Jerimaya 9:1 - Ika

¹ K'ọ rị m, isi m ile wụ iyi-iyi; k'o furu, ẹnya m wụ isi-mirin ẹnya-mirin! Nkẹ m hụ a kwan ẹkwan uhinhin lẹ efinnaị, a kwan ndị nke m wẹ gbu.

Jerimaya 9:1 Iomraidhean Croise

Ẹbụ-ọma 119:136

Ẹnya-mirin m hụ e hu nọkẹ iyi, makẹni a rị wẹ e dọnmẹ iwu i.

Ẹbụ-ọma 42:3

M hụ a kwangbu enwẹn m, ụtụntụn lẹ ẹnyasị; wẹ hụ a jụ m ogẹn ile, “Elebe kẹ Chuku i rị?”

Ẹbụ-ọma 55:7

Nkẹ m'a gbate; nkẹ m'e biri imẹ atụ. Sẹla

Azaya 16:9

Ya haịn m gi rị e sọn Jaza a kwan ẹkwan a kwannị vaịnị ndị rị Sibma. Euu, Hẹsh'bọnụ! Euu, Ẹlialẹ! Ẹnya-mirin m e guhuchanrịn ụnụ! Makẹni oro ndị rị a ghọghọ nị ọka a kagụọ arịzị a lẹ ndị rị e yi ebe wẹ nọ e we ihiẹn-ugbo.

Azaya 22:4

Ya haịn m gi a sị, “Pụ nị nị m; nị m kwan, kwangbu enwẹn m. Arọkọlẹ ni m obi kaka — nị e tikpọgụọ wẹ ndị nke m.”

Jerimaya 13:17

Kanị, omẹni ụnụ egọnni ntịn, ya wụ nị m k'e zueri a kwan ẹkwan-ẹkwan, makẹ mpache ụnụ; ẹnya m k'a chansọnmẹ, ẹnya-mirin m e huru — makẹni wẹ jẹnkọ d'a kpụnrụn igunrun atụnrụn Osolobuẹ.

Jerimaya 14:17

Lee ihiẹn i k'a gwa wẹ: Ẹnya-mirin ẹnya-mirin kẹ m'a kwan uhinhin lẹ efinnaị; makẹni nwagbọọ wụ alị m a rụgụọ eje-ẹhụ, a dụgụọ w'a eje-ịkpa.

Jerimaya 3:10

Ihiẹn ndịnị ile mẹni, Juda nwẹnẹ ẹ ẹnya rịlẹni ụzọ ohu egikwọnị obi ẹ ile kinhẹn d'e kunrun m — o kinhẹnhụ nke ọnụnụ-ire. Ya kẹ Osolobuẹ ku.”

Jerimaya 4:19

Heuu, ụya e gbuẹ m! Ụya e gbuẹ m!! Lee ihiẹn m rị e fie-o. Heuu, ọ fụru m akpobi! Akpobi hụ a dụ m kpum-kpum. Asa m ẹka gba nkịtịn, makẹni a nụgụọ m opi agha; a nụgụọ m oro-agha.

Jerimaya 5:7

Osolobuẹ sị, “Nanị m'a dọn gbagharị ị? Mmụ ị a lagụọ m tọ, hịma mmọn ichẹn-ichẹn furulẹni wẹ fe. Ọsụọn'a nị m yesọnmẹ wẹ ihiẹn ile rị wẹ mkpa, wẹ hụzịkwọ a ghẹrẹ, e rujẹn nke ndị ịgbaraja.

Jerimaya 6:26

“Heuu, ndị nke m, yiri ni ẹkwa-achọ, ụnụ e kperemẹ imẹ ntụn; kwan nị ụya kẹ onyẹ akpụ nwa-okẹnnyẹ ohu nwụnnahịn, makẹni onyẹ e tikpọnị lala idẹnmizi d'e tikpọ ẹnyi!”

Jerimaya 8:18

“Okẹn ụya kẹ m rị imẹ ẹ; obi a gbawapụ m!

Jerimaya 9:18

Wẹ bịa ozigbo-ozigbo d'a kwan ẹnyi d'e runi ẹnya-mirin e jun ẹnyi ẹnya, e hutu ẹnyi ẹnya.’

Ẹkwan 2:11

Ẹnya e d'a kpọhị m m gi a kwan ẹkwan, obi eruni m alị kaka, obi e dẹnhingụọ m makẹni e gbuchanrịngụọ wẹ ndị nke m, makẹni ụmụ-ẹka lẹ ndị wẹ pa ẹka rị a sọhịtọ ọgbara-ogbe imẹ obodo.

Izikẹlụ 22:12

“Ịhịan hụ imẹ i a narịn ọgị-azụụn lẹ egho-azụụn e gbu ibe ẹ; a na okẹn-ọmụnịnwa a chọ okẹn erere, e ri ibe ụnụ erere, e mẹgbu wẹ, ụnụ a zọ mmẹ nwẹn. Ịya kẹ Osolobuẹ Nwọn Ihiẹn Ile ku.

Hosia 7:4

Ndị ughẹrẹ kẹ wẹ ile wụ; a nụ ọkụn kẹ ọkụn rị ẹnya-mgba brẹdi, hụn onyẹ e shi brẹdi ghalẹni a fụnwunzi d'e ru ni ogbe brẹdi a fụgụ.