Jerimaya 9:11 - Ika

¹¹ Osolobuẹ sị, “M k'e mẹ Jerusalẹm wụrụ mkpọkọ-ụlọ, mkpọkọ-ụlọ, nkitẹ-ọfịa e bi atụ e biri ẹ; m k'e tikpọchanrịn obodo ndị rị alị Juda la iwi, onwọnzini onyẹ k'a sa ẹka bi imẹ wẹ.”

Jerimaya 9:11 Iomraidhean Croise

Nehemiah 4:2

Ihun ibe wẹ lẹ ndị-agha Sameria, ọ sị, “Kịnị kẹ ndị Ju ndịnị zelẹni rịdẹ e mẹ? Wẹ ro nị wẹ k'a sa ẹka dọnzi mgbọn wẹ? Wẹ ro nị wẹ chụnyenihụ Chuku ẹjan, mgbọn a nị wẹ rụn? Wẹ rodẹ nwan nị ọrụn akp'ọhịn rọ ra? Ọmụma ndị hụ wẹ rị e weri mkpọkọ mgbọn kẹ wẹ k'e gidẹ nwan tụn a ra, ọmụma dụngụ ọkụn?”

Ẹbụ-ọma 107:43

Ndị marịn ihiẹn wẹ rokpọ ihiẹn ndịnị wẹ, wẹ lekpọ ihiẹn-ọsụsụọ Osolobuẹ.

Ẹbụ-ọma 44:19

Y'e titugụọ ẹnyi, la ẹnyi tọ ebe eje-anụ wụ jakalụ jun; y'e gigụọ ẹkpa-ishi lẹ ụya kpumẹ ẹnyi.

Ẹbụ-ọma 79:1

Chuku, ndị alị ọzọ a banhangụọ alị ị; e mẹrụgụọ wẹ Ụlọ-NSỌ ị, e tikpọgụọ wẹ Jerusalẹm, o họnrin mkpọkọ-mkpọkọ!!

Azaya 13:22

Eje-nkitẹ ọfịa wụ haịna k'a rị mkpọkọ okẹn ụlọ wẹ a gbọ, anụ-ọfịa wụ jakalụ nkẹ a nọdị mkpọkọ obi-eze ọma wẹ a gbọzịkwọ. Ogẹn w'e gi tikpọ Babilọnụ a rịgụọ nsue! O biekọzị.

Azaya 25:2

Y'e mẹgụọ obodo họnrin mkpọkọ-mkpọkọ, mẹ obodo wẹ tụnhunmẹ mgbọn zeni wụrụ ihiẹn wẹ tikpọ la iwi; okẹn obodo nwẹn ndị alị ọzọ gi e dọn ẹnya arịzị a; atụndọnzikọ w'a.

Azaya 34:13

Ogun k'e suekin ụlọ-uku ile wẹ te gi dọn ẹnya, abịogun lẹ mkpalị e suekin ebe ile wẹ te a gbaban. O k'e họnrin ebe nkitẹ-ọfịa wụ jakalụ nọ a kpa lẹ ebe ozuzu-ọfịa e bi.

Azaya 44:26

Mmẹ e mẹ oku idibo m a bụn, e mẹzu ihiẹn ndị odibo m ku. Mmẹ ku oku Jerusalẹm, sị, ‘Ịhịan k'e bizi imẹ ẹ;’ kuzi oku obodo rịsọnmẹ Juda, sị, ‘Wẹ k'a tụndọnzi wẹ;’ mmẹ ku oku mkpọkọ ụlọ ndịnị, sị, ‘Wẹ k'e welizi wẹ.’

Jerimaya 1:15

M'e d'a kpọha alị-eze ndị rị ẹbamịn-ugu.” Ya kẹ Osolobuẹ ku. “Ndị-nze wẹ k'a bịa d'e tumẹsọnmẹ ukpo-eze wẹ ọnụ-mgbọn ile rị Jerusalẹm; wẹ k'e tikpọ mgbọn ile fihunmẹn'ẹ lẹ obodo ndị ọzọ ile rịzị alị Juda.

