Jerimaya 8:2 - Ika

² Wẹ k'e kpọn wẹ tọnị anwụn lẹ ifọn lẹ kokisẹ ile rị igwere, hụn te a sụọ wẹ, hụn wẹ te a rụa, e sọn, e gọn ntịn, e fe ofufe. Ekpọnkikomẹkọ wẹ wẹ mọbụ li wẹ — wẹ k'a la wẹ tọ alị nọkẹ ẹfịfịa.

Jerimaya 8:2 Iomraidhean Croise

Ndị-nze Nke Ẹbụọ 17:16

A latọ wẹ ihiẹn ile Osolobuẹ wụ Chuku wẹ sị wẹ e mẹ, gi igwe kpụrụ ụmụ-efin ẹbụọ femẹ, zumẹ osisi wẹ gi a rụa Ashẹra. A kpọnị wẹ ihiẹn ile rị igwere isi alị, e fe wẹ mmọn Baalụ.

Ndị-nze Nke Ẹbụọ 21:3

Ọ tụnkinsọnmẹ ụlọ-mmọn ndị ahụn nẹdi ẹ wụ Hezikaya tikpọgụ; o tumẹzighọ ukpo mmọn Baalụ, zumẹ osisi wẹ gi a rụa Ashẹra kẹ Ehabụ wụ eze Izrẹlụ Ẹbamịn ugu dọn mẹ. Ọ kụsọnmẹni kẹ kokisẹ kẹ wẹ ile rị igwere isi-alị, e fe wẹ.

Ndị-nze Nke Ẹbụọ 21:5

Ọ rụnghọ ukpo ndị wẹ nọ a chụnyeni kẹ kokisẹ kẹ ihiẹn ndị ọzọ ile rị igwere yesọnmẹ imẹ ezi ẹbụbụọ rị Ụlọ-nsọ Osolobuẹ.

Ndị-nze Nke Ẹbụọ 23:5

Ọ nọ chụ ndị ile ndị-nze Juda te tumẹ nị w'a chụn ẹjan nsẹnsi ebe jẹnsọnmẹ elu: kẹ imẹ obodo ndị rịsọnmẹ alị Juda kẹ ndị rịchanrịn ẹgbẹrẹ Jerusalẹm, chụzị ndị hụn a mụye nsẹnsi e gi a rụa kẹ Baalụ kẹ ẹnyanwụn kẹ ifọn kẹ kokisẹ kẹ ihiẹn ndị ọzọ ile rị igwere.

Ẹbụ-ọma 53:5

Okẹn egun a tụmagụọ wẹ nwan ebẹhụ — bụ ihiẹn egun arịa, makẹni Chuku e mẹgụọ ndụn gụ ndị kehunmẹ ụnụ, gụ wẹ ru ọkpụkpụ; ụnụ e mẹri wẹ, ifẹnrẹn e mẹgbu wẹ, makẹni Chuku a jụgụọ wẹ.

Ẹbụ-ọma 83:10

ndị hụn i tikpọ la iwi imẹ Ẹndọ, ozun wẹ e retọ alị nọkẹ nsịn.

Ẹbụ-ọma 83:11

Mẹ ndị-isi wẹ ihiẹn i mẹ Orẹbụ lẹ Zibu; gbu ndị-nze wẹ k'i dọn gbu Zẹba lẹ Zal'muna,

Ẹkịliziastisi 6:3

Ịhịan nwọn ikẹn mụ ụmụ ọgụn-isẹn, tọ ọda-ọda — kanị, k'ọ tọlẹ, omẹni ọ sanị ẹka ri ihiẹn o nwọn, ọ nwụnhụn elini w'ẹ ọhụnma, m sị ị nị nwa nwụntọ ẹfọ ka a mma.

Jerimaya 14:16

Ọpịa-agha lẹ ụnwụn k'e gbuzikwọ ndị ahụn wẹ rị e buni amụma tọ ọgbara-ogbe Jerusalẹm. Onwọnkọ onyẹ k'e lini wẹ lẹ inyẹnmẹ wẹ lẹ ụmụ wẹ ikẹnnyẹ lẹ ikpoho. M jẹnkọ d'e hu afụnfụn ahụn furuni wẹ kpu wẹ.

