Jerimaya 9:19 - Ika

¹⁹ Makẹni, olu ẹkwan rị a pụ obodo Zayọnụ, a sị: ‘Nke ẹnyi a gụ! Ifẹnrẹn e mẹgbu ẹnyi! Ẹnyi jẹnkọ nwan d'a pụrịrị alị ẹnyi, makẹni ụlọ ẹnyi wụ nwan mkpọkọ-mkpọkọ.’ ”

Jerimaya 9:19 Iomraidhean Croise

Azaya 32:9

Ikpoho enwẹn wẹ jun ẹfọ, lihi ni, gọn m ntịn; nụkwọ nị ihiẹn m rị e ku, ụmụ nwọnlẹni ihiẹn e sọngbuni wẹ:

Jerimaya 15:1

Osolobuẹ nọ sị m: “Ọsụọn'a nị Mozizi lẹ Samuẹlụ turu ihun m a rịọ m, omikẹn ndịnị emẹkọ m. Sị wẹ gha m ihun pụ! Wẹ jẹnmẹ!

Jerimaya 2:14

Igbọn kẹ Izrẹlụ wụdẹ nwan ra? Igbọn kẹ wẹ mụd'a nwan? Kị haịn nwan o gi wụrụ ihiẹn wẹ e gbukwarị?

Jerimaya 4:13

Ledẹ k'ọ lala kẹ orukpu igwere, ụgbọ-anyịnyan a ile zụnla kẹ okẹn ufere. Ẹshin ẹ ile benahịn ugọn nkanran. Ijẹn e gbuẹ ẹnyi! Ẹnyi a laọlẹ iwi!

Jerimaya 4:20

Ntikpọ hụ a bịa, ọbịbịa-ọbịbịa; alịnị ile e mẹ mkpọkọ-mkpọkọ. Imẹ njube-ẹnya ohu e tikpọchanrịn wẹ ụlọ m ile, imẹ njube-ẹnya ohu e tikpọ wẹ ebe m'e butọ isi.

Jerimaya 7:15

M k'a chụpụ ụnụ ebe m rị kẹ m dọn chụpụ mmunẹ ụnụ ile, ndị Ifrem.

Jerimaya 7:19

Mmẹ kẹ wẹ rịdẹ nwan e mẹ ra? Ẹlẹ enwẹn wẹ kẹ wẹ rị nwan e mẹ, e gi ẹ e gbe ifẹnrẹn e ye enwẹn wẹ ihun? Ya kẹ Osolobuẹ ku.

Jerimaya 7:29

“Kpụnpụ nwan ntutu i tuhu, Juda, y'a nọdị elu-òke w'a nọ legha ị kwanma ụya, makẹni Osolobuẹ a jụgụọ agbọnị ọ rị e buni ọnụma.

Ẹkwan 4:15

Ịhịan ile hụ e yi, “Pụ nị! Ụnụ rụ arụ! E jẹn ni! E jẹn ni! Emẹtụkwọlẹ ni ẹnyi ẹka!” Ogẹn wẹ gi gba ọsọ, wahunmẹmẹ, ndị alị ichẹn-ichẹn hụ a sị, “Ẹhẹn, anọdịkọzị wẹ alị ẹnyi ebeni.”

Ẹkwan 5:2

Ndị ẹnyi marịnlẹni e werigụọ alị ẹnyi, itumunyẹ e werigụọ ụlọ ẹnyi.

Izikẹlụ 27:2

“Nwa-ịhịan, kwannị Taya ẹkwan.

Lẹvitikọsụ 18:25

kẹ alị lẹ enwẹn ẹ nọzịdẹ rụ, m nọ gi njọ a sọn ẹ, ọ nọ gbọpụ ndị bin'ẹ.

Lẹvitikọsụ 18:28

Ụnụ mẹrụ alị hụ, o k'a gbọpụzịkwọ ụnụ k'o dọn gbọpụ ndị bu ụnụ ụzọ bi ẹ.

Lẹvitikọsụ 20:22

E mẹ ni ihiẹn ile m ku, e dọnmẹ iwu m ile, e gi wẹ e bi makẹ alị hụ m wekọ ụnụ gha a gbọpụ ọnụ kẹ ịhịan dọn a gbọpụ ihiẹn.

Maịka 2:10

Lihi ni! Pụ nị; nị ẹlẹ ebeni kẹ ẹhụ ahụn a nọ fuzi ụnụ, makẹni ụnụ e mẹrụọlẹ ebeni hụn wẹ jẹnkọ d'e gi tikpọ a eje ntikpọ;

Maịka 2:4

O ru ogẹn hụ, wẹ k'a gba ị ẹbụ, sị, ‘Heuu, nke ẹnyi a gụ-o! Osolobuẹ e hutọgụọ ezigbo ọnọdị ndị nke ẹnyi! Ọ napụgụọ ẹnyi ihiẹn ẹnyi; o wegụọ alị lẹ ugbo ẹnyi keni ndị ghalẹni e fe ẹ!’

Ditrọnọmi 28:29

Ụnụ k'a rị a sụọ ishi efinnaị kẹ onyẹ ẹnya-mkpịn rị imẹ ishi; onwọnni ihiẹn ụnụ buche ẹka k'a bọnị ụnụ; wẹ k'a gha a bịangbu ụnụ, e zun ụnụ ohin ụhụọhịn-ụhụọhịn, onwọnni onyẹ k'a gbapụhanị ụnụ.