Jerimaya 10:22

Gọn ntịn! Ẹnyi hụ a nụ ozi, okẹn mkpọtụ ndị agha alị rị ẹbamịn-ugu! Wẹ k'e mẹ obodo ndị rịsọnmẹ alị Juda gba okpokoro, ọ wụrụ ebe nkitẹ-ọfịa e bi.

Jerimaya 16:10

“Ị gwa wẹ ihiẹn ndịnị ile, nị a jụma wẹ i, sị, ‘Kị haịn Osolobuẹ gi e kuni o k'e mẹ ẹnyi eje-ihiẹn han ẹnịna? Kịnị kẹ ẹnyi mẹ? Elee njọ kẹ ẹnyi mẹ Osolobuẹ wụ Chuku ẹnyi?’

Jerimaya 25:11

Ebeni ile jẹnkọ d'a gba okpokoro, la iwi; alị ndịnị ile k'e fe eze alị Babilọnụ ọrọgbọ ahụa iri kwasị ọgụn-ẹtọ.

Jerimaya 25:18

kẹ Jerusalẹm kẹ obodo ile rị alị Juda kẹ ndị-nze Juda lẹ ịhaịmẹ wẹ, kẹni wẹ wụrụ alị wẹ gba okpokoro, alị hụn a tụ ịhịan egun, alị w'a mụ ẹmụ lẹ alị wẹ gi a bụ ọnụ. Ọ rị nwan ẹrịra tannị.

Jerimaya 26:18

“Kẹ Hezikaya wụ eze alị Juda, Maịka onyẹ obodo Morẹshẹti e bughọ amụma. Ọ sị ndị Juda ile, ‘Osolobuẹ ihiẹn ile rị okpuru ẹ sị: “Obodo Zayọnụ jẹnkọ d'e họnrin ọfịa, a rụndẹ w'a ugbo; Jerusalẹm jẹnkọ d'a wụrụ ikpọn ọmụma lẹ osisi wẹ te gi tụn ụlọ, uguni ụlọ-nsọ rị jẹnkọ d'e họnrin ọfịa ọfịa kin ẹnya.” ’

Jerimaya 26:9

Kị haịn i gi e gi ẹfan Osolobuẹ e bu amụma nị ụlọ-nsọnị jẹnkọ d'a rị kẹ Shilo lẹni obodoni jẹnkọ d'e mẹ mkpọkọ-mkpọkọ, gba okpokoro?” Ndị hụ ile nọ fihunmẹ Jerimaya imẹ ụlọ-nsọ Osolobuẹ ebẹhụ.

Jerimaya 34:22

M jẹnkọ nwan d'a kpọkinhẹn wẹ imẹ obodoni. Wẹ k'a lụsọn ẹ agha, weri ẹ, dụn a ọkụn. M k'e tikpọchanrịn obodo ile rị alị Juda, ịhịan ebikọzị a.’ ”

Jerimaya 4:27

Osolobuẹ sị, “Alịnị ile jẹnkọ d'a gba okpokoro, kanị etikpọchanrịnkọ m'a.

Jerimaya 44:2

Osolobuẹ ihiẹn ile ri okpuru ẹ, hụn wụ Chuku Izrẹlụ, sị, “Ụnụ e gigụọ ẹnya ụnụ hụn eje-ihiẹn ile m mẹ obodo Jerusalẹm lẹ obodo ọzọ ile rị alị Juda, nke wụnị wẹ ile gba nwan okpokoro tannị, mẹ mkpọkọ-mkpọkọ;

Jerimaya 49:33

“Anụ-ọfịa jẹnkọ d'e bikin Hazọ; o k'a gba okpokoro jẹnrin ejẹn. Ịhịan ebikọzị a, ịhịan a kwahakọzị a.”

Jerimaya 50:3

Makẹni alị ohu rị ẹbamịn-ugu lala d'a lụsọn Babilọnụ agha, tikpọ alị a la iwi. Onwọnni onyẹ k'e bizi imẹ ẹ; kẹ ịhịan kẹ anụmanụ jẹnkọ d'a gbapụ.

