Jerimaya 7:8 - Ika

⁸ Ka lee ẹ nwan, ụnụ hụ e gi ntụ hụn jẹnkọlẹni d'a bannị ụnụ erere e dọn ẹnya.

Jerimaya 7:8 Iomraidhean Croise

Azaya 28:15

Ụnụ hụn a nyan isi, a sị, “Ẹnyi lẹ ọnwụn e kwerigbamagụọ n'o gbukọ ẹnyi, ẹnyi lẹ alị-mmọn e kwerigbamagụọ n'o nwọnni ihiẹn o k'e mẹ ẹnyi. Ogẹn okẹn nsọngbu hụ k'e gi bịa, o rukọ ẹnyi ẹhụ, makẹni ẹnyi a gbaburugụọ ntụ, makẹni ẹnyi a warịgụọ imẹ ihiẹn wụlẹni ezigbo ẹ.”

Azaya 30:10

Wẹ sị ndị a hụn ụzọ, “Hụnbehi ni ọhụn ndị ahụn!” Wẹ sị ndị-amụma, “Gwabehi ni ẹnyi ezioku! Gwama nị ẹnyi ihiẹn ẹnyi chọ nị ẹnyi nụ — bumẹdẹ ni amụma-ntụ.

Azaya 59:4

Onwọnni onyẹ a chọ ezioku; onwọnni onyẹ e kinchanrịn ihiẹn mẹni. Ikpe wẹ rị e kin ghalẹni e ru alị kẹ wẹ gi e dọn ẹnya, a tụsọnmẹ ntụ; w'e rotọsọnmẹ eje-ihiẹn e mẹ.

Jerimaya 13:25

Ịya wụ ihiẹn run'i, ịya kẹ m keye i — makẹni y'a zọgụọ m, gi mmọn-lẹ-iyi wụlẹni Chuku dọn ẹnya. Ya kẹ Osolobuẹ ku.

Jerimaya 23:26

Elee mgbe ndị amụma-ụghanị k'a kụsị ihiẹnni — ndị-amụma hụn e ku ihiẹn rị wẹ uche nị wẹ rị e bu amụma?

Jerimaya 23:32

Mmẹ lẹ ndị-amụma gi ihiẹn wẹ rọhụn hụn wụlẹni oku m e bu amụma rọ. Wẹ hụ e ziẹn nrọ ndị ahụn, e gi ihiẹn ile wụlẹni nke m wẹ rị e mẹ e dufie ndị nke m, ihiẹn ile wẹ rịlẹni a jụ m e mẹ; ezini m wẹ, etumẹni m wẹ. Onwọnni ẹka wẹ rị e yeni ndị nke m kaka.’

Jerimaya 28:15

Jerimaya onyẹ-amụma nọzị sị Hanania onyẹ-amụma, “Hanania, gọn nwan ntịn, Osolobuẹ ezini i bu amụmanị, kanị ị nọ mẹ ndịnị gi ntụ dọn.

Jerimaya 4:10

M nọ sị, “Heuu, Di-nwọnni-ẹnyi wụ Osolobuẹ, y'e dufiechanrịngụọ ndịnị lẹ Jerusalẹm, ebe ị nọ sị wẹ, ‘Ihiẹn emẹkọ ụnụ,’ bụ ọpịa rị nwan ẹnyi ẹkpịrị!”

Jerimaya 5:31

Ndị-amụma rị e bu amụma-ntụ, ndị nchụn-ẹjan hụ e gi ọrụn wẹ a kpa ikẹn — bụ ọ hụdẹ a sụọ ndị nke m ẹrịra! Kị ụnụ k'e mẹ nwan ogẹn ikpanzụụn?

Jerimaya 7:4

Ebukwọlẹ ni obi ụnụ che ntụ ahụn ụnụ rị a tụ enwẹn ụnụ, nị ‘Ụlọ-NSỌ Osolobuẹ hụ ebeni! Ụlọ-NSỌ Osolobuẹ hụ ebeni! Ụlọ-NSỌ Osolobuẹ hụ ebeni!’

Jerimaya 8:10

Ufiri ihiẹn wẹ rị e mẹ, m k'e we inyẹnmẹ wẹ ye ndị ọzọ, we ugbo wẹ ye ndị ọzọ weri. Kẹ ndị uku kẹ ndị nta, ẹnya wẹ ile rị ihiẹn k'a ban wẹ ẹkpa; kẹ ndị-amụma kẹ ndị nchụn-ẹjan wụchanrịn ndị ntụ-lẹ-aghịghọ.