Jerimaya 16:11

Sị wẹ nị Osolobuẹ sị, ‘Makẹni ndị nẹdi ụnụ kanị gbakitọ m azụụn, sọnmẹ mmọn ichẹn-ichẹn, e fe wẹ, a kpọnị wẹ isi-alị; wẹ gbakitọ m azụụn; edọnmẹni wẹ Iwu m.

Jerimaya 16:4

Eje-emu jẹnkọ d'e gbu wẹ; onwọnni onyẹ jẹnkọ d'a kwannị wẹ mọbụ li wẹ; ozun wẹ jẹnkọ d'e jun alị kẹ nsịn-efin. Agha lẹ ụnwụn jẹnkọ d'e gbu wẹ; ozun wẹ k'a wụrụnị nnụnụ lẹ anụ-ọfịa ihiẹn-oriri.

Jerimaya 16:6

Kẹ onyẹ uku kẹ onyẹ nta jẹnkọ d'a nwụntọ alịnị; onwọnkọ onyẹ k'e lini wẹ mọbụ kwan wẹ; onwọnzikwọnị onyẹ jẹnkọ d'e be enwẹn ẹ ihiẹn mọbụ kọ ntutu ẹ n'ọ rị a kwan wẹ.

Jerimaya 19:13

Ụlọ ndị rị Jerusalẹm lẹ obi-eze ndị-nze Juda jẹnkọ d'a rụ nọkẹ Tofẹtị ebeni, ụlọ ile wẹ nọ elu wẹ chụnyesọnmẹni ihiẹn ile rị igwere ẹjan nsẹnsi, nọ elu wẹ huyesọnmẹni mmọn ndị ọzọ manya.’ ”

Jerimaya 22:19

“Wẹ k'e li ẹ kẹ wẹ e li jaki — wẹ k'a dọkpụnrụn a d'e tuhu, we ẹ pụ ọnụ-mgbọn Jerusalẹm d'e tuhu.” Osolobuẹ sị ndị Jerusalẹm,

Jerimaya 25:33

O ru ogẹn hụ, ndị Osolobuẹ gi ọpịa-agha gbu jẹnkọ d'e jun ụwa ile — gha isini d'e ru isini. Akwankọ wẹ wẹ, ekpọngbamakọ wẹ wẹ, elikọ wẹ wẹ — wẹ k'e jun alị kẹ nsịn anụ.

Jerimaya 31:40

Ọdanmgbugbu hụ rị ebẹhụ hụn w'a tụye ozun lẹ ntụn anụ ndị nchụn-ẹjan kpọ ọkụn lẹ alị ugbo ile rị mkpẹnrẹn Ọdanmgbugbu hụ k'a rịchanrịn imẹ ẹ, rudẹ Ọdanmgbugbu Kidrọnụ hụn rị ẹbamịn ọwụwa-ẹnyanwụn, pụhazị Ọnụ-mgbọn Ẹshin rị ẹbamịn-ugu. Wẹ ile jẹnkọ d'a wụ ihiẹn rị nsọ ẹnya Osolobuẹ. Ehuepụkọzị wẹ obodoni mọbụ tikpọzị a.”

Jerimaya 36:30

“ ‘Lee nwan ihiẹn Osolobuẹ sị o k'e mẹ Jehoyakim eze Juda: Osolobuẹ sị: Onwọnni nwa Jehoyakim jẹnkọ d'a nọdị ukpo Defidi; wẹ k'a mahu ozun Jehoyakim, anwụn hụ a ma a efinaị, igirigi hụ e ziẹn ẹ uhinhin.

Jerimaya 9:20

Ikpoho, gọn ni nwan ntịn oku Osolobuẹ; gọn ni ntịn oku-ọnụ a. Zin ni mmụ ụnụ ikpoho kẹ wẹ dọn e goo; kuzi ni ibe ụnụ ịkwan-ụya.