Jerimaya 51:37

Babilọnụ k'e họnrin mkpọkọ-mkpọkọ, anụ-ọfịa e bikin ẹ; ọ wụrụ ihiẹn egun w'e gi a kpa ẹmụ, ebe ịhịan bilẹni.

Jerimaya 8:22

Ọgụn arịzịdẹ nwan obodo Gilẹdị ra? Onyẹ a zụọ emu arịzịdẹ ebẹhụ? Kị haịn nwan nzụọrị gilẹni rị, kị haịn ẹhụ ndị nke m rụ gilẹni a la?”

Ẹkwan 1:4

Ụzọ ile wẹ gha e jẹn Zayọnụ rịdẹ a kwan, makẹni onwọnni onyẹ a ghazị wẹ a bịa mmẹmmẹ nsọ. Ọnụ-mgbọn ẹ ile a gba okpokoro, ndị nchụn-ẹjan rịn'a hụ a sụn udẹn, ịgbagba rịn'a hụ a kwan, okẹn ụya kẹ Zayọnụ rị e ri.

Ẹkwan 2:2

Osolobuẹ emẹdẹni omikẹn, o tikpọchanrịn ebe ile ebọn Jekọpụ bi; o gigụọ ọnụma a tikpọchanrịn ebe ile w'a gbaban imẹ Nwagbọọ wụ Juda. O budangụọ alị-eze Juda lẹ ndị-isi rịn'a, bu wẹ che imẹ ifẹnrẹn.

Ẹkwan 3:47

Ihiẹn-egun lẹ ọdakin e kunrungụọ ẹnyi, ya lẹ ntikpọ lẹ mwiwi.”

Lẹvitikọsụ 26:32

Ẹghẹẹ, mmẹ lẹ enwẹn m k'e tikpọ alị ụnụ la iwi, nke wụ nị ndị iṅẹnrẹn ụnụ hụn k'a bịa d'e biri ebẹhụ hụngụ k'ọ nọ, a jụsọhị wẹ.

Maịka 1:6

M jẹnkọ d'e tikpọ Sameria, o họnrin mkpọkọ-ụlọ mkpọkọ-ụlọ, họnrin ọfịa wẹ nọ a rụn vaịnị; e kpọn m ọmụma a ile ye imẹ ọdanmgbugbu, a hụnchanrịn wẹ iyetọ a.

Maịka 3:12

Ufiri ẹ, obodo Zayọnụ jẹnkọ d'a nọ kẹ ọfịa wẹ sụn dụkpọ, Jerusalẹm jẹnkọ d'e mẹ mkpọkọ-mkpọkọ; uguni ụlọ-nsọ rị elu ẹ jẹnkọ d'e họnrin ẹgboko rị elu ugu.

Maịka 6:16

Makẹni ụnụ e sọngụọ ụzọ Omri lẹ ikpụlọ Ehabụ nẹdi ẹ, ụnụ e gigụọ ihiẹn wẹ kuzi ụnụ bi. M k'e gi ufiri ẹ tikpọchanrịn Jerusalẹm, ndị bi imẹ ẹ e họnrin ndị w'a mụ ẹmụ; yụ wụ Jerusalẹm k'e buru ifẹnrẹn ndị nke m.”

Ditrọnọmi 29:23

Alị ahụn ile sikọ d'a la iwi, họnrin alị nnu lẹ nsịn-ẹnyanwụn, alị e wiwi ihiẹn, alị wẹ ghalẹni a kụnye ihiẹn, ihiẹn ghalẹni e pu mọbụ e sue imẹ ẹ. O k'a nọ kẹ ntikpọ wẹ tikpọ alị Sodọm lẹ Gomora lẹ Adima lẹ Zẹbo, hụn Osolobuẹ gi okẹn-ọnụma a tikpọpụ.

Rẹvẹleshọnụ 18:2

Ọ nọ weshi olu elu sị, “Ọ dangụọ! Babilọnụ uku a dangụọ! Ọ wụrụọlẹ ebe eje-mmọn bi, ebe mmọn ile rụnị bi, ebe nnụnụ ile rụnị bi; ebe anụ ile rụnị w'a sọ bi.