Jerimaya 9:20 - Ika

²⁰ Ikpoho, gọn ni nwan ntịn oku Osolobuẹ; gọn ni ntịn oku-ọnụ a. Zin ni mmụ ụnụ ikpoho kẹ wẹ dọn e goo; kuzi ni ibe ụnụ ịkwan-ụya.

Jerimaya 9:20 Iomraidhean Croise

Jobu 22:22

E gi oku-ọnụ a e dọn; bu oku ẹ che imẹ obi i.

Azaya 3:16

Osolobuẹ sị, “Ikpoho Zayọnụ rị a họnrọn, e setịn olu a ghahunmẹ, e gbuhunmẹ ikpu-ẹnya, e jẹn ịnyanga-ịnyanga, ihiẹn wẹ yi olu-ụkụ hụ a hụ.

Azaya 3:4

Osolobuẹ sị, “M k'e mẹ ikorọbịa họnrin ndị-isi wẹ, ụmụ-ndu mmakalaka jẹnkọ d'a kị wẹ.

Jerimaya 14:16

Ọpịa-agha lẹ ụnwụn k'e gbuzikwọ ndị ahụn wẹ rị e buni amụma tọ ọgbara-ogbe Jerusalẹm. Onwọnkọ onyẹ k'e lini wẹ lẹ inyẹnmẹ wẹ lẹ ụmụ wẹ ikẹnnyẹ lẹ ikpoho. M jẹnkọ d'e hu afụnfụn ahụn furuni wẹ kpu wẹ.

Jerimaya 23:16

Osolobuẹ ihiẹn ile rị okpuru ẹ sị, “Egikwọlẹ ni ihiẹn ndị-amụma hụ rị a gwa ụnụ dọn. Wẹ rị e dufie ụnụ! Ihiẹn wẹ rị e ro kẹ wẹ rị e ku, ẹlẹ ihiẹn wẹ nụ ọnụ Osolobuẹ.

Jerimaya 23:28

“Onyẹ-amụma rọ nrọ, ya ziẹn nrọ a; kanị onyẹ hụn nwọn oku m ya kuchanrịn a k'ọ nọ — makẹni ẹfịfịa-ọka lẹ akpụrụ-ọka ẹlẹ ihiẹn ohu.

Jerimaya 6:11

Kanị olulu hụn rị e bu Osolobuẹ junzikwọ mmẹ nwẹn obi, nkewụnị asa m ẹka dinzi ẹ. Osolobuẹ nọ sị Jerimaya, “Hu ẹ nwan kẹ mirin kpu mmụ-ẹka rị ọgbara-ogbe, y'e hu ẹ kpu ikorọbịa ebe wẹ rị e zu; huzikwọ a kpu di lẹ nwunyẹ, y'e hudẹ ẹ kpu ndị ẹgẹdi kakpụkpọgụnị.

Jerimaya 7:29

“Kpụnpụ nwan ntutu i tuhu, Juda, y'a nọdị elu-òke w'a nọ legha ị kwanma ụya, makẹni Osolobuẹ a jụgụọ agbọnị ọ rị e buni ọnụma.

Jerimaya 8:2

Wẹ k'e kpọn wẹ tọnị anwụn lẹ ifọn lẹ kokisẹ ile rị igwere, hụn te a sụọ wẹ, hụn wẹ te a rụa, e sọn, e gọn ntịn, e fe ofufe. Ekpọnkikomẹkọ wẹ wẹ mọbụ li wẹ — wẹ k'a la wẹ tọ alị nọkẹ ẹfịfịa.

Jerimaya 9:12

Onyẹ marịn ihiẹn ọhụnma n'ọ saẹka ghọta ihiẹnni? Onyẹ kẹ Osolobuẹ gwa oku n'ọ saẹka kọwa ihiẹnni? Kị wẹ tikpọnị nwan alịnị la iwi, hụn o gi nwan nọ kẹ alị ọkpọ-nkụn ịhịan ghalẹni a s'ẹka a gha?

Ẹkwan 2:19

Lihi ọtọ imẹ abalị n'ị kwan ẹkwan, ogẹn ndị nche abalị gi e bidọn nche; hupụha ihiẹn rị e sọngbu i obi nọkẹ mirin ihun Osolobuẹ; Kịshi ẹka elu, rịọ a, makẹ ndụn ụmụ ị, hụn rị a sọhịnị yeni ẹgụn isi ọgbara-ogbe ile.

Ẹkwan 2:21

Kẹ ụmụ-ẹka kẹ ndị ẹgẹdi e fiẹnrinsọnmẹ imẹ uzunzun rị ụzọ; kẹ ikorọbịa m kẹ ịgbagba m, e gigụọ wẹ ọpịa-agha gbu wẹ. Y'e gbugụọ wẹ ụhụọhịn ahụn ị ghọsị olulu i; y'a jagbu wẹ — y'e mẹni omikẹn.