Jerimaya 8:19 - Ika

¹⁹ Lee ihiẹn ndị nke m rị a kwan ẹkwan imẹ alịnị ile: ‘Osolobuẹ arịzịdẹ nwan Zayọnụ ra? Osolobuẹ Eze Zayọnụ arịzị ebahụn?’ ” Osolobuẹ nkẹ sị, “Kị wẹ gini nwan ihiẹn ndịnị wẹ kpụ kpasu m iwe — ya lẹ mmọn alị ndị-ọzọ nwọnlẹni isi wẹ kpụsọnmẹ?”

Jerimaya 8:19 Iomraidhean Croise

Ẹbụ-ọma 135:21

Gha nị obodo Zayọnụ ja Osolobuẹ mma, ja nị Onyẹ hụ bi Jerusalẹm mma. Ja nị Osolobuẹ mma!

Ẹbụ-ọma 137:1

Mkpẹnrẹn iyi rị Babilọnụ kẹ ẹnyi nọdị alị a kwan ẹkwan, ogẹn ẹnyi gi nyanhan obodo Zayọnụ.

Ẹbụ-ọma 146:10

Osolobuẹ k'a kị jẹnrin-ejẹn! Zayọnụ, Chuku i k'a kịsọnmẹ gha agbọ pụ agbọ! Ja nị Osolobuẹ mma!

Ẹbụ-ọma 149:2

Ndị Izrẹlụ wẹ ghọghọma makẹ Onyẹ hụn keni wẹ; ẹfọ ya sụọma ndị Zayọnụ ụsụọ makẹ Eze wẹ.

Ẹbụ-ọma 31:6

Ize ndị hụn a danbemẹ mmọn nwọnlẹni isi e ze m e ze, Osolobuẹ kẹ mmẹ nwẹn gi e dọn ẹnya.

Azaya 1:4

Eje-alịnị! Ndịnị njọ jun ihun lẹ azụụn! Ụmụ hụn e mẹ eje-ihiẹn eje-ihiẹn; ụmụ rụnị! A gbakitọgụọ wẹ Osolobuẹ azụụn; a jụgụọ wẹ Onyẹ-nsọ Izrẹlụ, ya lẹ wẹ arịzị kaka!

Azaya 12:6

Yikẹnmẹ ni oro, ụnụ a bụ ẹbụ ịghọghọ, ụnụ ndị Zayọnụ, makẹni Onyẹ-nsọ Izrẹlụ e mẹkẹ okẹn-ihiẹn imẹ igunrun ụnụ!”

Azaya 13:5

Wẹ ghasọnmẹ alị teni bịa, kẹ ndị ghadẹ ebe igwere ru bịa — Osolobuẹ lẹ ihiẹn-ọgụn a rọ, hụn o jẹnkọ d'e gi ghọsị ọnụma a; o wela wẹ d'e tikpọ alị ile.

Azaya 33:22

Makẹni Osolobuẹ wụ onyẹ a hannị ẹnyi eṅẹn; Osolobuẹ wụ onyẹ e ye ẹnyi iwu; Osolobuẹ wụ eze ẹnyi. Ịya jẹnkọ d'a zụọpụha ẹnyi.

Azaya 39:3

Omẹgụ, onyẹ-amụma wụ Azaya nọ buru eze wụ Hezikaya, sị a, “Kịnị kẹ ikẹnnyẹ ndịnị ku? Elebe kẹ wẹ gha bịa?” Hezikaya nọ sị a, “Wẹ gha alị teni bịa, alị Babilọnụ kẹ wẹ ghakwọrị bịa d'a hụn m.”

Azaya 52:1

Tẹnhin! Tẹnhin! Zayọnụ, tẹnhin! Jeri ikẹn lekẹ ẹkwa. Obodo nsọ wụ Jerusalẹm, yiri ẹwuru ọma ị; ndị ahụn wẹ kwalẹni ugun, ndị ahụn rịlẹni ụchan, abanhankọzị imẹ i.

Jerimaya 10:15

Abannị wẹ erere, wẹ wụhụ ihiẹn ẹmụ; wẹ jẹnkọ d'a la iwi ogẹn m'e gi mẹ wẹ ihiẹn furuni wẹ.

Jerimaya 14:19

Y'a jụchanrịngụọdẹ nwan alị Juda ra ize Zayọnụ rị e zen'i agụkọdẹ? K'ị rụnị ẹnyi eje-ẹhụnị jẹnkọlẹni d'a nị zụọ? Ẹnyi hụ a tụ ẹnya nị ihiẹn rị mma, kanị ihiẹn rị mma abịanị; ẹnyi hụ a tụ ẹnya nzụọrị, kanị ihiẹn-egun kẹ ẹnyi a hụn.

Jerimaya 14:9

K'ị rị nwan e mẹni kẹ onyẹ ihiẹn kunrun idẹnmuzi, kẹ odogun-agha nwọnlẹni ihiẹn ọ saẹka e mẹ? Bụ ị hụ imẹ igunrun ẹnyi, Osolobuẹ — ẹfan ị kẹ ẹnyi a za; dodo, alakwọlẹ ẹnyi tọ.

Jerimaya 2:5

Lee ni ihiẹn Osolobuẹ ku: ‘Elee eje-ihiẹn kẹ ndị nẹdi ụnụ hụn m ẹka, wẹ gi gbateni m ẹnịna? E sọnmẹ wẹ mmọn nwọnlẹni isi wẹ kpụ, wẹ nwẹn nọzilẹni nwọn isi.’

Jerimaya 27:10

Ntụ kẹ wẹ rịkwọ a tụ ụnụ, ntụ hụn k'e wepụ ụnụ alị ụnụ, we ụnụ shi ebe tegbu enwẹn ẹ; makẹni, m sikọ d'a chụpụ ụnụ, ụnụ a la iwi.

