Jerimaya 9:2 - Ika

² K'ọ rị m, m nwọn ebe m'a gbashi imẹ atụ, ebe ndị-ijẹn a ranhịn, kẹni m yeni ndị nke m efe, kẹni m pụnị wẹ; makẹni wẹ wụ ndị ẹnya rịlẹni ụzọ ohu, igunrun ndị-ntụ!

Jerimaya 9:2 Iomraidhean Croise

Azaya 59:3

Ẹdeke ndị ụnụ gbu rịsọnmẹ ụnụ ẹka; eje-ihiẹn ụnụ mẹ a ghagbarịgụọ ụnụ mkpịnsịn-ẹka ile. Ọnụ ụnụ a tụnsọnmẹ ntụ; ire ụnụ e kusọnmẹ eje-ihiẹn.

Jerimaya 12:1

Jerimaya nọ sị, “Euu Osolobuẹ, y'a han ezigbo eṅẹn, ogẹn ile m gi e kinghọsị ị. Kanị nị ẹnyi lebankwọ ihiẹnni ẹnya: kị haịn ihiẹn gi a rịnị ndị eje-omumẹ mma? Kị haịn ẹhụ gi e fu ndị ghalẹni a gbaye Osolobuẹ?

Jerimaya 12:6

Umunẹ i, ndị nẹdi i mụ yụ lẹ wẹ e rezighọdẹ i; e gigụọ wẹ i yi oro. Ọsụọn'a wẹ rị e ku oku i ọhụnma ebe ị rị, egikwọlẹ wẹ dọn ẹnya.

Jerimaya 13:22

Ị k'a jụma enwẹn i, ‘Kị seni m ihiẹnni?’ Njọ ile i mẹ, ịya haịn wẹ gi nwan kpushi ẹbulukun i elu, gi ẹhụ ị mẹ ihiẹn sụọnị wẹ.

Jerimaya 23:10

Alịnị ile e mẹ ndị ughẹrẹ ndị ughẹrẹ; abụmọnụ Osolobuẹ e mẹgụọ alị kpọpụ nkụn, ẹfịfịa rị ebe wẹ nọ a zụn anụ e shinwụn — makẹni wẹ rị e bi eje-obibi, e gi ikẹn wẹ e mẹ ihiẹn ile.

Jerimaya 4:22

“Ndị nke m e zuzu ezuzu; amarịn wẹ m. Ụmụ nwọnlẹni uche kẹ wẹ wụ; enwọn wẹ nghọta. Eje-ihiẹn kẹ wẹ marịn ẹnya a; ama wẹ mẹ ihiẹn rị mma.”

Jerimaya 5:1

Osolobuẹ sị, “Ghasọnmẹ ọgbara-ogbe ile rị imẹ Jerusalẹm; lehunmẹdẹlẹ ẹnya, n'ị hụn; jẹn ẹbụ ile d'e lelehunmẹ; omẹni y'a hụn akpụ onyẹ ohu hụn gi ezioku e mẹ ihiẹn ẹ, e kwọnkẹnmẹ ezioku: e gi m ufiri ẹ gbagharị obodoni.

Jerimaya 5:11

Ikpụnọ Izrẹlụ lẹ ikpụnọ Juda e giọlẹ ẹkanaị sọn m.” Ya kẹ Osolobuẹ ku.

Jerimaya 5:2

Ọsụọn'a wẹ kun ẹfan m, ntụ kẹ wẹ rịkwọ a tụ!”

Hosia 4:2

Ihiẹn jun alịnị wụ ịkpọ-iyi lẹ ntụ lẹ igbu-ọchụn lẹ Izun-ohin lẹ ughẹrẹ; onwọnzini ihiẹn e kwọndọnni wẹ, ogbugbu-ogbugbu.

Hosia 5:7

E gigụọ wẹ ẹkanaị sọn Osolobuẹ; a mụgụọ wẹ ụmụ ogbe! Ufiri ẹ, Mmẹmmẹ wẹ e mẹ Ifọn pụ sikọ nwan d'e bu wẹ lẹ ugbo wẹ ile ri.

Hosia 6:7

Kanị, e mẹgụọ wẹ kẹ Adam tikpọ nkwerigbama mmẹ lẹ wẹ, e gigụọ wẹ ghẹrẹ-ghẹrẹ-ghẹrẹ sọn m.

Hosia 7:4

Ndị ughẹrẹ kẹ wẹ ile wụ; a nụ ọkụn kẹ ọkụn rị ẹnya-mgba brẹdi, hụn onyẹ e shi brẹdi ghalẹni a fụnwunzi d'e ru ni ogbe brẹdi a fụgụ.

Maịka 6:12

Ndị mmẹgbu lẹ ẹka-ikẹn kẹ ndị ịdanfịn ụnụ wụ; ntụ a mụmarịngụọ ndị obodo ụnụ; ntụ-ntụ jun wẹ ọnụ.

Zẹfanaya 3:4

Ndị-amụma rịn'a e ku mpụ; a tụ ntụ! Ndị nchụn-ẹjan rịn'a hụ e mẹrụ ụlọ-nsọ, e gi Iwu Osolobuẹ e mẹ k'ọ sụọ wẹ.

Malakaị 2:11

Ndị Juda rị e gi ntụ e fe Osolobuẹ; ịhịan rị e mẹ arụ imẹ Izrẹlụ ile lẹ imẹ Jerusalẹm! Ndị alị Juda hụ e mẹrụ Ụlọ-nsọ Osolobuẹ hụn a sụọ Osolobuẹ ụsụọ, a lụ ikpoho alị ọzọ e fe mmọn wụlẹni Osolobuẹ!

Malakaị 2:14

Ụnụ hụ a jụ, “Kị haịn Osolobuẹ gilẹni a narịn oyiye ẹnyi?” Osolobuẹ rị a shịagbu i ẹri haịn, ọ rị a hannị ịyụ lẹ nwunyẹ-ụtụntụn ị eṅẹn ebe ị nọ la a tọ, ọsụọn'a nị ịyụ lẹ ịya rị kete-kete, ọsụọn'a n'i kwe nkwa lụrụ a.

Jemisi 4:4

Ndị ẹnya rịlẹni ụzọ ohu! Ụnụ amarịn nị ọwụ ụwa wụ eṅẹnrẹn Osolobuẹ? Ya wụ, onyẹ chọ n'ọ wụrụ ọwụ ụwa o họnrin eṅẹnrẹn Osolobuẹ.

Ndị Han Eṅẹn 2:10

Ogẹn agbọ hụ ile gi nwụnchanrịgụ laburu ndị nẹdi wẹ, agbọ ọzọ nọ pụha hụn marịnlẹni kẹ Osolobuẹ kẹ ihiẹn ndị o mẹni ndị Izrẹlụ.