Jerimaya 9:12 - Ika

¹² Onyẹ marịn ihiẹn ọhụnma n'ọ saẹka ghọta ihiẹnni? Onyẹ kẹ Osolobuẹ gwa oku n'ọ saẹka kọwa ihiẹnni? Kị wẹ tikpọnị nwan alịnị la iwi, hụn o gi nwan nọ kẹ alị ọkpọ-nkụn ịhịan ghalẹni a s'ẹka a gha?

Jerimaya 9:12 Iomraidhean Croise

Ẹbụ-ọma 107:34

O wiwi alị te e mẹ ihiẹn ọhụnma, o họnrin alị-nnu e gbu ihiẹn-ugbo, ufiri eje-obibi ndị bin'ẹ.

Ẹbụ-ọma 107:43

Ndị marịn ihiẹn wẹ rokpọ ihiẹn ndịnị wẹ, wẹ lekpọ ihiẹn-ọsụsụọ Osolobuẹ.

Azaya 42:23

Onyẹ imẹ ụnụ k'e gi ihiẹnni dọn mọbụ gọn ntịn ihun?

Jerimaya 23:10

Alịnị ile e mẹ ndị ughẹrẹ ndị ughẹrẹ; abụmọnụ Osolobuẹ e mẹgụọ alị kpọpụ nkụn, ẹfịfịa rị ebe wẹ nọ a zụn anụ e shinwụn — makẹni wẹ rị e bi eje-obibi, e gi ikẹn wẹ e mẹ ihiẹn ile.

Jerimaya 23:16

Osolobuẹ ihiẹn ile rị okpuru ẹ sị, “Egikwọlẹ ni ihiẹn ndị-amụma hụ rị a gwa ụnụ dọn. Wẹ rị e dufie ụnụ! Ihiẹn wẹ rị e ro kẹ wẹ rị e ku, ẹlẹ ihiẹn wẹ nụ ọnụ Osolobuẹ.

Jerimaya 23:22

Omẹni e te nọdịọlẹ wẹ ọgwa m, nkẹ e zi wẹ ndị nke m ozi m, e mẹ wẹ wẹ bibehi eje-obibi wẹ, mẹ wẹ latọ eje-ihiẹn ndị wẹ rị e mẹ.

Jerimaya 23:28

“Onyẹ-amụma rọ nrọ, ya ziẹn nrọ a; kanị onyẹ hụn nwọn oku m ya kuchanrịn a k'ọ nọ — makẹni ẹfịfịa-ọka lẹ akpụrụ-ọka ẹlẹ ihiẹn ohu.

Jerimaya 9:20

Ikpoho, gọn ni nwan ntịn oku Osolobuẹ; gọn ni ntịn oku-ọnụ a. Zin ni mmụ ụnụ ikpoho kẹ wẹ dọn e goo; kuzi ni ibe ụnụ ịkwan-ụya.

Izikẹlụ 14:23

Ụnụ hụn kẹ wẹ nọ obi e ru ụnụ alị, makẹni ụnụ sikọ d'a hụn eje-agụngụn wẹ lẹ obibi wẹ; ogẹn ahụn ụnụ a marịn nị emẹni m Jerusalẹm ihiẹn ile m mẹ ẹ mmaka. Ya kẹ Osolobuẹ Nwọn Ihiẹn Ile ku.”

Hosia 14:9

Ndị marịn ihiẹn wẹ ghọta ihiẹn ndịnị; ndị nwọn nghọta wẹ marịn ihiẹn wẹ wụ. Makẹni ụzọ Osolobuẹ furu efuru, ndị kụrụ ọtọ a gha wẹ, kanị ndị e mẹfieni a kpọgburu, a dan.

Hosia 4:10

“Wẹ k'e ri, kanị, ẹfọ ejunkọ wẹ; wẹ k'a gba ịgbaraja, kanị egikọ w'a ban ihiẹn. Ihiẹn ndịnị k'e mẹ ụnụ makẹni ụnụ a latọgụọ Osolobuẹ, bu enwẹn ụnụ kwanị mmọn.

Juwẹlụ 1:11

Ya fụma ụnụ, ndị ugbo! Ndị ugbo vaịnị, gomẹ ni! ịhịan ile kwanma nị, nị ọka-witi lẹ ọka-bali e wiwigụọ! Ihiẹn wẹ k'a ghọ imẹ ugbo e wiwigụọ!

Zẹfanaya 3:6

“E tikpọgụọ m alị ndị ọzọ, obodo ndị wẹ te tụnhunmẹ mgbọn e họnrin nkpọkọ-nkpọkọ; e mẹgụọ m ọgbara-ogbe wẹ gba okpokoro onwọnzini onyẹ a ghanị wẹ; obodo ndị wẹ te bi a gbagụọ okpokoro! onwọnzini onyẹ bi ebẹhụ.

Matiu 24:15

“Ya wụ, ụnụ hụn arụ ahụn k'e buhẹ ntikpọ k'o turu imẹ Ebe rị nsọ nọkẹ kẹ Daniẹlụ onyẹ-amụma dọn ku (onyẹ rị a gụnnị ya ghọta a ọhụnma),

Ditrọnọmi 32:29

K'ọ rị m wẹ nwọn uche hụn w'e gi ghọta ihiẹnni, marịn ihiẹn jẹnkọ d'e mẹ wẹ:

Rẹvẹleshọnụ 1:3

Ngọzi ya rịnị onyẹ k'a gụnpụhanị ibe ẹ ihiẹn ndị rị imẹ ozini Osolobuẹ zi; ngọzi ya rịzịkwọnị ndị k'a nụn'a lẹ ndị k'e mẹ ihiẹn wẹ de imẹ ẹ, makẹni ogẹn wẹ a rịgụọ nsue.