Jerimaya 31:6

Ogẹn lala hụn ndị a kpọ ọgwa k'e gi gha òke rịsọnmẹ ẹgbẹrẹ Ifrem a hị, ‘Pụha nị, nị ẹnyi jẹn Zayọnụ d'e fe Osolobuẹ wụ Chuku ẹnyi.’ ”

Jerimaya 32:30

“Ihiẹn rịlẹni mma ẹnya m sụọ kẹ ndị Izrẹlụ lẹ ndị Juda e mẹ gha alị lala; iwe-iwe kẹ wẹ gi ihiẹn ẹka wẹ mẹmẹ a kpasu m. Ya kẹ Osolobuẹ ku.

Jerimaya 7:19

Mmẹ kẹ wẹ rịdẹ nwan e mẹ ra? Ẹlẹ enwẹn wẹ kẹ wẹ rị nwan e mẹ, e gi ẹ e gbe ifẹnrẹn e ye enwẹn wẹ ihun? Ya kẹ Osolobuẹ ku.

Jerimaya 8:20

Ndị alị hụ a kwan ẹkwan: “Ogẹn ihiẹn-ugbo a ghafegụọ; ọkọkị a ghafe, kanị nzụọpụha eke bịakwọnị ẹnyi.”

Jerimaya 9:16

M jẹnkọ d'e feyịya wẹ ye alị ichẹn-ichẹn hụn o mẹ ni kẹ wẹ kẹ ndị nẹdi wẹ amarịn, e gi m ọpịa-agha ndị-iṅẹnrẹn wẹ chụ wẹ d'e ru n'a gụchanrịn wẹ.’ ”

Izikẹlụ 48:35

“Azụụn ẹnịnọ obodo hụ k'a wụ maịlị isin. Gha ogẹn ahụn jẹnmẹ, ẹfan obodo hụ k'a wụ ‘Osolobuẹ Rị Ebẹhụ.’ ”

Juwẹlụ 2:32

Onyẹ ọwụlẹ hụn k'a kpọku ẹfan Osolobuẹ k'a wanahịn makẹni Osolobuẹ e kuọl'a n'o k'e nwọnrịrị ndị k'a wanahịnnị — imẹ ndị rị ugu Zayọnụ lẹ ndị rị Jerusalẹm; ndị hụ k'a wanahịnnị k'a wụ ndị m họrị.

Juwẹlụ 3:21

M k'a gbagharị wẹ ogbugbu wẹ gbu hụn m kelẹni gbagharị wẹ; makẹni imẹ Zayọnụ kẹ mmẹ wụ Osolobuẹ bi!”

Obadaya 1:17

Kanị, elu Ugu Zayọnụ wụ Izrẹlụ, o k'e nwọn ndị k'a wanahịnnị; wẹ k'a rịzịkwọ nsọ; uwẹ ndị ikpụlọ Jekọpụ k'e weri alị wẹ.

Maịka 4:9

K'ị rị e yini nwan, a kwan ụya? Eze i arịzịa? Onyẹ hụn a dụn ị ọdụn a nwụnhụngụọ ra, o gi a fụ ị ẹnịna, nọkẹ onyẹ imẹ rị e mẹ?

Zẹfanaya 3:15

Osolobuẹ a kụsịgụọ afụnfụn ahụn o te gi sọn njọ ụnụ; ọ zapụgụọ ndị-iṅẹnrẹn ụnụ. Eze Izrẹlụ wụ Osolobuẹ nọyeni ụnụ anọyeni! Atụlẹ ni egun ọdakin!

Zẹkaraya 2:9

Ọ sị, “Lee ẹ, m sikọ nwan d'a tịnpụ ẹka mẹshi wẹ ikẹn, ụnụ ndị wẹ te gi họnrin igbọn k'a kwanarịn wẹ ihiẹn wẹ!” Ogẹn hụ, ụnụ a marịn nị Osolobuẹ lẹ enwẹn ẹ, onyẹ hụn ihiẹn ile rị okpuru ẹ, zi mmẹ wụ Zẹkaraya.

Ọrụn Ndị-ozi 14:15

“Ibe ẹnyi, kị ụnụ rị e mẹ ihiẹnni?! Ẹnyi wụhụ ịhịan mmaka nọ kẹ ụnụ!! Ẹnyi wẹhẹni ụnụ oziọma, kẹni ụnụ hụn ụzọ gbehutọ, la ihiẹn ndịnị nwọnlẹni-isi tọ, pụha d'e kunrun Osolobuẹ rị ndụn, onyẹ hụn ke elu-igwee lẹ ụwa lẹ ohimin lẹ ihiẹn ile rị imẹ wẹ.

Ditrọnọmi 31:17

Wẹ mẹ ẹ, m k'e gi olulu sọn wẹ, la wẹ tọ; m k'e bupụ wẹ ihun, e tikpọ wẹ wẹ. Ihiẹn-ikẹn lẹ nsọngbu ichẹn-ichẹn jẹnkọ d'a bịanị wẹ. O ru ogẹn ahụn, a jụma wẹ, ‘Osolobuẹ a lagụọnị ẹnyi tọ haịn ihiẹn-ikẹn ndịnị gi bịanị ẹnyi ra?’

Rẹvẹleshọnụ 2:1

“Dejẹnni onyẹ-isi ụka Ẹfẹsọsụ, sị a: Lee ihiẹn onyẹ hụ kokisẹ ẹsa hụ rịchanrịn ẹka-nni ẹ ku, onyẹ ahụn a ghahunmẹ imẹ obu-ukpẹ goru ẹsa hụ: