Jerimaya 8:1 - Ika

¹ “Osolobuẹ sị: O ru ogẹn hụ, wẹ k'e kpọnpụsọnmẹ ọkpụkpụ ndị-nze kị alị Juda lẹ ịhaịmẹ wẹ imẹ ili wẹ, lẹ ọkpụkpụ ndị nchụn-ẹjan lẹ ndị-amụma lẹ ọkpụkpụ ndị Jerusalẹm ile.

Jerimaya 8:1 Iomraidhean Croise

Ndị-nze Nke Ibuzọ 13:2

Okẹnnyẹ hụ nọ gi oku Osolobuẹ yi oro kpu ukpo nchụn-ẹjan hụ, sị, “Ukpo nchụn-ẹjan! Ukpo nchụn-ẹjan!! Lee ihiẹn Osolobuẹ ku: ‘Wẹ k'a mụ okẹnnyẹ wẹ k'a kpọ Josaya ye ikpụlọ Defidi. Josaya hụ k'e gi ihẹnrẹn mmọn ndị a nọ elu i a chụn ẹjan chụn ẹjan elu i; Josaya sikọ d'a kpọ ọkpụkpụ ịhịan ọkụn elu i, gi mẹrụ ị.’ ”

Ndị-nze Nke Ẹbụọ 23:16

Ogẹn Josaya gi gbehutọ, hụn ili ndị rị mkpọtu òke ebẹhụ, ọ nọ sị wẹ kpọnpụha ọkpụkpụ rị imẹ ili ndị hụ, ọ nọ nọ ukpo nchụn-ẹjan hụ dụn wẹ ọkụn, gi ẹ mẹrụ a. Ihiẹn ndịnị kẹ Osolobuẹ gi odibo Chuku nẹi ku mbụ-mbụ n'o k'e mẹ.

Ndị-nze Nke Ẹbụọ 23:20

Josaya nọ gbuchanrịn ndị ihẹnrẹn-mmọn ile a nọ ụlọ-mmọn ndị hụ a ghọ mmọn tọ elu ukpo nchụn-ẹjan ndị hụ, dụn ọkpụkpụ ịhịan ọkụn tọ elu wẹ. Ya ọ nọ lakin Jerusalẹm.

Ndị-nze Nke Ẹbụọ 9:37

Ozun Jezibẹlụ k'a nọ kẹ ẹfịfịa rị akpakalị, imẹ alị hụ rị Jezriẹlụ, nke wụnị onwọnni onyẹ k'a s'ẹka kọma a ẹnya, sị, “Ọnwan wụ Jezibẹlụ.” ’ ”

Ẹbụ-ọma 53:5

Okẹn egun a tụmagụọ wẹ nwan ebẹhụ — bụ ihiẹn egun arịa, makẹni Chuku e mẹgụọ ndụn gụ ndị kehunmẹ ụnụ, gụ wẹ ru ọkpụkpụ; ụnụ e mẹri wẹ, ifẹnrẹn e mẹgbu wẹ, makẹni Chuku a jụgụọ wẹ.

Jerimaya 14:16

Ọpịa-agha lẹ ụnwụn k'e gbuzikwọ ndị ahụn wẹ rị e buni amụma tọ ọgbara-ogbe Jerusalẹm. Onwọnkọ onyẹ k'e lini wẹ lẹ inyẹnmẹ wẹ lẹ ụmụ wẹ ikẹnnyẹ lẹ ikpoho. M jẹnkọ d'e hu afụnfụn ahụn furuni wẹ kpu wẹ.

Izikẹlụ 37:1

Osolobuẹ mẹtụ m ẹka, gi Mmọn Osolobuẹ wepụha m, bu m che etintinnaị ọdanmgbugbu ohu. Ọkpụkpụ jun ọdanmgbugbu hụ.

Izikẹlụ 6:4

M k'e tikpọchanrịn ukpo mmọn ụnụ ile, tikpọ ukpo nsẹnsi ụnụ ile; m k'e gbu ndị nke ụnụ tọ ihun mmọn ụnụ ndị hụ.

Izikẹlụ 6:5

M k'e kpọn ozun ndị Izrẹlụ ye ihun mmọn ndị hụn wẹ rị a rụa, fe ọkpụkpụ wẹ ghahunmẹ ukpo-mmọn wẹ.

Emọsụ 2:1

Osolobuẹ sị: “Makẹ njọ ẹtọ ndị alị Mụabụ mẹ, njọ ẹnọ dẹ, erohutọkọ m, m k'e yerịrị wẹ afụnfụn: makẹni wẹ kpọ ọkpụkpụ eze alị Ẹdọm ọkụn, o họnrin ntụn.