni kẹ Chuku-Nẹdi nwọnhan ihiẹn-ọsụsụọ ẹnyi — nke wụ nị ọ kpọ ẹnyi ụmụ Osolobuẹ! Ịya kẹ ẹnyi wụ ezioku-ezioku! Ihiẹn ụwa gilẹni marịn ẹnyi wụ nị ụwa amarịnn'a.