Jerimaya 8:5 - Ika

⁵ Kị haịn nwan ndịnị gi a kpahusọnmẹ? Kị haịn Jerusalẹm gi a latọsọnmẹ m? E kwọnkẹnmẹ ihiẹn rị e dufieni wẹ, jụ nị ekinhẹnkọ wẹ?

Jerimaya 8:5 Iomraidhean Croise

Itẹn 4:13

Kwọnkẹnmẹ ihiẹn wẹ sị ị mẹ, anịl'a nahịn ị; chemẹ ẹ ọhụnma, makẹni ịya wụ ndụn ị.

Azaya 1:20

kanị ụnụ jụ, nupụ isi, ọpịa-agha jẹnkọ d'e bu ụnụ ri.” Osolobuẹ e gigụọ ọnụ a ku ẹ.

Azaya 30:10

Wẹ sị ndị a hụn ụzọ, “Hụnbehi ni ọhụn ndị ahụn!” Wẹ sị ndị-amụma, “Gwabehi ni ẹnyi ezioku! Gwama nị ẹnyi ihiẹn ẹnyi chọ nị ẹnyi nụ — bumẹdẹ ni amụma-ntụ.

Azaya 44:20

Hụnyẹ rịhụ e ri ntụn! Uche ẹ hụn gbayịyagụnị e dufiegụọ a. Ọ sakọ ẹka zụọpụha enwẹn ẹ mọbụ sị enwẹn ẹ, “Ẹlẹ ihiẹn nwọnlẹni isi kẹ m kwọndọn ẹka-nni m ihiẹnni?”

Jerimaya 14:7

Ezioku-ezioku njọ ẹnyi a shịagbugụọ ẹnyi ẹri, Dodo Osolobuẹ, gi ufiri ẹfan ị tụnị ẹnyi ụya, nị ẹnyi a danpụọlẹ ọda-ọda, ẹnyi e mẹọlẹ i njọ.

Jerimaya 2:32

Nị nwagbọọ zọ yiri ejije ẹ? Nị okpoho rị a gba ẹkụkwọ zọ yiri ihiẹn-mma a? Bụ ndị nke m a zọgụọ m — zọgele m.

Jerimaya 3:5

n'ị tọ e ze ize? N'i busọnmẹ olulu jẹnrin ejẹn?’ Ẹnịna kẹ ụnụ e ku, kanị ụnụ e mẹsọnmẹ eje-ihiẹn ile a nị ụnụ e mẹ.”

Jerimaya 5:27

Kẹ nnụnụ wẹ nwụn dọn e jun ọga-nnụnụ, ẹrịra kẹ ihiẹn wẹ tụnarịn ịhịan dọn jun iwe wẹ; ya kẹ wẹ gi hi ọdanfịn, wụrụ okẹn-ịhịan,

Jerimaya 5:3

Euu, Osolobuẹ, ẹlẹ ezioku kẹ y'a chọ? Y'a fịan wẹ ihiẹn, anụnị wẹ ụfụ a; y'a sụdẹ wẹ kẹ nni, amụnrụnnị wẹ ihiẹn. A tọ wẹ a gba isi-akwanran, jụ n'e bihutọkọ wẹ ẹka.

Jerimaya 5:6

Ufiri ẹ, ẹwọrọ k'a gha ọfịa bịa d'a maye wẹ, eje-anụ wụ wofu k'a gha imẹ atụ bịa d'a dọririẹn wẹ, liopadị k'a warị ẹhụ obodo wẹ, dọkịka onyẹ ọwụlẹ k'a ma-ama pụha, makẹni nnupụ-isi ndịnị a karịgụọ ẹka; ọkpahu ọkpahu kẹ wẹ rị a kpahu.

Jerimaya 6:17

Mmẹ tumẹni ụnụ ndị nche — ndị amụma, sị ụnụ, ‘Wẹ gbu (opi) ọdụ, ụnụ e gọn ntịn!’ Kanị ụnụ sị, ‘Ẹnyi egọnkọ ntịn.’

Jerimaya 6:19

Elu-ụwa ile, gọnkwọ ntịn: m welanị ndịnị ntikpọ — ịya wụ erere eje-ihiẹn wẹ mama, makẹni egini wẹ oku m dọn, makẹni edọnmẹni wẹ iwu m.

Jerimaya 9:6

Ndị yụ lẹ wẹ bi ẹlẹkwọ ndị w'e gi dọn ẹnya; obibi wẹ anịnị wẹ marịn m.” Ya kẹ Osolobuẹ ku.

Daniẹlụ 9:11

Izrẹlụ ile a dangụọ iwu i, gbakitọ ị azụụn, ekweni wẹ mẹ ihiẹn ị sị wẹ mẹ. “Ya kẹ ọnụ-ẹsọn lẹ ihiẹn ile Osolobuẹ kun enwẹn ẹ n'o k'e mẹ, hụn wẹ deye imẹ Iwu Mozizi wụ odibo Osolobuẹ, gi nwan hukpu ẹnyi, makẹni ẹnyi e mẹọlẹ ị njọ.

Hosia 11:5

Wẹ lakin alị Ijiptu; ndị Asiria k'a kị wẹ hụnnị wẹ jụ n'e hutọkọ wẹ kweyeni m.

Hosia 11:7

Ndị nke m sị wẹ k'a larịrị m tọ. Wẹ kpọku onyẹ wẹ sị ya kẹ wẹ rị e fe n'o d'e yeni wẹ ẹka, kanị onwọnni onyẹ k'e yeni wẹ ẹka, onwọnni onyẹ k'e welini wẹ.

Hosia 13:2

Njọ-njọ kẹ wẹ rị nwan e mẹ e mẹwaye: e gi siliva a kpụrụ mmọn rịgbu enwẹn ẹ mma, ẹka-ọrụn ndị a kpụ ụzụn. Wẹ hụ a sị wẹ, “Chụnye ni ni mmọn ndịnị ẹjan! Susu ni ụmụ-efin ndịnị wẹ kpụ a kpụ ọnụ!”

Hosia 4:16

“Ndị Izrẹlụ ẹbamịn-ugu wụ isi-akwanran rịkẹ onyẹnnyẹ-efin ghalẹni a nụ ihiẹn! Nanị Osolobuẹ e dọn nwan du wẹ kẹ atụnrụn d'e ri ẹfịfịa-oyiyi rijun ẹfọ?

Zẹkaraya 7:11

Kanị ndị nẹdi ụnụ egọnni ntịn. A gbama wẹ isi-akwanran, kụkin ntịn wẹ amamgbe w'a nụ;

Jọnụ 5:40

kanị ụnụ achọnị nwan nị ụnụ bịa d'e kunrun m kẹni ụnụ nwọnrin ndụn.

Ndị Tẹsalonika Ibuzọ 5:21

kama, e lele ni ihiẹn ile, ụnụ e kwọnkẹnmẹ hụn rị mma.

Hibru 12:25

Hụnkwọ n'a nwan nị ụnụ enupụnị isi okpuru onyẹ hụn rị nwan e kuni. Makẹni, omẹni ndị mbụ awanahịnnị ogẹn ahụn wẹ gi nupụ isi okpuru onyẹ nọ elu-ụwanị a dọ wẹ ẹka-ntịn, nanị ẹnyi a dọn nwan wanahịn, omẹni ẹnyi e nupụ isi okpuru onyẹ hụn gha nwan elu-igwee e ku.

Rẹvẹleshọnụ 2:25

ka kwọnkẹnmẹ ni hụn ụnụ gi d'e ru nị a bịa m.