Jerimaya 8:20 - Ika

²⁰ Ndị alị hụ a kwan ẹkwan: “Ogẹn ihiẹn-ugbo a ghafegụọ; ọkọkị a ghafe, kanị nzụọpụha eke bịakwọnị ẹnyi.”

Jerimaya 8:20 Iomraidhean Croise

Itẹn 10:5

Onyẹ hụn gi ogẹn anwụn a ghọkikomẹ ihiẹn-ugbo wụ nwa nwọn uche, kanị hụn a ranhịn ogẹn wẹ gi e we ihiẹn-ugbo wụ nwa ụya.

Jerimaya 8:19

Lee ihiẹn ndị nke m rị a kwan ẹkwan imẹ alịnị ile: ‘Osolobuẹ arịzịdẹ nwan Zayọnụ ra? Osolobuẹ Eze Zayọnụ arịzị ebahụn?’ ” Osolobuẹ nkẹ sị, “Kị wẹ gini nwan ihiẹn ndịnị wẹ kpụ kpasu m iwe — ya lẹ mmọn alị ndị-ọzọ nwọnlẹni isi wẹ kpụsọnmẹ?”

Jerimaya 8:21

Jerimaya sị, “Ndụn a gụ m makẹ ihiẹn rị e mẹ ndị nke m; m hụ a kwan a kwangbu enwẹn m.

Luku 13:25

“Makẹni, onyẹ nwọn ụlọ ma ama gụnma ụzọ, ụnụ e turu ezi ebahụn dụma ẹka ọnụmụzọ, a sị, ‘Di-nwọnni-ẹnyi, dodo gụnpụnị ẹnyi ụzọ!’ O jẹnkọ d'a za ụnụ, sị, ‘Amarịn m ebe ụnụ gha bịa!’

Luku 19:44

Wẹ jẹnkọ d'e tikpọ ị ru alị, yụ lẹ ndị rị imẹ i: onwọnni ogbe ọmụma ohu wẹ gi tụn ị hụn wẹ jẹnkọ d'a latọ elu ibe ẹ, makẹni y'a marịnnị ogẹn Osolobuẹ gi bịa d'e mẹni i ọhụnma.”