Jerimaya 9:21

Makẹni ọnwụn a ghagụọ windo ẹnyi nyinbanhan, o nyinbangụọ ebe ile zeni ẹnyi te a gbaban; o werigụọ ụmụ-ẹka rị ogbe e gu egu lẹ ikorọbịa rị ebe wẹ nọ e zu. Osolobuẹ sị:

Jerimaya 9:22

Sị wẹ, “Osolobuẹ sị: ‘Ozun ịhịan jẹnkọ d'e jun ụzọ ile nọkẹ nsịn-efin rịsọnmẹ ogige; wẹ k'e jun alị kẹ ọka wẹ betọsọnmẹ alị hụn wẹ kelẹni kpọnkikomẹ.’ ”

Izikẹlụ 29:5

a la m'ị tọ alị imẹ atụ alị-ọkpọnkụn, yụ lẹ azụn hụ ile rị Iyi Naịlị ị. Ụnụ a tọ ogige ebẹhụ, ekpọnkikomẹkọ wẹ ụnụ, ekpọnrịnkọ wẹ ụnụ, makẹni e bugụọ m'i tọnị anụmanụ lẹ nnụnụ ri.

Izikẹlụ 39:5

Elu ẹfịfịa ebẹhụ k'ị k'a nwụntọ. E kugụọ m'a. Ya kẹ Osolobuẹ Nwọn Ihiẹn Ile ku.

Izikẹlụ 6:5

M k'e kpọn ozun ndị Izrẹlụ ye ihun mmọn ndị hụn wẹ rị a rụa, fe ọkpụkpụ wẹ ghahunmẹ ukpo-mmọn wẹ.

Izikẹlụ 8:16

Ọ nọ nwan wẹhẹ m ihun-ezi rịchanrịn imẹ hụn rị Ụlọ-nsọ Osolobuẹ: e lee ihiẹn nọkẹ madụ isẹn kwasị ọgụn rị ihun Ụlọ-NSỌ Osolobuẹ ebẹhụ e fe ẹnyanwụn!! Wẹ rị ẹgbata ẹtu-ụlọ rị ebẹhụ lẹ ukpo nchụn-ẹjan Osolobuẹ! Wẹ ile bu azụụn zinmẹ Ụlọ-NSỌ Osolobuẹ, bu ihun zinmẹ ẹbamịn ọwụwa ẹnyanwụn, a kụnị ẹnyanwụn isi alị!

Zẹfanaya 1:17

M k'e wẹhẹni ịhịan nsọngbu, e bisọnmẹ wẹ ẹka e jẹn nọkẹ ndị ẹnya-ishi, makẹni e mẹọlẹ wẹ Osolobuẹ njọ. Ẹdeke wẹ k'a gba kẹ mirin ogẹn hụ; ozun wẹ k'e retọ alị kẹ nsịn efin.

Zẹfanaya 1:5

M k'e gbuchanrịn ndị ile a nọ elu ụlọ wẹ a rụa kokisẹ, ifọn lẹ ẹnyanwụn; ndị a kụnị Osolobuẹ isi alị e kun Osolobuẹ, e kunzikwọ mmọn wụ Molẹkị,

Ọrụn Ndị-ozi 7:42

Ya kẹ Osolobuẹ nọ gbakitọ wẹ azụụn, ha wẹ ye nị wẹ femẹ ihiẹn ndị rị igwere. Ya kẹ ndị-amụma de, sị, ‘Heuu, ikpụlọ Izrẹlụ! Ẹlẹkwọ mmẹ kẹ ụnụ gbuni anụ ndị ahụn; ẹlẹ mmẹ kẹ ụnụ chụnyesọnmẹni ẹjan ndị ahụn imẹ atụ ọrọgbọ ahụa ọgụnnaị.

Ditrọnọmi 17:3

e fe mmọn-lẹ-iyi, a kpọnị wẹ isi alị, a kụnị ẹnyanwụn mọbụ ifọn mọbụ kokisẹ rị elu-igwere isi alị, ihiẹn m sị ụnụ emẹlẹ.

Ditrọnọmi 4:19

Ụnụ lekwọ ẹnya elu-igwere, hụn ẹnyanwụn lẹ ifọn lẹ kokisẹ, ihiẹn ile rị igwere, anịkwọlẹni wẹ chanban ụnụ ẹnya, ụnụ a kpọma nị wẹ isi alị, femẹ ihiẹn-okike mmaka ndị ahụn Osolobuẹ wụ Chuku ụnụ ketọnị ụwa ile.